Ola EV Scooter: స్కూటీ లవర్స్‌కు ఓలా కంపెనీ బంపర్ ఆఫర్ ప్రకటించింది. తన కంపెనీ నుండి ఎంట్రీ లెవల్ ఇచ్చే స్కూటీపైనే భారీ డిస్కౌంట్ ప్రకటించింది. ఎస్1 ఎక్స్ సిరీస్ కు చెందిన ఈవీలను రూ. 69,999లకే మార్కెట్లోకి అమ్మకానికి తీసుకువస్తున్నట్లు ప్రకటించింది. ఈ మేరకు ఓలా ఎస్1 ఎక్స్ కొత్త ధరలను ఓలా వెబ్ సైట్లో అందుబాటులో ఉంచింది. ఎలక్ట్రిక్ స్కూటర్లను కొనుగోలు చేసేవారికి అతి తక్కువ ధరకే ఈ స్కూటర్లు అందుబాటులో ఉండనున్నాయి.
ఎస్1ఎక్స్ ఈవీఎం ఫీచర్ల విషయానికొస్తే ఫిజికల్ కీతో తయారుచేయబడింది. ఇది వచ్చే వారం నుంచి డెలివరీలు ప్రారంభిస్తామని కంపెనీ పేర్కొంది. ఇది 3 బ్యాటరీ వేరియంట్లలో లభిస్తుంది. 8 ఏళ్ల పాటు 80 కిలోమీటర్లు మేర బ్యాటరీ వారంటీతో వస్తుంది. ఇందులో మూడు రకాల ఫీచర్లు ఉన్నాయి. 2 కేడబ్ల్యూహెచ్ స్కూటర్ ఐడీసీ రేంజ్ 95 కిలోమీటర్లు, 3 కేడబ్ల్యూహెచ్ స్కూటర్ 143 కిలోమీటర్లు, 4 కేడబ్ల్యూహెచ్ స్కూటర్ 190 కిలోమీటర్ల రేంజ్ తో ఈవీలు ఉండనున్నాయని కంపెనీ వెల్లడించింది.
కేవలం 3.3 సెకన్లలోనే 0 నుంచి 40 కిలోమీటర్లు వేగాన్ని అందుకుంటుందని కంపెనీ స్పష్టం చేసింది. ఇందులో 2 కిలో వాట్ బ్యాటరీ వేరియంట్ స్పీడ్ 85 కిలోమీటర్లు ఉంది. ఈ స్కూటర్లలో 6 కేడబ్ల్యూ మోటార్ ఉంటుందని తెలిపింది. అయితే ఇందులో క్రూయిజ్ కంట్రోల్, ఓలా ఎలక్ట్రిక్ యాప్, రివర్స్ మోడ్ వంటి లేటెస్ట్ ఫీచర్లు కూడా ఉన్నాయి. ఓలా ఈవీఎంలు ప్రస్తుతం 7 కలర్స్ లలో అందుబాటులో ఉన్నాయి.
ఈవీఎం ధరలు..
2 కేడబ్ల్యూహెచ్ వేరియంట్ ధర రూ. 69,999
3 కేడబ్ల్యూహెచ్ బ్యాటరీ వేరియంట్ ధర రూ. 84,999
4 కేడబ్ల్యూహెచ్ బ్యాటరీ వేరియంట్ ధర రూ. 99,999