Oil For Pooja: ఏ నూనెతో దీపం పెడితే మంచిది ?

Oil For Pooja: సనాతన ధర్మంలో ఆరాధనకు చాలా ప్రాముఖ్యత ఉంటుంది. దీపం వెలిగించకుండా ఏ శుభ కార్యం లేదా పూజ అయినా అసంపూర్ణంగా ఉంటుంది. భక్తితో దీపం వెలిగించి నిజమైన హృదయంతో దేవుడిని ప్రార్థించే వారికి జీవితంలో ఎలాంటి సమస్యలు రాకుండా ఉంటాయని నమ్ముతారు.

దీపం వెలిగించడం వల్ల ప్రతికూల శక్తి తొలగిపోయి సానుకూల శక్తి వస్తుందని విశ్వసిస్తారు. ఇలా చేయడం వల్ల ఇంట్లో ఆనందం పెరుగుతుంది. ప్రతిరోజూ దీపం వెలిగించే ఇంట్లో నివసించే వారిపై శని ఆశీస్సుల ఉంటాయి. దీనివల్ల ఇంట్లో శ్రేయస్సు కలుగుతుంది. అంతే కాకుండా శని దోషం ఉండదు. వాస్తు శాస్త్రంలో దీపం వెలిగించడం వల్ల కలిగే అనేక ప్రయోజనాల గురించి ప్రస్తావించబడింది.

అదే విధంగా.. అన్ని దేవుళ్లను, దేవతలను ప్రసన్నం చేసుకోవడానికి వివిధ రకాల నైవేద్యాలు, పువ్వులు , మంత్రాలను ఉపయోగిస్తారు. దేవతలను ప్రసన్నం చేసుకోవడానికి అనేక రకాల దీపాలను వెలిగిస్తారు. ప్రతి దీపానికి దాని స్వంత ప్రాముఖ్యత ఉంటుంది. కానీ దీపం సరైన సమయంలో.. సరైన మార్గంలో, సరైన దిశలో వెలిగిస్తే మాత్రమే లక్ష్మీదేవి ఆశీస్సులు ఎల్లప్పుడూ మీపై ఉంటాయి.

హిందూ మతంలో.. దేవుడికి పూజ చేసేటప్పుడు నెయ్యి, ఆవాల నూనె, నువ్వులు లేదా పల్లి నూనెతో దీపం వెలిగించే సంప్రదాయం ఉంది. ప్రతి దానికీ దాని స్వంత ప్రాముఖ్యత ఉంటుంది. నెయ్యి దీపం వెలిగించడం ఖరీదైనది. అందుకే చాలా మంది నూనె దీపాలు వెలిగిస్తారు. దీపం చీకటిని తొలగించి వెలుగును వ్యాపింపజేసినట్లుగా.. ప్రతిరోజూ దీపం వెలిగించడం వల్ల వ్యక్తి జీవితానికి వెలుగు వస్తుందని నమ్ముతారు.

నెయ్యి దీపం వెలిగించడం వల్ల కలిగే ప్రయోజనాలు, ప్రాముఖ్యత:

నెయ్యి దీపం వెలిగించడం అనేది తరతరాలుగా వస్తున్న సాంప్రదాయ ఆచారం. నెయ్యి దీపం వెలిగించడం వల్ల మనసుకు, శరీరానికి, ఆత్మకు బహుళ ప్రయోజనాలు లభిస్తాయి. నెయ్యి దీపం వెలిగించడం వల్ల చీకటి, అజ్ఞానం తొలగిపోయి ఆధ్యాత్మిక కాంతి వ్యాప్తి చెందుతుందని నమ్ముతారు. దీంతో పాటు.. నెయ్యి దీపం వెలిగించడం వల్ల పర్యావరణం శుద్ధి అవుతుంది. అంతే కాకుండా సానుకూల శక్తి చుట్టూ పెరుగుతుంది.

నెయ్యి దీపం యొక్క జ్వాల మనస్సును కేంద్రీకరించడంలో సహాయపడుతుందని , ధ్యానానికి సహాయపడుతుందని కూడా చెబుతారు. నెయ్యి దీపం వెలిగించడం ఆధ్యాత్మిక వృద్ధికి, శాంతికి , శ్రేయస్సుకు శక్తివంతమైన సాధనంగా పరిగణించబడుతుంది. ఇది అంతర్గత శాంతిని పెంపొందిస్తుంది. అంతేకాకుండా ఇది ఒత్తిడి, ఆందోళనను తగ్గించడంలో సహాయపడుతుంది. భగవంతుని చేతికి కుడి వైపున నెయ్యి దీపం వెలిగించడం శుభప్రదం.

