God Rules: పుట్టిన నెలను బట్టి.. ఏ దేవుడి ఆశీర్వాదం మీపై ఉంటుందో తెలుసా ?

God Rules : మన హిందూ సంస్కృతిలో.. ప్రతి నెల ఒక నిర్దిష్ట దేవుడు లేదా దేవతతో ముడిపడి ఉంటుందని నమ్ముతారు. ఆ నెలలో జన్మించిన వారిపై ఆ దేవతల ఆశీర్వాదం ఎక్కువగా ఉంటుందని పండితులు చెబుతారు. పుట్టిన నెల ప్రకారం.. మీపై ఏ హిందూ దేవతల ప్రభావం ఉంటుందో ఇప్పుడు వివరంగా తెలుసుకుందాం.

1. జనవరి- శని దేవుడు, శ్రీ విష్ణువు:
జనవరి నెలలో జన్మించిన వారిపై శని దేవుడు, శ్రీ విష్ణువు ఆశీస్సులు ఉంటాయి. శని న్యాయానికి, క్రమశిక్షణకు, కర్మఫలానికి అధిపతి. ఈ నెలలో పుట్టినవారు బాధ్యతాయుతంగా, కష్టపడి పనిచేసే లక్షణాలు కలిగి ఉంటారు. శ్రీ విష్ణువు అనుగ్రహం వల్ల వీరు జీవితంలో మంచి మార్గంలో నడుస్తూ, విజయాలను సాధిస్తారు.

2. ఫిబ్రవరి – శ్రీ శివుడు, శ్రీ లక్ష్మి:
ఫిబ్రవరిలో జన్మించిన వారిపై శ్రీ శివుడు, శ్రీ లక్ష్మి దేవి ఆశీస్సులు ఉంటాయి. శ్రీ శివుడు జ్ఞానం, త్యాగానికి ప్రతీక. శ్రీ లక్ష్మి దేవి సంపద, శ్రేయస్సుకు అధిపతి. ఈ నెలలో పుట్టినవారు ప్రశాంతంగా.. దయతో ఉంటారు. వారి జీవితంలో సంపద, అదృష్టం కలిసొస్తుంది.

3. మార్చి – హనుమాన్, సరస్వతి:
మార్చి నెలలో జన్మించిన వారికి హనుమాన్, సరస్వతి దేవి ఆశీస్సులు ఉంటాయి. హనుమాన్ శక్తి, ధైర్యం, భక్తికి ప్రతీక. సరస్వతి జ్ఞానం, విద్య , కళలకు అధిపతి. ఈ నెలలో పుట్టినవారు తెలివైనవారు, ధైర్యవంతులు. అంతే కాకుండా జీవితంలో మంచి జ్ఞానాన్ని పొందుతారు.

4. ఏప్రిల్ – దుర్గా దేవి, సూర్యుడు:
ఏప్రిల్ నెలలో జన్మించిన వారిపై దుర్గా దేవి, సూర్య భగవాన్ అనుగ్రహం ఉంటుంది. దుర్గా దేవి ధైర్యం, శక్తి, సంకల్పానికి ప్రతీక. సూర్యుడు ఆరోగ్యం, శక్తి , విజయాన్ని ప్రసాదిస్తాడు. ఈ నెలలో పుట్టినవారు నాయకత్వ లక్షణాలు కలిగి, జీవితంలో వచ్చే సవాళ్లను ధైర్యంగా ఎదుర్కొంటారు.

5. మే – లక్ష్మి దేవి, కుబేరుడు:
మే నెలలో పుట్టిన వారిపై లక్ష్మి దేవి, కుబేరుడు ఆశీస్సులు ఉంటాయి. లక్ష్మీ దేవి సంపద, అదృష్టం, కుబేరుడు సంపదకు, శ్రేయస్సుకు అధిపతులు. ఈ నెలలో పుట్టినవారికి ఆర్థికంగా మంచి స్థితి ఉంటుంది. వీరు మంచి ఆర్థిక నిర్ణయాలు తీసుకుని, ధనవంతులు అవుతారు.

