Ganesh Chaturthi 2025: వినాయక చవితి రోజు.. ఎలాంటి ప్రసాదాలు దేవుడికి సమర్పించాలి ?

Ganesh Chaturthi 2025: భాద్రపద శుక్ల పక్ష చతుర్థి నాడు వినాయక చవితి పండగను దేశ వ్యాప్తంగా ఘనంగా జరుపుకుంటారు. వినాయకుడిని విఘ్నహర్త, సిద్ధిదాత అని పిలుస్తారు. అంటే జీవితంలోని అడ్డంకులను తొలగించి విజయానికి మార్గం సుగమం చేసేవాడని అర్థం.వినాయకుడికి ఇష్టమైన ప్రసాదాలను సమర్పిస్తే, త్వరగా సంతోషించి భక్తులపై ఆశీస్సులు కురిపిస్తాడని నమ్ముతారు. ఈ సంవత్సరం వినాయకచవితిని ఆగస్టు 27న బుధవారం జరుపుకోనున్నాము. ఈ ప్రత్యేకమైన రోజున ఇంట్లో ఆనందం, శ్రేయస్సు, శాంతిని కాపాడుకోవడానికి స్వామికి ఎలాంటి ప్రసాదాలు సమర్పించాలో ఇప్పుడు తెలుసుకుందాం.

మోదక్‌:
మోదక్‌ను వినాయకుడికి అత్యంత ఇష్టమైన నైవేద్యంగా భావిస్తారు. దీనిని ప్రత్యేకంగా బియ్యం పిండి లేదా మైదాతో తయారు చేస్తారు, కొబ్బరి, బెల్లం, డ్రై ఫ్రూట్స్‌తో తీపిగా నింపుతారు. మోదక్‌ను తయారు చేయడంలో నెయ్యి కూడా వాడతారు. అంతే కాకుండా ఆవిరి మీద ఉడికి మోదక్ తయారు చేయవచ్చు. వినాయకుడికి 21 మోదక్‌లను సమర్పించడం వల్ల ఇంట్లో సంపద, ఆహార కొరత ఎప్పుడూ ఉండదని చెబుతారు.

మోతీచూర్ లడ్డు:
మోతీచూర్.. చిన్న బూందీతో తయారు చేసిన లడ్డూలు కూడా వినాయకుడికి చాలా ఇష్టమైనవి. అందుకే ఈ లడ్డూలను ముఖ్యంగా గణేష్ చతుర్థి సందర్భంగా స్వామికి నైవేద్యంగా అందిస్తారు. మోతీచూర్ లడ్డూలను సమర్పించడం ద్వారా.. వినాయకుడి అన్ని కోరికలను నెరవేరుస్తాడని, అంతే కాకుండా ఇంట్లో ఆనందం, శ్రేయస్సు పెరుగుతుందని నమ్ముతారు.

పురాన్ పోలి :
మహారాష్ట్రలో వినాయక చతుర్థి సమయంలో పురాన్ పోలికి ప్రత్యేక స్థానం ఉంది. ఈ తీపి రోటీని పప్పు ధాన్యాలు, బెల్లం, జాజికాయ-యాలకుల మిశ్రమంతో తయారు చేస్తారు. దీనికి నెయ్యి రాసి వినాయకుడికి నైవేద్యం పెడతారు. పురాన్ పోలిని సమర్పించడం వల్ల ఇంటికి శాంతి, శ్రేయస్సు లభిస్తుందని నమ్ముతారు.

ఖీర్:
వినాయకుడికి స్వీట్లు అంటే చాలా ఇష్టం. ఖీర్ వినాయకుడికి ఇష్టమైన ప్రసాదాలతో ఒకటి. బియ్యం లేదా కర్రపెండలంతో తయారు చేసిన ఖీర్‌లో పాలు, చక్కెర, డ్రై ఫ్రూట్స్ కలుపుతారు. వినాయక చవితి నాడు వినాయకుడికి ఖీర్ నైవేద్యం పెట్టడం వల్ల కుటుంబంలో ఆనందం, సామరస్యం, ఆనందం కలుగుతుంది.

ఈ ప్రసాదాలను స్వచ్ఛమైన భావాలతో.. భక్తితో క్రమం తప్పకుండా నైవేద్యం పెట్టడం చాలా ఫలవంతమైనది. ఇవి కేవలం రుచికరమైనవి కావు. కానీ మన ప్రేమ, భక్తికి చిహ్నం. ఇవి వినాయకుడికి నేరుగా చేరుతాయి. వినాయక చవితి నాడు, ఈ ప్రసాదాలతో స్వామిని పూజించి ఆనందం, శాంతి, శ్రేయస్సును పొందండి.