Best Investment Returns: సీప్ vs పీపీఎఫ్ వీటిలో ఏది బెస్ట్..15 ఏళ్లలో దేనిలో ఎక్కువస్తుంది..

Best Investment Returns: భవిష్యత్తులో ఆర్థిక సమస్యలు రాకుండా ఉండేందుకు ఇప్పటి నుంచే ఏదైనా ఒక స్కీంలో ఇన్వెస్ట్ చేయడం చాలా ఉత్తమం. వీటి కోసం ప్రస్తుతం ఎక్కువగా ఆదరణ పొందిన వాటిలో సిస్టమేటిక్ ఇన్వెస్ట్‌మెంట్ ప్లాన్ (SIP), పబ్లిక్ ప్రావిడెంట్ ఫండ్ (PPF) ఉన్నాయి. అయితే వీటిలో దేనిలో పెట్టుబడి చేస్తే బెటర్, ఏది ఎంచుకోవాలి. SIP లేదా PPFలలో 15 సంవత్సరాలలో సంవత్సరానికి రూ.1,50,000 పెట్టుబడి చేస్తే దేనిలో ఎక్కువ మొత్తం వస్తుందనే విషయాలను ఇప్పుడు తెలుసుకుందాం.

SIP అంటే ఏంటి..
SIP అనేది మ్యూచువల్ ఫండ్‌లలో ఒక నిర్దిష్ట మొత్తాన్ని క్రమం తప్పకుండా (నెలవారీ/త్రైమాసిక/వార్షిక) పెట్టుబడి పెట్టే విధానం. దీని ద్వారా మార్కెట్ ఒడిదొడుకులను సమర్థవంతంగా అధిగమించి, దీర్ఘకాలంలో మంచి లాభాలను పొందవచ్చు.

SIP ముఖ్యమైన ప్రయోజనాలు
-పెట్టుబడి అనుకూలత – నెలవారీ చిన్న మొత్తాలతో ప్రారంభించవచ్చు.
-రూపాయి ఖర్చు సరాసరి (Rupee Cost Averaging) – మార్కెట్ హెచ్చుతగ్గుల సమయంలో కూడా స్థిరంగా పెట్టుబడులు కొనసాగించేందుకు వీలు కల్పిస్తుంది.
-సూచీల ఆధారిత పెరుగుదల – సాధారణంగా SIP 12% వరకు వార్షిక రాబడిని అందిస్తుంది.
-పన్ను ప్రయోజనాలు – ELSS మ్యూచువల్ ఫండ్స్‌లో పెట్టుబడి పెడితే ఆదాయపు పన్ను మినహాయింపులను పొందవచ్చు.

Read Also: Sony TV Offer: సోనీ 55 ఇంచ్ స్మార్ట్ HD టీవీపై రూ. 42 వేల …

PPF అంటే ఏంటి?
పబ్లిక్ ప్రావిడెంట్ ఫండ్ (PPF) అనేది భారత ప్రభుత్వం అందించే పొదుపు పథకం. దీని వడ్డీ రేటు స్థిరంగా ఉంటుంది. ప్రభుత్వం నిర్ణయించిన విధంగా మారుతూ ఉంటుంది. దీని మెచ్యూరిటీ కాలం 15 సంవత్సరాలు.

PPF ముఖ్యమైన ప్రయోజనాలు
-భద్రత & స్థిరమైన వడ్డీ రేటు – ప్రస్తుతం 7.1% వడ్డీ రేటుతో అందుబాటులో ఉంది.
-పన్ను మినహాయింపు ప్రయోజనాలు – ఆదాయపు పన్ను చట్టంలోని 80C సెక్షన్ కింద మినహాయింపు పొందే పెట్టుబడి.
-రిస్క్-ఫ్రీ పెట్టుబడి – ప్రభుత్వ హామీ ఉన్న పెట్టుబడి, రాబడి కూడా పక్కాగా ఉంటుంది
-కంపౌండింగ్ ప్రయోజనం – దీర్ఘకాలంలో స్థిరమైన వృద్ధిని అందిస్తుంది.

SIP vs PPF: లెక్కల విశ్లేషణ
మీరు SIP, PPFలో విడిగా సంవత్సరానికి రూ. 1,50,000 పెట్టుబడి పెడుతున్నారని అనుకుందాం. ఇప్పుడు ఏ పెట్టుబడి ఎంపిక 15 సంవత్సరాలలో ఎక్కువ మొత్తాన్ని అందిస్తుందో పరిశీలిద్దాం.

SIP లెక్కింపు (12% వార్షిక వృద్ధి రేటుతో):
-నెలవారీ పెట్టుబడి: రూ. 12,500
-మొత్తం పెట్టుబడి (15 సంవత్సరాలు): రూ. 22,50,000
-సంపాదించిన లాభం: రూ. 36,99,142
-వచ్చే మొత్తం రూ. 59,49,142

PPF లెక్కింపు (7.1% వడ్డీ రేటుతో):
-వార్షిక పెట్టుబడి: రూ. 1,50,000
-మొత్తం పెట్టుబడి (15 సంవత్సరాలు): రూ. 22,50,000
-వడ్డీ ఆదాయం: రూ. 18,18,209
-వచ్చే మొత్తం: రూ. 40,68,209

తేడా:
-SIP ద్వారా రూ. 59.49 లక్షలు సంపాదించవచ్చు.
-PPF ద్వారా రూ. 40.68 లక్షలు మాత్రమే వస్తాయి.

-అంతిమంగా, SIP ద్వారా PPF కంటే రూ. 18.81 లక్షలు ఎక్కువ మొత్తాన్ని పొందవచ్చు.

SIP vs PPF: ఏది ఉత్తమం?
ఈ లెక్కల ప్రకారం, SIP పెట్టుబడి గణనీయంగా ఎక్కువ రాబడిని అందిస్తుంది. అయితే, SIP పెట్టుబడి మార్కెట్ పై ఆధారపడి ఉంటుంది. కాబట్టి ఇది కొంతమేర రిస్క్‌తో కూడుకున్నది. PPF స్థిరమైన రాబడిని అందించడంతో పాటు, ప్రభుత్వం హామీ ఇచ్చిన పెట్టుబడి కావడం వల్ల మీకు పూర్తిగా భద్రత ఉంటుంది.

ఏ పెట్టుబడిని ఎంచుకోవాలి?
మార్కెట్ హెచ్చుతగ్గులను భరించగలనని భావిస్తే SIP మంచి ఛాయిస్. లేదు భద్రత & స్థిరమైన రాబడి కావాలనుకుంటే PPF బెస్ట్. PPF ఆదాయపు పన్ను మినహాయింపు ప్రయోజనాలను అందిస్తుంది. అయితే ELSS SIP ద్వారా కూడా పన్ను ప్రయోజనాలను పొందవచ్చు.

Join WhatsApp Channel

Share

• 
• 
• 
• 
• 
•