iBomma: తెలంగాణ పోలీసులకు ఛాలెంజ్ విసిరిన ఐబొమ్మ నిర్వాహకుడు ఇమ్మడి రవిని హైదరాబాద్ సైబర్ క్రైమ్ పోలీసులు అరెస్టు చేశారు. సినిమా పైరసీ వెబ్సైట్ ఐబొమ్మ నిర్వాహకుల్లో కీలక వ్యక్తి అయిన ఇమ్మడి రవి శుక్రవారం ఫ్రాన్స్ నుంచి హైదరాబాద్ వచ్చాడు. ఈ క్రమంలో అతడిని సైబర్ క్రైమ్ పోలీసులు కూకట్పల్లిలో అదుపులోకి తీసుకున్నారు. రవి కరేబియన్ దీవుల్లో ఉంటూ ఐబొమ్మ పైరసీ వెబ్సైట్ను నిర్వహిస్తున్నట్లు సైబర్ క్రైమ్ పోలీసులు గుర్తించారు. రవిని అరెస్ట్ చేసిన పోలీసులు అతడి అకౌంట్ లోని రూ.3 కోట్లు ఫ్రీజ్ చేశారు.
సినీ పరిశ్రమతో పాటు, పోలీసుల జీవితాలు బట్టబయలు చేస్తామంటూ ఇటీవల ఐబొమ్మ బ్లాక్మెయిల్ కు పాల్పడింది. మీరు మా వెబ్సైట్పై కన్నేస్తే మేము మీ అందరి జీవితాలు రోడ్డున పడేస్తామంటూ బెదిరింపులకు దిగారు. గత 6 నెలలుగా ఇమ్మడి రవి కోసం పోలీసులు గాలింపు చేపట్టారు. ఐబొమ్మ కారణంగా సినీ పరిశ్రమకు దాదాపు రూ.3 వేల కోట్ల వరకు నష్టం వస్తుందని నిర్మాతలు చెబుతున్నారు. సినిమా, వెబ్ సిరీస్ విడుదలైన గంటల్లోనే హెచ్.డి ప్రింట్ ఐబొమ్మలో పైరసీ విడుదల చేస్తున్నారు.
తెలుగుతో పాటు పలు సినిమాలను పైరసీ చేయడంపై ఐబొమ్మపై తెలుగు ఫిల్మ్ యాంటీ పైరసీ టీమ్ పోలీసులకు కంప్లైంట్ ఇచ్చింది. ఈ ఫిర్యాదును ఛాలెంజింగ్ తీసుకున్న సైబర్ క్రైమ్ పోలీసులు ఐబొమ్మ నిర్వాహకులపై దృష్టి పెట్టారు. ఈ వెబ్సైట్ కోసం పనిచేస్తున్న ఏజెంట్లపై దృష్టిపెట్టి వారిని అరెస్టు చేశారు. బిహార్, యూపీలలో ఐబొమ్మ ఏజెంట్లను అరెస్ట్ చేశారు.
Also Read: Parakamani Case CI: పరకామణి కేసులో ఫిర్యాదుదారుడు సీఐ అనుమానాస్పద మృతి.. హత్యా? ఆత్మహత్యా?
ఇటీవల పైరసీ ముఠా హైదరాబాద్ సిటీ పోలీసులు పట్టుకున్నారు. వీరిలో ముఖ్యంగా ఐబొమ్మకు చెందిన సైబర్ నేరగాళ్లు ఉన్నారు. అనంతరం ఐబొమ్మ పోలీసులకు ఛాలెంజ్ విసిరింది. దీంతో దాదాపు రూ.2 కోట్లు ఖర్చు చేసి, అధునాతన పరికరాలతో పైరసీ ముఠాను పట్టుకునేందుకు పోలీసులు దర్యాప్తు ముమ్మరం చేశారు. త్వరలోనే ఐబొమ్మ నిర్వాహకులు పట్టుకుంటామని పోలీసులు తెలిపారు. తాజాగా ఐబొమ్మ నిర్వాహకుల్లో కీలక వ్యక్తి అయిన రవిని అరెస్టు చేశారు.
Share
Jubilee Hills By Election Results: రికార్డుల మోత.. విక్టరీ వెనక సీఎం రేవంత్
OTT Platforms: ఏంటీ.. ఏడాదికి ఒక్కో ఓటీటీ ప్లాట్ఫారం ఆదాయం అన్ని వేలకోట్లా?