ఆవాల నూనెతో దీపం వెలిగించడం వల్ల కలిగే ప్రయోజనాలు, ప్రాముఖ్యత:

ఇంట్లో ఆవాల నూనెతో దీపం వెలిగించడం వల్ల బ్యాక్టీరియా మొదలైనవి నశిస్తాయని చెబుతారు. ఆవాల నూనె దీపం నుండి వెలువడే నల్లటి పొగ వల్ల హానికరమైన బ్యాక్టీరియా పూర్తిగా నశిస్తుంది. ఇంట్లో పూజ సమయంలో ఆవల నూనెతో దీపం వెలిగించడం వల్ల ఇంటి చుట్టూ ఉన్న వాతావరణం శుద్ధి అవుతుంది. పూజగదిలో ప్రతిరోజూ ఏకముఖ దీపం వెలిగించడం ద్వారా.. ఇంట్లో ఎల్లప్పుడూ ఆనందం , శ్రేయస్సు పెరుగుతాయి. భగవంతుడి చేతి ఎడమ వైపున ఈ నూనెతో దీపం వెలిగించడం శుభప్రదంగా పరిగణించబడుతుందని గుర్తుంచుకోండి.

నువ్వుల నూనెతో దీపం వెలిగించడం వల్ల కలిగే ప్రయోజనాలు, ప్రాముఖ్యత:

నువ్వుల నూనెతో దీపం వెలిగించడం అనేది దాని స్థానం నుండి కనీసం ఒక మీటరు దూరం వరకు దాని పవిత్ర తరంగాలను వ్యాపింపజేయడంలో విజయవంతమవుతుంది. నువ్వుల నూనె వల్ల ఉత్పన్నమయ్యే తరంగాలు దీపం ఆరిన తర్వాత కూడా అరగంట పాటు వాతావరణాన్ని స్వచ్ఛంగా ఉంచుతాయి. ఇంట్లో లేదా పూజగదిలో నువ్వుల నూనెతో దీపం వెలిగించడం వల్ల సానుకూల శక్తి లభిస్తుంది. అంతే కాకుండా ఇంటి నుండి ప్రతికూల శక్తి తొలగిపోతుంది. దీంతో పాటు.. నువ్వుల నూనెతో దీపం వెలిగించడం వల్ల చుట్టుపక్కల వాతావరణం శుద్ధి అవుతుంది. ఇంటి ప్రధాన ద్వారం వద్ద నువ్వుల నూనె దీపం వెలిగించడం వల్ల అనేక ప్రయోజనాలు లభిస్తాయి. అంతే కాకుండా పేదరికం తొలగిపోతుంది.

దీపం వెలిగించేటప్పుడు ఈ మంత్రాన్ని జపించండి:

శుభం కరోతి కల్యాణం ఆరోగ్యం ధనసమ్పద । నమోస్తుతే,. దీపో జ్యోతి పరబ్రహ్మ దీపో జ్యోతిర్జనార్దనః । దీపో హర్తు మే పాపం సంధ్యాదీప్ నమోస్తుతే.

దీపం వెలిగించే ముందు ఈ నియమాలను తెలుసుకోండి:

దీపం వెలిగించడానికి కొన్ని విషయాలు తెలుసుకోవడం చాలా ముఖ్యం/ దీపాన్ని ఎల్లప్పుడూ ఉదయం 5 నుండి 10 గంటల మధ్య , సాయంత్రం 5 నుండి 7 గంటల మధ్య వెలిగించాలి. దీపం వెలిగించడానికి ఇది అత్యంత పవిత్రమైన సమయంగా పరిగణించబడుతుంది.

Also Read: బుద్ధ పూర్ణిమ.. వీరు జాక్ పాట్ కొట్టినట్లే ?

దీపం వెలిగించేటప్పుడు.. దీపం పగిలిపోకూడదని గుర్తుంచుకోండి. పగిలిన దీపాన్ని వెలిగించడం అశుభంగా పరిగణించబడుతుంది. విరిగిన దీపాన్ని వెలిగించడం వల్ల ఎటువంటి ప్రయోజనం ఉండదు.
మీరు ఇంట్లోని పూజగదిలో లేదా బయట నెయ్యి దీపం వెలిగించబోతున్నట్లయితే.. కాటన్ వత్తిని ఉపయోగించండి. మీరు నూనె దీపం వెలిగిస్తున్నట్లయితే ఎర్రటి దారంతో చేసిన వత్తిని ఉపయోగించండి.

ఇంటి ప్రధాన ద్వారం వద్ద క్రమం తప్పకుండా దీపం వెలిగించాలి. ఇలా చేయడం చాలా శుభప్రదంగా పరిగణించబడుతుంది, ఇలా చేయడం ద్వారా సానుకూల శక్తి ఇంట్లోకి ప్రవేశిస్తుంది.

దీపం వెలిగించేటప్పుడు.. దేవుడి విగ్రహం ముందు మాత్రమే దీపం వెలిగించడానికి ప్రత్యేక శ్రద్ధ వహించండి. కొంతమంది ఎక్కడైనా దీపాలు వెలిగిస్తారు. ఇలా చేయడం పూర్తిగా తప్పుగా పరిగణించబడుతుంది.