6. జూన్ – గణపతి, శివుడు:
జూన్ నెలలో జన్మించిన వారికి గణపతి, శివుడు ఆశీస్సులు ఉంటాయి. గణపతి అడ్డంకులను తొలగించేవాడు. శివుడు జ్ఞానం, త్యాగానికి ప్రతీక. ఈ నెలలో పుట్టినవారు తెలివైనవారు, వేగంగా ఆలోచిస్తారు. అంతే కాకుండా తమ లక్ష్యాలను సాధించడంలో మంచి తెలివి తేటలు ఉపయోగిస్తారు.

7. జూలై – విష్ణువు, శివుడు:
జూలై నెలలో జన్మించిన వారిపై విష్ణువు, శివుడు అనుగ్రహం ఉంటుంది. ఈ రెండు దేవతల ఆశీస్సులు ఉన్నందువల్ల, ఈ నెలలో పుట్టినవారు మంచి ఆలోచనలు, ప్రశాంతమైన మనస్తత్వం, జీవితంలో మంచి నిర్ణయాలు తీసుకునే సామర్థ్యం కలిగి ఉంటారు.

8. ఆగస్టు – కృష్ణుడు, సూర్యుడు:
ఆగస్టు నెలలో పుట్టినవారిపై కృష్ణుడు, సూర్యుడి ఆశీస్సులు ఉంటాయి. శ్రీ కృష్ణుడు ప్రేమ, ఆనందం, జ్ఞానానికి ప్రతీక. సూర్యుడి శక్తి , ఆత్మవిశ్వాసాన్ని ప్రసాదిస్తాడు. ఈ నెలలో పుట్టినవారు ఆకర్షణీయంగా, ధైర్యంగా, నాయకత్వ లక్షణాలు కలిగి ఉంటారు.

9.సెప్టెంబరు – గణపతి, లక్ష్మీ దేవి:
సెప్టెంబరు నెలలో జన్మించిన వారికి గణేశుడు, లక్ష్మీ దేవి ఆశీస్సులు ఉంటాయి. ఈ దేవతల అనుగ్రహం వల్ల వీరికి జ్ఞానం, సంపద లభిస్తుంది. ఈ నెలలో పుట్టినవారు తెలివైనవారు, విశ్లేషణాత్మకంగా ఆలోచించి.. జీవితంలో ఉన్నత స్థానాలకు చేరుకుంటారు.

Also Read: నవరాత్రులు ఎప్పటి నుంచి ప్రారంభం, విశిష్టత ఏమిటి ?

10. అక్టోబరు – సరస్వతి, దుర్గా దేవి:
అక్టోబరు నెలలో పుట్టిన వారిపై సరస్వతి, దుర్గా దేవి ఆశీస్సులు ఉంటాయి. ఈ నెలలో పుట్టినవారు జ్ఞానం, కళ, ధైర్యంతో ఉంటారు. సరస్వతి దేవి జ్ఞానాన్ని, దుర్గా దేవి ధైర్యాన్ని ప్రసాదిస్తుంది.

11. నవంబరు – హనుమాన్, శివుడు:
నవంబర్ నెలలో జన్మించిన వారికి హనుమాన్, శివుడు ఆశీస్సులు ఉంటాయి. ఈ నెలలో పుట్టినవారు శక్తివంతమైనవారు, నిజాయితీ, భక్తి భావన కలిగి ఉంటారు. ఈ దేవతల అనుగ్రహం వల్ల వీరు ఎలాంటి సవాళ్లనైనా ఎదుర్కొనే శక్తిని పొందుతారు.

12. డిసెంబరు – విష్ణువు, గణపతి:
డిసెంబరు నెలలో పుట్టినవారిపై విష్ణువు , గణపతి ఆశీస్సులు ఉంటాయి. విష్ణువు అనుగ్రహం వల్ల వీరు మంచి ఆలోచనలు కలిగి ఉంటారు. గణపతి అనుగ్రహం వల్ల అన్ని అడ్డంకులను అధిగమించి జీవితంలో విజయం సాధిస్తారు.