Big Stories

Unnao Bus Accident: యూపీలో ఘోర రోడ్డు ప్రమాదం..18మంది దుర్మరణం

Unnao Bus Accident 18 People Dead: ఉత్తరప్రదేశ్‌లో ఘోర రోడ్డు ప్రమాదం చోటుచేసుకుంది. బుధవారం తెల్లవారుజామున ఉన్నావ్ పట్టణంలో ఓ పాల ట్యాంకర్‌ను డబుల్ డెక్కర్ బస్సు ఢీకొట్టింది. ఈ ప్రమాదంలో 18మంది ప్రయాణికులు అక్కడికక్కడే మృతి చెందగా..మరో 30మందికి పైగా గాయాలయ్యాయి. స్థానికులు పోలీసులకు సమాచారం అందించారు. ఉన్నావ్ పోలీసులు హుటాహుటిన ఘటన స్థలానికి చేరుకొని క్షతగాత్రులను వెంటనే స్థానిక ఆస్పత్రికి తరలించారు.

- Advertisement -

ఆగ్రా-లక్నో రహదారిపై ఉదయం 5.15 గంటల సమయంలో పాల కంటైనర్‌ను వెనుక నుంచి డబుల్ డెక్కర్ బస్సు బలంగా ఢీకొట్టింది. దీంతో బస్సు పూర్తిగా భాగంగా కంటైనర్‌లోకి దూసుకెళ్లింది. ఈ ఘటనలో నిద్రలోనే 18 మంది ప్రాణాలు గాలిలో కలిసిపోయాయి. ఈ బస్సు బీహార్‌లోని సీతీమర్హి నుంచి ఢిల్లీ వెళ్తుండగా.. బంగార్‌మావు ప్రాంతంలోని జోజికోట్ గ్రామ సమీపంలో ప్రమాదం చోటుచేసుకుందని బంగార్‌మావ్ సర్కిల్ ఆఫీసర్ అరవింద్ కుమార్ తెలిపారు. కాగా, ఈ ప్రమాద సమయంలో బస్సు రెండు పల్టీలు కొట్టి ముక్కలైందని అక్కడ ఉన్న ప్రత్యక్ష సాక్షులు చెబుతున్నారు.

- Advertisement -

బస్సులో చిక్కుకున్న క్షతగాత్రులను పోలీసులు బయటకు తీసి బంగార్ మావు సీహెచ్‌సీ ఆస్పత్రికి తరలించి చికిత్స అందిస్తున్నారు. మృతదేహాలను పోస్టుమార్టం నిమిత్తం ప్రభుత్వ ఆస్పత్రికి తరలించారు. మృతుల్లో 14 మంది పురుషులు, ముగ్గురు మహిళలు, ఒక చిన్నారి ఉన్నారు. ఈ ఘటనపై యూపీ రవాణాశాఖ మంత్రి దయాశంకర్ సింగ్, సీఎం యోగి ఆదిత్యనాథ్ విచారం వ్యక్తం చేశారు. గాయపడిన వారికి మెరుగైన చికిత్స అందించాలని అధికారులను ఆదేశించారు.

Also Read: 7 ఏళ్ల బాలుడిని హత్య చేసిన తల్లి లివ్ ఇన్ పార్టనర్.. ఎందుకు చేసాడంటే..

పాల ట్యాంకర్‌ను వేగంగా వచ్చిన డబుల్ డెక్కర్ బస్సు ఓవర్‌టేక్ చేసే సమయంలో ఢీకొన్నట్లు తెలుస్తోంది. ఈ ప్రమాదంలో డెక్కర్ బస్సు నుజ్జునుజ్జు కావడంతో ఈ ఘోరం జరిగింది. ప్రమాదం జరిగిన సమయంలో మృతదేహాలు కుప్పలుగా పడడంతో ఒక్కసారిగా భయాందోళనకు గురయ్యారు. అయితే ఇందులో గాయపడిన వారికి చికిత్స అందిస్తున్నామని, ప్రస్తుతం అందరి ఆరోగ్య పరిస్థితి నిలకడగా ఉందని పోలీసులు వెల్లడించారు.

 

- Advertisement -

ఇవి కూడా చదవండి

Latest News