Actor Manchu Manoj: మళ్ళీ లొల్లి, పహాడి షరీఫ్ పోలీస్ స్టేషన్ కి వెళ్తున్న మంచు మనోజ్

Actor Manchu Manoj: దాదాపు రెండేళ్ల క్రితం మంచు మనోజ్ తన ఇంటికి వచ్చి మా మనుషుల్ని విష్ణు ఎలా కొడుతున్నాడో చూడండి అంటూ ఒక వీడియోను రిలీజ్ చేశాడు. అయితే ఆ వీడియో అప్పుడు సోషల్ మీడియాలోనూ, మీడియాలోనూ బాగా వైరల్ గా మారింది. అక్కడితో మంచు ఫ్యామిలీలో గొడవలు జరుగుతున్నట్లు వార్తలు వచ్చాయి. అయితే ఈ వార్తలన్నీ అవాస్తవమని తెలుపుతూ ఇది రియాలిటీ షో కోసం మేము చేస్తున్న వీడియో అంటూ మంచు విష్ణు ఒక సందర్భంలో తెలిపారు అయితే అందరూ కూడా దానిని నిజమే అనుకొని నమ్మరు కానీ ఇప్పటివరకు ఆ రియాల్టీ షో విడుదల కాలేదు. ఇక గత కొద్దిరోజులుగా మంచి ఫ్యామిలీలో గొడవలు జరుగుతున్న విషయం తెలిసిందే. ఈ గొడవలు తారాస్థాయికి చేరిపోయాయి. మంచు మనోజ్ (Manchu Manoj) మంచు మోహన్ బాబు (Manchu Mohan Babu) మంచు విష్ణు (Manchu Vishnu) వీరి ముగ్గురు ఒకరి మీద ఒకరు పోలీస్ స్టేషన్లో ఫిర్యాదులు చేసుకునే స్థాయికి వచ్చేసింది.

Also Read: Lavanya Tripathi: మూడేళ్ల తర్వాత వెండితెరపై మెగా కోడలి సినిమా.. బర్త్ డేకు స్పెషల్ అనౌన్స్‌మెంట్

ఈ వార్త సంచలనం అవుతున్న తరుణంలో అల్లు అర్జున్ సంధ్య థియేటర్ ఘటనలో పోలీస్ స్టేషన్ కి వెళ్లడంతో మీడియా ఫోకస్ మొత్తం అటు షిఫ్ట్ అయింది. మొత్తానికి ఒకరోజు జైల్లో గడిపి అల్లు అర్జున్ (Allu Arjun) బయటకు వచ్చేసాడు ఇప్పుడు మీడియా ఫోకస్ మొత్తం మళ్ళీ మంచు ఫ్యామిలీ మీదికి వెళ్ళింది. జల్‌పల్లిలో మరోసారి మంచు ఫ్యామిలీ వివాదం మొదలైంది. పహాడీషరీఫ్‌ పీఎస్‌కు మంచు మనోజ్‌ రాబోతున్నట్లు తెలుస్తుంది. మంచు మనోజ్‌కు చెందిన జనరేటర్‌లో పంచదార పోసారట విష్ణు. దీనితో మంచు మనోజ్‌ ఇంటికి విద్యుత్‌ సరఫర నిలిచిపోయింది. ఇక అంతా మర్చిపోతున్నారు అనుకునే టైం కి మళ్లీ ఈ వివాదం తలెత్తడంతో మరోసారి సోషల్ మీడియాలో మంచు ఫ్యామిలీ వైరల్ అవుతుంది.

ఇక వరుస వివాదాలు జరుగుతున్న తరుణంలోనే విష్ణు తన కొత్త సినిమాను కూడా అనౌన్స్ చేశాడు. మరోవైపు మోహన్ బాబు పరారీలో ఉన్నారు అంటూ వార్తలు వచ్చాయి. ఆ తర్వాత తన ఆరోగ్యం పరిస్థితి కారణంగా నేను నా ఇంట్లోనే ఉన్నాను. అటువంటి కథనాలు రాయకండి అంటూ మోహన్ బాబు ట్విట్టర్ ద్వారా స్పందించారు. ఇక రీసెంట్ గా మోహన్ బాబు కూడా తన వలన గాయపడిన జర్నలిస్టును స్వయంగా వెళ్లి హాస్పిటల్లో కలిసి వాళ్ళ కుటుంబ సభ్యులకు క్షమాపణలు కూడా తెలియజేశారు. అంతేకాకుండా ఒక ఆడియోను విడుదల చేసి కూడా మోహన్ బాబు క్షమాపణలు తెలియజేశారు. అయితే మంచు వివాదం మంచిగా సైలెంట్ అయిపోయింది అనుకునే తరుణంలో మరో కొత్త మలుపు తీసుకుంది.

Also Read : Allu Arjun – Pawan Kalyan: పవన్ కళ్యాణ్‌ను బన్నీ బాబాయ్ అని ఎందుకు పిలుస్తాడో తెలుసా.?