హిమాచల్‌లో ఘోర ప్రమాదం.. లోయలోకి దూసుకెళ్లిన కారు, ఇద్దరు దుర్మరణం!

Himachal Pradesh: హిమాచల్ ప్రదేశ్‌లోని కొండ ప్రాంతాల్లో ఘోర రోడ్డు ప్రమాదం జరిగింది. ప్రమాదకరమైన ఒక మూల మలుపు వద్ద వేగంగా వెళ్తున్న కారు ఒక్కసారిగా నియంత్రణ కోల్పోయి లోతైన లోయలోకి దూసుకెళ్లింది. ఈ భీకర ప్రమాదంలో కారులో ప్రయాణిస్తున్న ఇద్దరు వ్యక్తులు అక్కడికక్కడే ప్రాణాలు కోల్పోయారు. లోయలో పడిన వేగానికి కారు పూర్తిగా నుజ్జునుజ్జు అయింది.

డ్రైవర్ యొక్క అతి వేగమే ఈ ప్రమాదానికి ప్రధాన కారణమని తెలుస్తోంది. ఈ దారుణానికి సంబంధించిన దృశ్యాలు సమీపంలోని సీసీ టీవీ కెమెరాలో రికార్డయ్యాయి. కారు మలుపు వద్ద వేగాన్ని తగ్గించలేక నేరుగా లోయలోకి పడిపోవడం అందులో స్పష్టంగా కనిపిస్తోంది.

అయితే.. కేవలం అతి వేగమే కాకుండా, ఆ మలుపు వద్ద ఎటువంటి రక్షణ గోడలు (Crash Barriers) లేదా సేఫ్టీ బారియర్స్ లేకపోవడం వల్లే కారు లోయలోకి పడిపోయిందని స్థానికులు ఆగ్రహం వ్యక్తం చేస్తున్నారు. కొండ ప్రాంతాల్లోని ప్రమాదకర మలుపుల వద్ద తక్షణమే రక్షణ ఏర్పాట్లు చేయాలని, మరిన్ని ప్రాణాలు పోకముందే ప్రభుత్వం స్పందించాలని వారు డిమాండ్ చేస్తున్నారు. పోలీసులు కేసు నమోదు చేసి మృతదేహాలను పోస్ట్‌మార్టం నిమిత్తం తరలించారు.

Also Read: డీజే సౌండ్‌ ఎఫెక్ట్.. తట్టుకోలేక 140 కోళ్లు మృతి, యూపీలో షాకింగ్ ఘటన

హిమాచల్ ప్రదేశ్‌లో దారుణం

కొండ మూల మలుపులో లోయలోకి దూసుకెళ్లిన కారు

ప్రమాదం ఇద్దరు ప్రయాణికులు స్పాట్ డెడ్

ప్రమాదంలో నుజ్జునుజ్జు అయిన కారు

డ్రైవర్ అతి వేగమే ప్రమాదానికి కారణమంటున్న స్థానికులు

సీసీ టీవీలో రికార్డైన కారు లోయలో పడిన దృశ్యాలు

రక్షణ గోడ, సేఫ్టీ బారియర్స్… pic.twitter.com/sYcaGD9NyK

— BIG TV Breaking News (@bigtvtelugu) April 30, 2026