Ultraviolette F77 Launching in India on April 24: ప్రముఖ ఎలక్ట్రిక్ ద్విచక్ర వాహనాల తయారీ సంస్థ అల్ట్రావయోలెట్ తన అత్యంత వేగవంతమైన ఎలక్ట్రిక్ బైక్ను విడుదల చేయడానికి సన్నాహాలు చేస్తోంది. కంపెనీ ఈ బైక్ను ఏప్రిల్ 24న విడుదల చేయనుంది. అయితే ఈ బైక్ పేరు మాత్రం ఏమిటో కంపెనీ వెల్లడించలేదు. ఇది దేశంలోనే అత్యంత వేగంగా నడిచే ఎలక్ట్రిక్ బైక్గా ఉండనుంది.
ప్రస్తుతం కంపెనీ Ultraviolette F77 ఎలక్ట్రిక్ బైక్ను మార్కెట్లో విక్రయిస్తోంది. దీని గరిష్ట వేగం గంటకు 140 కిలోమీటర్లు. ప్రస్తుత మోడల్ కంటే దీని వేగం ఎక్కువగా ఉంటుందని కొత్త బైక్ గురించి సంస్థ వెల్లడించింది. విశేషమేమిటంటే.. ఎఫ్77 ఇప్పటివరకు ఎలక్ట్రిక్ మార్కెట్లో ఉన్న అత్యంత వేగవంతమైన ఈవీ బైక్. ఈ బైక్ పూర్తి ఫెయిరింగ్ స్పోర్ట్స్ డిజైన్లో వస్తుంది. కొత్త బైక్ కూడా ఇదే డిజైన్లో వచ్చే ఛాన్స్ ఉంది.
ఫీచర్లు..
F77 ఫాస్ట్ వెర్షన్ శక్తివంతమైన మోటార్తో పాటు F99 ప్రోటోటైప్ కొన్ని లక్షణాలను కూడా కలిగి ఉండవచ్చు. ఇది EICMA 2023లో ప్రవేశపెట్టారు. వేగవంతమైన F77లో కొత్త కలర్వే, డౌన్ఫోర్స్ జెనరేటింగ్ ఫీచర్లను చూడవచ్చు. బైక్లోని మిగిలిన భాగాలైన ఛాసిస్, సస్పెన్షన్, బ్రేక్లు ఇప్పటికే ఉన్న మోడల్ను పోలి ఉండే అవకాశం ఉంది. నివేదిక ప్రకారం.. Ultraviolette F77 ఎక్స్-షోరూమ్ ధర రూ. 3.8 లక్షల నుండి రూ. 4.55 లక్షల మధ్య ఉండవచ్చు. ఫాస్ట్ వెర్షన్ దాని పాత మోడల్ కంటే కొంచెం ఎక్కువ ధరతో ప్రారంభించే అవకాశాలు ఉన్నాయి.
Also Read: ఏథర్ రిజ్టా వచ్చేసింది.. ఇది పక్కా ఫ్యామిలీ స్కూటర్!
గత సంవత్సరం చంద్రయాన్-3 ప్రయోగ విజయాన్ని పురస్కరించుకుని F77ను పరిమిత-వేరియంట్ అవతార్ విడుదల చేసింది. ఈ మోటార్సైకిల్ F77 స్పేస్ ఎడిషన్లో తీసుకొచ్చారు. దీని ధర రూ. 5.60 లక్షలు. ఈ ఎలక్ట్రిక్ బైక్ను 10 యూనిట్లు మాత్రమే విడుదల చేశారు. బుకింగ్ ప్రారంభించిన వెంటనే అన్ని యూనిట్లు అమ్ముడుపోయాయి. అన్ని బైక్లు కేవలం 90 సెకన్లలోపు బుక్ అయ్యాయని కంపెనీ తెలిపింది. ఇది కేవలం 2.9 సెకన్లలో గంటకు 0 నుండి 60 కి.మీ వేగాన్ని అందుకోగలదు. ఒకసారి పూర్తిగా ఛార్జ్ చేస్తే F77 307 కిలోమీటర్ల వరకు రేంజ్ ఇస్తుంది.
Share
Girl Lost Her Phone: లిప్టులో లవర్స్ సెల్ఫీలు.. ఉహించని ఘటనతో బిత్తరపోయిన అమ్మాయి!
IPL 2024 MI Won the Match: స్టబ్స్ పోరాటం వృథా.. ఐపీఎల్ 2024లో ముంబై తొలి విజయం!
