Ajith Kumar:ఏకే 62 సినిమా బడ్జెట్ ఎంతో తెలుసా?

Ajith Kumar:ఇంతకీ ఏకే అంటే ఎవరు అని అనుకుంటున్నారా? ఏకే అంటే అజిత్ కుమార్. తమిళ్లో అజిత్ ని ఏకే అని అంటారు . ఈ మధ్యకాలంలో ఏ హీరో సినిమా నైనా సరే సినిమా టైటిల్ పెట్టేంత వరకు నెంబర్లతో పిలవడం ఆనవాయితీగా మారింది. ఆ లిస్టులో ఇప్పుడు అజిత్ కుమార్ నటిస్తున్న తాజా చిత్రాన్ని ఏకే 62 అని అంటున్నారు తమిళ ప్రేక్షకులు. సంక్రాంతికి విడుదలైంది అజిత్ కుమార్ నటించిన తునివు. తెలుగులో ఈ సినిమాను తెగింపు పేరుతో విడుదల చేశారు. హెచ్ వినోద్ డైరెక్షన్లో బోనీకపూర్ నిర్మించిన సినిమా ఇది. త్వ‌ర‌లో అజిత్ హీరోగా న‌యనతార భర్త విఘ్నేష్‌ శివన్ ఓ సినిమాను తెర‌కెక్కించ‌నున్నారు. తెగింపు తర్వాత చిన్న బ్రేక్ తీసుకున్న అజిత్ కుమార్ త్వరలోనే తిరిగి షూటింగ్ ప్రారంభించడానికి గ్రీన్ సిగ్నల్ ఇచ్చేసారట. ఈ సినిమా కోసం ఇప్పటికే స్క్రిప్ట్ రెడీ చేశారు విఘ్నేష్ శివన్‌.

ఏకే 62 సినిమాకు సంబంధించి ఎప్పటికప్పుడు కోలీవుడ్లో న్యూస్ లు ట్రెండ్ అవుతూనే ఉన్నాయి. తాజాగా ఈ సినిమా బడ్జెట్ గురించి ఓ న్యూస్ గట్టిగా వైర‌ల్‌ అవుతోంది. ఈ సినిమాను 190 కోట్ల రూపాయలతో తెర‌కెక్కించడానికి విఘ్నేష్ సన్నాహాలు చేస్తున్నారని వినికిడి. ఈ సినిమాలో హీరోయిన్ల‌ విషయం మీద కూడా పలు రకాల వార్తలు వినిపిస్తున్నాయి ముందు నయనతార హీరోయిన్‌గా నటిస్తారని వార్తలొచ్చాయి. ఆ తర్వాత ఆమె స్థానంలో త్రిష పేరు వినిపించింది. త్రిష తర్వాత ఐశ్వ‌ర్య‌రాయ్, మాళవిక మోహనన్‌, సాయి పల్లవి పేర్లు కూడా వినిపించాయి. అయితే ఇప్పటికీ సినిమాలో హీరోయిన్ ఎవరనే విషయం మీద ఇంకా అధికారికంగా ప్రకటించలేదు మేక‌ర్స్. ప్రీ ప్రొడ‌క్ష‌న్ ప‌నుల‌ను దాదాపుగా పూర్తి చేశారు విఘ్నేష్‌. ఈ సినిమాతో చెన్నై, హైద‌రాబాద్‌తో పాటు విదేశాల్లోనూ చిత్రీక‌రించాల‌న్న‌ది ప్లాన్‌.