రథాన్ని విరగ్గొట్టిన లక్ష్మీదేవి! పూరీ జగన్నాథ క్షేత్రంలో.. నేటికీ జరిగే అద్భుతమైన ఆచారం

Puri Rath Yatra Hidden Story: ప్రతి సంవత్సరం ఒడిశాలోని.. పూరీ క్షేత్రంలో జరిగే జగన్నాథ రథయాత్రను చూడటానికి ప్రపంచం నలుమూలల నుంచి లక్షలాది మంది భక్తులు తరలివస్తారు. భారీ రథాలు, భక్తుల కోలాహలం, ఆధ్యాత్మిక వాతావరణం ఈ ఉత్సవాన్ని ఎంతో ప్రత్యేకంగా మారుస్తాయి. అయితే.. ఈ పవిత్రమైన వేడుక వెనక చాలా మందికి తెలియని ఒక ఆసక్తికరమైన, భావోద్వేగ పౌరాణిక కథ దాగి ఉంది. అదేంటంటే.. సాక్షాత్తు ఐశ్వర్య దేవత అయిన లక్ష్మీదేవి, తన భర్త అయిన జగన్నాథుడిపై తీవ్రమైన కోపంతో ఆయన రథంలో ఒక భాగాన్ని విరగ్గొట్టింది. వినడానికి ఆశ్చర్యంగా ఉన్నా.. భార్యాభర్తల మధ్య ఉండే ప్రేమ, విరహం, అలకలకు ప్రతీకగా నిలిచే ఈ కథ పూరీ ఆలయ సంప్రదాయాలలో ఇప్పటికీ ఒక భాగమే.

లక్ష్మీదేవిని కలవరపెట్టిన ప్రయాణం:
పూరీ జగన్నాథ రథయాత్ర సమయంలో.. జగన్నాథ స్వామి తన అన్నయ్య బలభద్రుడు, సోదరి సుభద్రతో కలిసి ప్రధాన ఆలయం నుంచి గుండిచారి ఆలయానికి ప్రయాణం అవుతారు. భక్తులందరూ ఈ యాత్రను ఎంతో సంబరంగా జరుపుకుంటారు. కానీ.. ఆలయ ఈ పవిత్రమైన ప్రయాణంలో లక్ష్మీదేవిని మాత్రం స్వామివారు తనతో తీసుకెళ్లకుండా.. ప్రధాన ఆలయంలోనే వదిలేసి వెళ్తారు. తన్ను ఒంటరిగా వదిలేసి వెళ్లడం లక్ష్మీదేవి మనస్సును తీవ్రంగా గాయపరుస్తుంది. ఈ బాధ కేవలం ప్రయాణంలో భాగం కాలేదనేది మాత్రమే కాదు, తన ప్రాణనాథుడైన జగన్నాథుడికి దూరమయ్యాననే విరహ వేదన. ఈ చిన్న దైవిక అసంతృప్తే.. రథయాత్ర సంప్రదాయంలో అత్యంత ఆకర్షణీయమైన ఘట్టానికి దారితీసింది.

ఓపిక నశించిన లక్ష్మీదేవి.. రథంపై దాడి!
తనను ఒంటరిగా వదిలేసి జగన్నాథుడు వెళ్ళిపోయాడని గ్రహించిన లక్ష్మీదేవికి కొద్ది రోజుల తర్వాత ఓపిక నశిస్తుంది. విరహంతో.. పాటు ఆమెలో ఆగ్రహం కూడా కట్టలు తెంచుకుంటుంది. తీవ్ర భావోద్వేగంతో.. ఆమె నేరుగా జగన్నాథుడి రథయాత్ర సాగుతున్న ఊరేగింపు వైపు అడుగులు వేస్తుంది. ఆలయ సంప్రదాయాల ప్రకారం.. ఆమె గుండిచా ఆలయం వద్ద ఉన్న జగన్నాథుడి రథం (నందిఘోష) ను చేరుకుని, తన కోపాన్ని ప్రదర్శిస్తూ ఆ రథంలోని ఒక భాగాన్ని లేదా ఒక చెక్క ముక్కను ప్రతీకాత్మకంగా విరగ్గొడుతుంది.

నేటికీ సజీవంగా ఉన్న ఆచారం:
పూరీ జగన్నాథ సంస్కృతిలో ఈ ఘట్టాన్ని ‘హేరా పంచమి’ గా జరుపుకుంటారు. రథయాత్ర ప్రారంభమైన ఐదో రోజున ఈ ఆచారం నిర్వహిస్తారు. లక్ష్మీ దేవి విగ్రహాన్ని ఒక పల్లకీలో గుండిచా ఆలయానికి తీసుకెళ్తారు. అక్కడ స్వామివారి రథాన్ని పాడుచేసి.. తన అలకను ప్రదర్శించిన తర్వాత, ఆమె తిరిగి ప్రధాన ఆలయానికి రహస్య మార్గంలో వచ్చేస్తుంది. ఈ ఆచారంలో భక్తులు కూడా ఎంతో ఉత్సాహంగా పాల్గొంటారు.

ఉచిత ప్రవేశం, దర్శనం:
ఈ అద్భుతమైన రథయాత్రను, హేరా పంచమి వేడకలను పూరీ వీధుల్లో చూడటానికి ఎలాంటి ఫీజు లేదా టికెట్ ధర ఉండదు (ఉచితం). భక్తులందరికీ స్వామివారి , అమ్మవారి దర్శనం పూర్తిగా ఉచితంగా లభిస్తుంది. అయితే.. ఆలయం లోపల ప్రత్యేక పూజలు లేదా ప్రసాదం (మహాప్రసాదం) కొనుగోలు చేయాలనుకుంటే, వాటి ధరలు ఉంటాయి.