Tirumala: తిరుమలలో ఉన్న వెయ్యేళ్ల నాటి ఘటాటోపం ఇప్పటికీ చూడొచ్చు.. ఘటాటోపం చరిత్ర తెలుసుకుంటే ఆధ్యాత్మిక ప్రపంచంలో మైమరిపోవచ్చు. శ్రీవారి సేవలో ఘటాటోపం ఎంతో ప్రాముఖ్యమైనది. ఘటాటోపం లేకుండా శ్రీవారి ఊరేగింపు అసలు ఉండదు.. వెయ్యేళ్లుగా ఊరేగింపు సమయంలో శ్రీవారికి సేవ చేస్తూనే ఉంది. అలాంటి ఘటాటోపం గురించి ఇప్పుడు ఈ కథనంలో తెలుసుకుందాం.
తిరుమల మాడవీధులలో స్వామివారి ఊరేగింపు సమయంలో చివరిగా ఒక గొడుగు లేదా గుడారం లాంటి దానిని పరిచారికలు మోసుకు వెళ్లడం మనం చూస్తూనే ఉంటాము. దీనినే “ఘటాటోపం” అంటారు. 1000 ఏళ్ల క్రితం శ్రీ రామానుజాచార్యుల వారు తిరుమల ఆలయ నిర్వహణలో అనేక సంస్కరణలు తెచ్చారు. ఏ ఆటంకం వచ్చినా స్వామి సేవ ఆగకూడదు అనే నియమాన్ని అప్పుడే బలంగా నాటారు. అందులో భాగంగానే ఘటాటోపం పుట్టికొచ్చిందని చెప్తుంటారు.
స్వామి వారి ఊరేగింపు జరుగుతున్నప్పుడు ఏదైనా ప్రకృతి విపత్తులు వస్తే ఊరేగింపు ఆపేయాల్సి వస్తుంది. అలా జరగకూడదనే రామాజాచార్యులు ఈ ఘటాటోపం తీసుకోచ్చారట. ఈ ఘాటాటోపం వల్ల స్వామి వారి పల్లకి సేవ అన్ని ఊరేగింపు సేవలకు వర్షం నుండి రక్షణ కల్పిస్తుంది ఈ ఘటాటోపం. పల్లకి సేవ జరుగుతుండగా అకస్మాత్తుగా వర్షం వస్తే స్వామివారి వాహనానికి ఇది రక్షణ కల్పిస్తుంది. తిరుమల ఆగమ శాస్త్రాల ప్రకారం, బ్రహ్మోత్సవాల్లో లేదా నిత్యోత్సవాల్లో స్వామివారు ఒక్కసారి ఆలయం నుండి మాడ వీధుల్లోకి వస్తే, ఊరేగింపు పూర్తి కాకుండా మధ్యలో ఆగకూడదు. ప్రకృతి వైపరీత్యాలు దైవ కార్యాన్ని ఆపలేవు అనే నియమానికి ఇది నిదర్శనం. వర్షం వచ్చినా సరే, వాహన సేవ ఆగదు. అందుకే ఈ ఘటాటోపం కింద స్వామివారిని, వాహనాన్ని (గరుడ, శేష వాహనాలు మొదలైనవి) సురక్షితంగా ఆలయం వరకు చేర్చుతారు.
దీనిని మోయడం చాలా కష్టమైన పని. తిరుమలలో బలమైన ఈదురు గాలులు వీస్తున్నప్పుడు, ఈ పెద్ద గుడారాన్ని బ్యాలెన్స్ చేస్తూ, వాహనంతో సమానంగా నడవడం అనేది ఆ పరిచారకుల నైపుణ్యానికి, భక్తికి నిదర్శనం.
కొన్ని దశాబ్దాల క్రితం తోలు పొరలను వాడేవారని చరిత్ర చెబుతోంది. ఇప్పుడు పైన వాటర్ ప్రూఫ్ కాన్వాస్ లోపలి వైపు స్వామివారికి శోభను ఇచ్చేలా వెల్వెట్ ల రంగుల వస్త్రాలను అమర్చుతారు. దీనిని పట్టుకోవడానికి పొడవైన వెదురు లేదా తేలికపాటి లోహపు రాడ్లు వాడతారు.
ఘటాటోపాన్ని తిరుమల తిరుపతి దేవస్థానం (TTD) వారి పరిధిలోని ప్రత్యేక దర్జీ విభాగం తయారు చేస్తుంది. ఆలయ అవసరాలకు అనుగుణంగా, వానను తట్టుకునేలా అత్యంత దృఢమైన వాటర్ప్రూఫ్ మెటీరియల్తో దీనిని కుడతారు. దీనిని భద్రపరచడం, మరమ్మతులు చేయడం మరియు వాహన సేవా సమయానికి సిద్ధం చేయడం వంటి బాధ్యతలు వాహన బేరర్లు లేదా ఆలయ సిబ్బంది చూసుకుంటారు .
ముఖ్య గమనిక: పైన తెలిపిన వివరాలు కొందరు నిపుణులు, వివిధ శాస్త్రాల్లో పేర్కొన్న అంశాల ఆధారంగా అందించినవి మాత్రమే. వీటిలో అన్నిటికీ ఆధునిక శాస్త్రీయ ఆధారాలు లేకపోవచ్చుననే విషయాన్ని పాఠకులు గమనించాలి. దీన్ని ఎంతవరకు విశ్వసించాలనేది పూర్తిగా మీ వ్యక్తిగత విషయం.
Share
Pineapple Kesari: ముక్కంటికి నైవేద్యంగా పైనాపిల్ కేసరి.. 10 నిమిషాల్లో అద్భుతమైన రుచి!
Gadwal Municipality: గద్వాల పీఠంపై చైర్మన్ ఉత్కంఠ.. ఇరు పార్టీలకు ఎక్స్ అఫీషియో ఓట్లే కీలకం
