సైబర్ సీఐ లంచం దందా.. బాధితుడిని ఎలా బెదిరించాడో తెలిస్తే షాకవుతారు!

TS Cyber Security: స్వేచ్ఛ బ్యూరో: అధికారికంగా సహాయం చేసేందుకు లంచం తీసుకున్న తెలంగాణ సైబర్​ సెక్యూరిటీ బ్యూరో ఇన్స్​ పెక్టర్​ బత్తుల మహేందర్​ ను ఏసీబీ అధికారులు శనివారం రెడ్​ హ్యాండెడ్​ గా పట్టుకున్నారు. అనంతరం అతని ఇంట్లో సోదాలు జరిపి 13లక్షల నగదు, బంగారు నగలు, పలు ఆస్తులకు సంబంధించిన డాక్యుమెంట్లను స్వాధీనం చేసుకున్నారు.

సైబర్​ సెక్యూరిటీ బ్యూరోలో సీఐగా పని చేస్తున్న మహేందర్​ సైబర్​ నేరంలో ఓ వ్యక్తిపై కేసులు నమోదు చేశారు. కాగా, సదరు వ్యక్తి కుటుంబ సభ్యులు, స్నేహితులపై కేసులు నమోదు చేయకుండా ఉండటానికి 9లక్షల రూపాయల లంచం డిమాండ్​ చేశాడు. దీంట్లో ఇప్పటికే 5లక్షల రూపాయలు తీసుకున్నాడు. మిగితా 4లక్షల రూపాయల కోసం బెదిరిస్తూ వస్తున్నాడు.

దాంతో బాధితుడు ఏసీబీ అధికారులకు సమాచారం అందించాడు. ఈ క్రమంలో వలపన్నిన ఏసీబీ అధికారులు శనివారం సీఐ మహేందర్​ తన ఆఫీస్​ లో లంచం డబ్బు తీసుకుంటుండగా దాడి చేసి పట్టుకున్నారు. అనంతరం ఆయనను అదుపులోకి తీసుకున్నారు. మహేందర్​ కూడబెట్టిన ఆస్తులు ఎన్ని? అన్న దిశగా విచారణ జరుపుతున్నారు.

Also Read: టేబుల్ మీద చర్చలు.. సరిహద్దుల్లో దాడులు.. అమెరికా, ఇరాన్ మధ్య అసలేం జరుగుతోంది?

Share

• 
• 
• 
• 
• 
•