Devara Shooting Clip Leaked: యంగ్ టైగర్ ఎన్టీఆర్, జాన్వీ కపూర్ జంటగా నటిస్తోన్న కొత్త చిత్రం ‘దేవర’. కొరటాల శివ ఈ చిత్రానికి దర్శకత్వం వహిస్తున్నారు. ఈ మూవీపై ప్రేక్షకాభిమానుల్లో భారీ అంచనాలే ఉన్నాయి. ఇప్పటికే ఈ మూవీ నుంచి విడుదలైన పోస్టర్లు, ఫస్ట్ లుక్ గ్లింప్స్ సినిమాపై భారీ అంచనాలను పెంచేశాయి.
ముఖ్యంగా ఈ గ్లింప్స్ టీజర్‌లో ఎన్టీఆర్ మాస్ లుక్ చూసి అభిమానులు ఫుల్ ఖుషీ అయ్యారు. అంతేకాకుండా అందులో ఎన్టీఆర్ ఫైట్ సీన్స్‌ ఓ రేంజ్‌లో తమ అభిమానులను మంత్రముగ్దులను చేశాయి. ఈ చిత్రాన్ని దర్శకుడు కొరటాల శివ ఎంతో గ్రాండ్‌గా ప్రతిష్టాత్మకంగా తెరకెక్కిస్తున్నాడు.
ఈ మూవీ రెండు పార్టులుగా తెరకెక్కుతోంది. పోర్ట్ మాఫియా ఆధారంగా తెరకెక్కుతోన్న ఈ మూవీ భారీ బడ్జెట్‌తో రూపొందుతోంది. ఈ చిత్రాన్ని ఎన్టీఆర్ ఆర్ట్స్, యువ సుధా ఆర్ట్స్ సంయుక్తంగా నిర్మిస్తున్నాయి.
Also Read: ‘దేవర’ నుంచి కిరాక్ అప్డేట్.. ఎన్టీఆర్‌కు జోడీగా మరాఠీ ముద్దుగుమ్మ..?
ప్రస్తుతం ఈ మూవీ షూటింగ్ శర వేగంగా జరుగుతోంది. ఈ చిత్రాన్ని ఈ ఏడాది ఏప్రిల్‌లో రిలీజ్ చేస్తున్నట్లు మేకర్స్ ఇప్పటికే కన్ఫర్మ్ చేశారు. కానీ ఈ చిత్రానికి సంబంధించిన విఎఫ్ఎక్స్ వర్క్ చాలా వరకు పెండింగ్ ఉందని.. అందువల్ల ఈ మూవీ వాయిదా పడే అవకాశాలు ఉన్నాయని టాక్ వినిపిస్తోంది.
అంతేకాకుండా దీనిపై మేకర్స్ కూడా ఇంతవరకు నోరు మెదపకపోవడంతో అభిమానులు కంగారు పడుతున్నారు. ఇదంతా ఒకెత్తయితే.. ఈ మూవీ థియేట్రికల్ బిజినెస్ భారీ ధరకు జరిగింది. ఈ మూవీ ఓవర్సీస్ డీల్ రూ.27 కోట్ల ధరకు అమ్ముడు పోయాయి.
ఈ మూవీలో బాలీవుడ్ యాక్టర్ సైఫ్ అలీఖాన్ విలన్ పాత్ర పోషిస్తున్నాడు. ఇక ఇప్పుటికే మంచి అంచనాలను ఏర్పరచుకున్న ఈ మూవీ నుంచి తాజాగా ఓ వీడియో లీకై సోషల్ మీడియాలో సంచలనం సృష్టించింది.
Also Read: ఓటీటీలోకి వచ్చేసిన వరుణ్ తేజ్ ‘ఆపరేషన్ వాలెంటైన్’.. ఎందులో అంటే..
ఆ వీడియోలో ఎన్టీఆర్ నీటిలో నడుస్తూ కనిపిస్తున్నాడు. మాస్ అండ్ రగ్గడ్ లుక్‌లో కనిపించిన ఎన్టీఆర్‌ను చూసి అభిమానులు ఫుల్ ఖుషీ అవుతున్నారు. ప్రస్తుతం అందుకు సంబంధించిన వీడయో నెట్టింట వైరల్ అవుతోంది.
ఈ వీడియోతో పాటు మరో అప్డేట్ కూడా బయటకొచ్చింది. ఈ మూవీ తాజా షెడ్యూల్ ప్రస్తుతం గోవాలో జరుగుతోంది. ఈ షెడ్యూల్‌లో భాగంగా మూవీ యూనిట్ ఒక సాంగ్‌తో పాటు కొన్ని కీలక సన్నివేశాలను చిత్రీకరించనున్నారు.
All Hail The Tigerrrr 🐯🔥#Devara pic.twitter.com/6YRisONLNQ
— I'm a Fan Of NBK (@Chaitanya9045) March 21, 2024