Tarun latest news: అయ్యో.. తరుణ్‌కు ఉత్తుత్తి పెళ్లి కూడా కాదా? ఈసారీ ఫేక్ న్యూసేనట..

Tarun: హీరో తరుణ్. హీరో అంటే ఇప్పుడు కాదనుకోండి. ఒకప్పుటి హీరో. అప్పట్లో లవర్ బాయ్ ఇమేజ్ ఉండేది. తరుణ్ అంటే పడిచచ్చే లేడీ ఫ్యాన్స్ చాలామందే ఉండేవారు. నువ్వే నువ్వే, నువ్వే కావాలి, ప్రియమైన నీకు, నువ్వే లేక నేను లేను.. ఇలా మంచి హిట్లే కొట్టారు. అలా క్రేజ్ ఉన్నప్పుడే పెళ్లి చేసుకుని ఉంటే ఓ పనైపోయేది. ఇప్పుడు సినిమాలు లేవు.. పెళ్లి కూడా లేదు.

హీరోగా ఉన్నప్పుడు హీరోయిన్ ఆర్తి అగర్వాల్‌లో లవ్ ట్రాక్ నడిచింది. అయితే, మ్యారేజ్‌ ప్రపోజల్‌ను తరుణ్ రిజెక్ట్ చేశాడు. తరుణ్‌ను మర్చిపోలేక సూసైడ్ అటెంప్ట్ కూడా చేసింది ఆర్తి అగర్వాల్. అలా ఆ కథ ముగిసింది. ఆమెను చేసుకున్నా సరిపోయేది. ఇదంతా జరిగి పదేళ్లకు పైనే అవుతున్నా.. ఇప్పటికీ ముదిరిపోయిన బెండకాయలా తరుణ్‌ బ్యాచిలర్‌గానే మిగిలిపోయారు. బహుషా ఆయన చేతిలో పెళ్లి గీత లేనట్టుంది..అంటున్నారు.

కట్ చేస్తే.. ఉన్నట్టుండి తరుణ్‌కు పెళ్లి ఫిక్స్ అయిందంటూ సోషల్ మీడియాలో హోరెత్తుతోంది. అదికూడా టాలీవుడ్‌ బిగ్ ఫ్యామిలీకి అల్లుడు కాబోతున్నట్టు ప్రచారం నడుస్తోంది. పెళ్లై ఇటీవలే విడాకులు తీసుకున్న ఆ క్యూట్ గర్ల్‌తో మ్యారేజ్ అంటూ న్యూస్ వైరల్ అవుతోంది. అబ్బో.. ఆమెతోనా.. లేటైనా లేటెస్ట్‌గా మంచి అమ్మాయినే పట్టాడంటూ పోస్టులు వెల్లువెత్తుతున్నాయి.

ఆ న్యూస్ వాగా వైరల్ కావడంతో.. నటుడు తరుణ్ స్పందించాల్సి వచ్చింది. అబ్బే.. నాకు పెళ్లేంటి.. అదేం లేదు. ఆమెతో తన పెళ్లంటూ జరుగుతున్న ప్రచారంలో నిజం లేదని అన్నారు. అయ్యో.. ఇది కూడా ఫేక్ న్యూసేనా? తరుణ్‌కు ఇప్పటికైనా పెళ్లి అవుతోందని అనుకుంటే.. అది కూడా ఉత్తుత్తి వార్తేనా అని ఉసూరుమంటున్నారు సోషల్ మీడియా హల్‌చల్ బ్యాచ్.