Bondi Beach: కాల్పులుతో ఉలిక్కిపడ్డ సిడ్నీ.. బీచ్ నుంచి పరుగో పరుగు

ఆస్ట్రేలియా సిడ్నీలోని బాండి బీచ్‌లో యూదుల పండుగ సందర్భంగా జరిగిన భయంకరమైన కాల్పుల ఘటనలో, ఓ పౌరుడు చూపిన ధైర్య సాహసం అందరినీ ఆశ్చర్యపరిచింది. బీచ్‌ పరిసర ప్రాంతాల్లోకి దుండగులు వచ్చి.. ఒక్కసారిగా కాల్పులు జరిపారు. ఈ కాల్పుల్లో మొత్తం 10 మంది మరణించారు.

కాల్పులు జరుగుతున్న సమయంలో, ఒక షూటర్ చెట్టు వెనుక దాగి ఉన్నాడు. ఇంతలో కార్ల వెనుక దాక్కున్న పౌరుడు అసాధారణ ధైర్యంతో, ఆ దుండగుడిపైకి దూకి, అతని మెడ పట్టుకుని కిందకు నెట్టాడు. అంతేకాక, దుండగుడి చేతిలోని రైఫిల్‌ను లాక్కొని, ఆ తుపాకీని షూటర్‌ వైపు గురిపెట్టాడు. పౌరుడి వీరోచిత చర్యతో ప్రాణనష్టం జరగకుండా ఆగిందని భావిస్తున్నారు పోలీసులు. ప్రస్తుతం ఈ వీడియో సోషల్ మీడియాలో వైరల్‌గా మారింది.

పోలీసులు వెంటనే స్పందించి, ఆ షూటర్‌ను కాల్చిచంపగా, మరొక అనుమానితుడిని అదుపులోకి తీసుకున్నారు. పౌరుడు చేసిన సాహసాన్ని పలువులు ప్రశంసలు కురిపిస్తున్నారు.

Share

• 
• 
• 
• 
• 
•