కరీంనగర్‌లో ఘోర ప్రమాదం.. లారీని ఢీకొట్టిన ప్రైవేట్ బస్సు!

Bus Accident: కరీంనగర్ నగర శివార్లలోని కోతి రాంపూర్ బైపాస్ రోడ్డులో ఈరోజు ఘోర రోడ్డు ప్రమాదం చోటుచేసుకుంది. ఎన్టీఆర్ చౌరస్తాకు సమీపంలో వేగంగా దూసుకొచ్చిన ఒక ప్రైవేట్ ట్రావెల్స్ బస్సు, అదుపుతప్పి ఎదురుగా వస్తున్న లారీని బలంగా ఢీకొట్టింది. ఈ ఘటన జరిగిన సమయంలో భారీ శబ్దం రావడంతో స్థానికులు ఒక్కసారిగా ఉలిక్కిపడ్డారు.

ప్రమాద ధాటికి బస్సు ముందు భాగం పూర్తిగా నుజ్జునుజ్జయ్యింది. బస్సులో ప్రయాణిస్తున్న ప్రయాణికులు ఒక్కసారిగా హాహాకారాలు చేస్తూ భయాందోళనకు గురయ్యారు. ఈ ప్రమాదంలో పలువురికి తీవ్ర గాయాలవ్వగా, మరికొందరు స్వల్ప గాయాలతో బయటపడ్డారు. స్థానికులు వెంటనే స్పందించి పోలీసులకు సమాచారం అందించారు. వారు ఘటనా స్థలానికి చేరుకునేలోపే స్థానికులు బస్సు అద్దాలు పగులగొట్టి లోపల చిక్కుకున్న క్షతగాత్రులను బయటకు తీశారు.

అంబులెన్స్ సాయంతో గాయపడిన వారిని వెంటనే సమీపంలోని ఆసుపత్రికి తరలించారు. వీరిలో ఇద్దరి పరిస్థితి కాస్త ఆందోళనకరంగా ఉన్నట్లు తెలుస్తోంది. అతి వేగమే ఈ ప్రమాదానికి ప్రధాన కారణమని ప్రాథమికంగా భావిస్తున్నారు. ఈ ఘటనతో బైపాస్ రోడ్డులో ట్రాఫిక్ భారీగా నిలిచిపోయింది. పోలీసులు కేసు నమోదు చేసుకుని దర్యాప్తు చేస్తున్నారు.

Also Read: ప్రియుడితో దాగుడుమూతల ఆట.. ఇంటికి పిలిచి, ఆ పని కానిచ్చిన ప్రియురాలు

ఆర్టీసీ బస్సు-లారీ ఢీ.. పలువురికి గాయాలు

కరీంనగర్‌-ఎన్టీఆర్ చౌరస్తా వద్ద ప్రమాదం

కోతి రాంపూర్ బైపాస్ వద్ద అదుపుతప్పి ఎదురుగా వస్తున్న లారీని ఢీకొన్న ఆర్టీసీ బస్సు

ఈ ప్రమాదంలో బస్సు ముందు భాగం పూర్తిగా ధ్వంసం కాగా, పలువురు ప్రయాణికులకు గాయాలు

Accident at Karimnagar Kothi… pic.twitter.com/pUnvA83w97

— BIG TV Breaking News (@bigtvtelugu) April 22, 2026