Diwali Bonus: దీపావళి పండుగ వచ్చిందంటే కంపెనీలూ తమ ఉద్యోగులకు స్వీట్ బాక్సులు, డ్రై ఫ్రూట్స్ ఇవ్వడం చూస్తుంటాం. కానీ గుజరాత్‌లోని సూరత్ నగరం వేదికగా ఓ వస్త్ర వ్యాపారి చేసిన వినూత్న ఆలోచన అందరి హృదయాలను గెలుచుకుంటోంది. వ్యాపారి రామస్వరూప్ ముండే తన వద్ద పనిచేసే 20 మంది సిబ్బందిని ఊహించని విధంగా ఆశ్చర్యపరిచారు. ఒక్కొక్కరికి రూ.లక్ష నగదును బోనస్‌గా అందించి వారి జీవితాల్లో నిజమైన పండుగ వెలుగులను నింపారు.
వస్త్ర వ్యాపారి బోనస్ ఇచ్చే పద్ధతి ప్రధానంగా అందరి దృష్టిని ఆకర్షిస్తోంది. 10 రూపాయల నుంచి 500 రూపాయల నోట్ల కట్టలను అందంగా ఓ ప్లేటులో పేర్చి.. మహిళా ఉద్యోగులకు ఇస్తున్న వీడియో వైరల్ అవుతోంది. భార్య చేతుల మీదగా ఉద్యోగులకు ఈ నోట్ల కట్టలను అందించడం ప్రశంసలు అందుకుంటోంది. అంత పెద్ద మొత్తంలో లభించిన దీపావళి కానుకను చూసి ఉద్యోగులు తీవ్ర భావోద్వేగానికి లోనయ్యారు. కొందరైతే కృతజ్ఞతతో ఆనందభాష్పాలు రాల్చారు.
❤️ THIS IS WHAT TRUE GENEROSITY LOOKS LIKE
Meet Ramswaroop Mund, a textile businessman in Surat originally from Rajasthan.
This Diwali, he gifted ₹1 LAKH CASH to each of his 50 employees, along with special gifts.
But the money isn’t the most heartwarming part.
His philosophy is simple: Why should Diwali celebrations be limited to his own home? The families of those who work hard alongside him deserve to celebrate with equal happiness.
He doesn’t treat his employees merely as workers; he considers them part of his family.
Money can make you wealthy, but a heart like this makes you truly RICH. ❤️🙏
Hats off, Sir This is the spirit of Diwali. 🪔🇮🇳
— CA Anurag (@CAAnurag_) November 7, 2026
ఈ వినూత్న నిర్ణయం వెనుక ఉన్న కారణాన్ని రామస్వరూప్ ముండే తెలియజేశారు. తమ వద్ద పనిచేసేవారిని కేవలం సిబ్బందిగా కాకుండా తమ కుటుంబ సభ్యులుగానే భావిస్తానని తెలిపారు. పండుగ రోజున వారి కుటుంబాల్లో ఎలాంటి ఆర్థిక ఇబ్బందులు, విచారాలు ఉండకూడదనే ఉద్దేశంతోనే ఈ బోనస్ ఇచ్చినట్లు చెప్పారు. ‘దీపావళి వెలుగులు నా ఒక్క ఇంట్లోనే కాదు. నా అభివృద్ధికి రాత్రింబవళ్లు కష్టపడే ప్రతి ఉద్యోగి ఇంట్లోనూ నిండాలి’ అని ఆయన పేర్కొనడం విశేషం.
Employees got emotional after Surat businessman Ramswaroop gifted ₹1 lakh Diwali bonus to each of his 20 employees. https://t.co/PliyD5i7NO
— News Algebra (@NewsAlgebraIND) November 7, 2026
Also Read: దీపావళి ముందు తీవ్ర విషాదం.. రోడ్డుపై లేడీ డ్రైవర్ బీభత్సం.. బైకర్‌ను 30 మీటర్లు ఈడ్చుకెళ్లిన థార్!
ఈ బోనస్ పంపిణీకి సంబంధించిన వీడియో వైరల్ గా మారడంతో నెటిజన్లు స్పందిస్తున్నారు. సదరు వస్త్ర వ్యాపారిపై ప్రశంసల జల్లు కురిపిస్తున్నారు. ‘డబ్బు మనిషిని ఐశ్వర్యవంతుడిని చేస్తుందేమో. కానీ ఇలాంటి మంచి మనస్సు ఉన్నవారే అసలైన ధనవంతుడు’ అని ఓ నెటిజన్ కామెంట్ చేశారు. ‘భగవంతుడు అందరికీ ఇలాంటి యజమానినే ఇవ్వాలి. పేరుకు తగ్గట్టే ఆయన ప్రవర్తన కూడా గొప్పగా ఉంది’ అని మరొకరు కొనియాడారు. మరికొందరు నెటిజన్లు సరదాగా ఆ కంపెనీలో ఉద్యోగానికి ఎలా దరఖాస్తు చేసుకోవాలని కామెంట్లు పెట్టారు.
Also Read: దీపావళి వేళ రికార్డు స్థాయి వ్యాపారం.. కేవలం ఢిల్లీలోనే రూ.లక్షల కోట్లకుపైగా.. దేశవ్యాప్తంగా ఎంతంటే
Share
అమెరికాలో జగిత్యాల యువకుడు అనుమానాస్పద మృతి..!
