Pushpa 2: ఐకాన్ స్టార్ అల్లు అర్జున్ హవా ఇప్పుడప్పుడే తగ్గేలా లేదు. ముఖ్యంగా పుష్ప 2 సినిమా రికార్డులను బద్దలు కొడుతోంది. ఆ కలక్షన్స్ ఆపడం ఎవరివలన కావడం లేదు. ఇప్పటివరకు పుష్ప 2 రూ . 1600 కోట్లు రాబట్టి టాలీవుడ్ ఇండస్ట్రీలోనే భారీ కలక్షన్స్ రాబట్టిన సినిమాగా గుర్తింపు తెచ్చుకుంది. సుకుమార్ దర్శకత్వంలో తెరకెక్కిన ఈ సినిమాలో బన్నీ నటనకు ఫాన్స్ బ్రహ్మరథం పడుతున్నారు.
మూడేళ్ల క్రితం పుష్ప సినిమా రిలీజ్ అయ్యి ఏ రేంజ్ లో సక్సెస్ అయ్యిందో ప్రత్యేకంగా చెప్పాల్సిన అవసరం లేదు. ఆ సినిమా తర్వాత బన్నీ ఐకాన్ స్టార్ గా మారాడు. అంతేకాకుండా ఆ సినిమాకు గాను జాతీయ అవార్డును కూడా అందుకున్నాడు. అలాంటి సినిమాకు సీక్వెల్ గా వస్తున్న పుష్ప 2 పై ఫాన్స్ ఎన్ని అంచనాలు పెట్టుకోవాలో అని అంచనాలను పెట్టుకున్నారు. ఇక ఆఅంచనాల మధ్యనే డిసెంబర్ 4న పుష్ప 2 రిలీజ్ అయ్యి భారీ విజయాన్ని అందుకుంది.
ఇక ఈ ఏడాది మొత్తం బన్నీపై వివాదాలు వస్తూనే ఉన్న విషయం తెలిసిందే. దీంతో వివాదాలు కారణంగా ఈ సినిమాకు కలెక్షన్స్ తగ్గే ఛాన్స్ ఉందని, నెగటివ్ టాక్ వచ్చే ప్రమాదం కూడా ఉందని చాలామంది చెప్పుకొచ్చారు. కానీ, వాటినేమీ పట్టించుకోకుండా ప్రేక్షకులు కథ నచ్చి సినిమాను విజయం బాట పట్టించారు. ఇక ఈ సినిమా తెలుగులో మాత్రమే కాకుండా హిందీలో కూడా తన సత్తా చాటుతూ వస్తుంది. దాదాపు ఇప్పటివరకు ఏ బాలీవుడ్ సినిమా కూడా పుష్ప 2 సినిమా కలెక్ట్ చేసినంత కలక్షన్స్ రాబట్టలేకపోయింది.
ఇదంతా పక్కన పెడితే పుష్ప 2 సినిమా త్వరలోనే ఓటీటీలోకి రానుందని వార్తలు వినిపిస్తున్న విషయం తెలిసిందే. నెట్ ఫ్లిక్స్ ఈ సినిమా డిజిటల్ హక్కులను భారీ ధరకు కైవసం చేసుకుందని, సంక్రాంతి కానుకగా పుష్ప 2 ఓటీటీలో రిలీజ్ అవుతుందని వార్తలు వినిపిస్తున్నాయి. ఇక తాజాగా ఈ వార్తలపై మేకర్స్ క్లారిటీ ఇచ్చారు.
” పుష్ప 2 ది రూల్ ఓటీటీ స్ట్రీమింగ్ పై అనేక వార్తలు వస్తున్నాయి. అయితే ఆ వార్తల్లో ఎలాంటి నిజం లేదు. రాబోయే అతిపెద్ద హాలిడే సీజన్లో ఈ మూవీని థియేటర్లోనే చూసి ఎంజాయ్ చేయండి. విడుదలైన నాటి నుంచి 56 రోజులు కన్నా ముందు పుష్ప 2 ఓటీటీలో స్ట్రీమింగ్ కాదు. ఇది వైల్డ్ ఫైర్ పుష్ప.. వరల్డ్ వైడ్ థియేటర్ లోనే వస్తుంది” అంటూ చెప్పుకొచ్చారు. ఇక దీంతో త్వరలోనే ఓటీటీలోకి వస్తుంది అని ఎదురుచూస్తున్న ప్రేక్షకులకు నిరాశను కలిగించింది .
ఇక ఈ నిరాశను పోగొట్టడానికి మరో గుడ్ న్యూస్ కూడా సోషల్ మీడియాను షేక్ చేస్తుంది. క్రిస్టమస్ సందర్భంగా పుష్ప 2 మూవీలో మరో 18 నిమిషాల నిడివి ఉన్న సీన్స్ ను యాడ్ చేశారట. క్రిస్మస్ నుంచి థియేటర్లో 18 నిమిషాలు యాడ్ చేసిన సినిమా స్క్రీనింగ్ కానుంది. ఇప్పటికే పుష్ప 2 సినిమా నిడివి మూడు గంటల 20 నిమిషాలు ఉంది. క్రిస్మస్ తర్వాత నుంచి మూడు గంటల 38 నిమిషాలు కాబోతుంది. మరి ఈ యాడ్ చేసిన సీన్స్ వల్ల పుష్పటు కలెక్షన్స్ మరింత పెరుగుతాయో లేదో చూడాలి.
There are rumours floating around about the OTT release of #Pushpa2TheRule
Enjoy the Biggest Film #Pushpa2 only on the Big Screens in this Biggest Holiday Season ❤️
It won't be on any OTT before 56 days!
It's #WildFirePushpa only in Theatres Worldwide 🔥
— Mythri Movie Makers (@MythriOfficial) December 20, 2024
Share
Apple : 'బాధ్యతగా వ్యవహరించండి, అలా జరిగితే చాలా ప్రమాదం!' - యాపిల్పై ప్రముఖ మీడియా ఫైర్..!!
Indian Railway Ticket Fares: జనరల్ జోలికి వెళ్లొద్దు.. పార్లమెంటరీ స్టాండింగ్ కమిటీ కీలక సిఫార్సులు!
