ORRపై ఘోర ప్రమాదం.. క్షణాల్లో బూడిదైన ఎయిర్ ఇండియా బస్సు!

Bus Fire: హైదరాబాద్ ఔటర్ రింగ్ రోడ్డు (ORR) పై ఘోర ప్రమాదం జరిగింది. శంషాబాద్ ఎయిర్‌పోర్ట్ వర్క్‌షాప్ నుండి సర్వీసింగ్ కోసం ఆటోనగర్ వెళ్తున్న ఎయిర్ ఇండియా బస్సులో ఒక్కసారిగా మంటలు చెలరేగాయి. పెద్ద అంబర్‌పేట పరిసరాల్లోకి రాగానే బస్సులో షార్ట్ సర్క్యూట్ సంభవించింది.

ప్రస్తుతం ఉన్న ఎండ తీవ్రత కారణంగా మంటలు క్షణాల్లో బస్సంతటా వ్యాపించాయి. చూస్తుండగానే వాహనం పూర్తిగా అగ్నికి ఆహుతైంది. అయితే, ప్రమాదాన్ని ముందే గమనించిన డ్రైవర్, క్లీనర్ అప్రమత్తంగా వ్వవహరించారు. బస్సు నుండి దూకేయడంతో ఇద్దరూ ప్రాణాలతో సురక్షితంగా బయటపడ్డారు.

సమాచారం అందుకున్న అగ్నిమాపక సిబ్బంది వెంటనే ఘటనా స్థలానికి చేరుకుని మంటలను అదుపు చేస్తున్నారు. ఈ ప్రమాదం వల్ల ఔటర్ రింగ్ రోడ్డుపై కాసేపు ట్రాఫిక్ నిలిచిపోయింది. ప్రాణనష్టం తప్పడంతో అందరూ ఊపిరి పీల్చుకున్నారు.

Also Read: ‘వరి వేస్తే ఉరి’ అన్నది ఎవరు.. ఇప్పుడు కొంటున్నది ఎవరు? బీజేపీ, BRSలపై ఎమ్మెల్యే అనిల్ ఫైర్

హైదరాబాద్ ఔటర్ రింగ్ రోడ్డుపై ఎయిర్ ఇండియా బస్సు దగ్ధం

శంషాబాద్ ఎయిర్ పోర్ట్ వర్క్ షాప్ నుండి సర్వీసింగ్ కోసం ఆటోనగర్ వెళ్తుండగా పెద్ద అంబర్పేట వద్ద షార్ట్ సర్క్యూట్ కారణంగా ఒక్కసారిగా చెలరేగిన మంటలు

ఎండ తీవ్రతకు మంటలు వేగంగా వ్యాపించి పూర్తిగా దగ్ధమైన బస్సు

అప్రమత్తమై బస్సు… pic.twitter.com/18pAYu89Pr

— BIG TV Breaking News (@bigtvtelugu) May 26, 2026