ORR Speeding: హైదరాబాద్ లోని ఔటర్ రింగ్ రోడ్డు (ORR)పై అతి వేగంగా కారు నడిపి తోటి వాహనదారులను భయభ్రాంతులకు గురిచేసిన వ్యక్తిని నార్సింగి పోలీసులు అరెస్టు చేశారు. కారును సీజ్ చేసి నిందితుడ్ని కటకటాల్లోకి పంపారు. ఇటీవల కొత్త కారు కొన్న నిందితుడు.. దాని గరిష్ట వేగాన్ని టెస్ట్ చేయాలని భావించాడు. ఈ క్రమంలో ఓఆర్ఆర్ పై 200 కి.మీ పైగా వేగంతో కారు నడపడటమే కాకుండా దానిని రీల్ చేసి.. సోషల్ మీడియాలో పోస్ట్ చేశాడు. అది కాస్త పోలీసుల కంట పడటంతో నిందితుడు అడ్డంగా బుక్కయ్యాడు.
మణికొండ అల్కాపూర్ టౌన్ షిప్ కు చెందిన కొత్తపల్లి యశ్వంత్ రెడ్డి (32) ఓ ప్రైవేటు సంస్థలో ఉద్యోగం చేస్తున్నాడు. ఇటీవల అతడు ఖరీదైన వోక్స్ వ్యాగన్ కారును కొనుగోలు చేశాడు. ఈ క్రమంలో ఈ నెల 10న కారును నార్సింగి నుంచి తెలంగాణ పోలీసు అకాడమీ వైపు 200 కి.మీ వేగంతో నడిపాడు. అంతటితో ఆగకుండా దానిని వీడియో తీసి సామాజిక మాధ్యమాల్లో అప్ లోడ్ చేశాడు.
HYD: నార్సింగి ORRపై గంటకు 200 కిలోమీటర్లకు పైగా వేగంతో ప్రమాదకరంగా కారు నడిపిన కొత్తపల్లి యశ్వంత్రెడ్డిని నార్సింగి పోలీసులు అరెస్ట్ చేశారు. నార్సింగి టోల్ ప్లాజా నుంచి TGPA టోల్ ప్లాజా వరకు అతడు కారుతో ప్రమాదకర విన్యాసాలు చేశాడు. ఈ అతివేగపు ప్రయాణాన్ని వీడియో తీసి సోషల్… pic.twitter.com/MWSm5lcvgZ
— ChotaNews App (@ChotaNewsApp) May 25, 2026
Also Read: షాపింగ్ మీది.. బ్యాగుల బరువు మాది.. స్టార్టప్ కంపెనీ క్రేజీ ఐడియా!
అది కాస్త వైరల్ గా మారడంతో.. ఆ వీడియో ఓఆర్ఆర్ పెట్రోలింగ్ ఆఫీసర్ కారింగుల సాయిరాం కంటపడింది. దీంతో 19వ తేదీన నార్సింగ్ పోలీసు స్టేషన్ లో ఆయన ఫిర్యాదు చేశారు. ఈ క్రమంలో రంగంలోకి దిగిన పోలీసులు.. ఆదివారం కొత్తపల్లి యశ్వంత్ రెడ్డిని అరెస్టు చేశారు. కొత్తగా కొన్న వోక్స్ వ్యాగన్ కారును సైతం సీజ్ చేశారు. కొత్త కారు సామర్థ్యాన్ని చెక్ చేయడం కోసమే ఓఆర్ఆర్ పై వేగంగా నడిపినట్లు యశ్వంత్ రెడ్డి పోలీసుల ఎదుట అంగీకరించాడు.
Also Read: దేశంలో విచిత్రం.. ఆ రాష్ట్రాల్లో భారీ వర్షాలు.. ఈ రాష్ట్రాల్లో సెగలు కక్కే ఎండలు!
Share
కేంద్ర వైఫల్యాలపై కాంగ్రెస్ నిప్పులు.. జగిత్యాలలో కాంగ్రెస్ నేతల భారీ నిరసన
దక్షిణ మధ్య రైల్వే కుదింపు.. జూన్ 1 నుంచి భారీ మార్పులు!
