Apple : ‘బాధ్యతగా వ్యవహరించండి, అలా జరిగితే చాలా ప్రమాదం!’ – యాపిల్పై ప్రముఖ మీడియా ఫైర్..!!

Apple : ఆలస్యంగానైనా యాపిల్‌ సంస్థ కృత్రిమ మేధ సమ్మేళనానికి నడుం బిగించి, తమదైన యాపిల్‌ ఇంటెలిజెన్స్‌ పరిజ్ఞానాన్ని తీసుకొచ్చిన సంగతి తెలిసిందే. అయితే తాజాగా మరోసారి ఈ యాపిల్ ఏఐ ఫిర్యాదును ఎదుర్కొంది. యాపిల్ ఇంటెలిజెన్స్ ఫీచర్ను తొలిగించాలంటూ యాపిల్ను, రిపోర్టర్స్ వితౌట్ బోర్డర్స్ (ఆర్ఎస్ఎఫ్) అనే ప్రెస్ ఫ్రీడమ్ ఆర్గనైజేషన్ కోరింది. ఎందుకంటే? రీసెంట్గానే యాపిల్ ఏఐ ఇంటెలిజెన్స్ ఫీచర్స్.. తన సమ్మరైజెస్ న్యూస్ స్టోరీస్లో ఫాల్స్ న్యూస్ హెడ్లైన్స్ను చూపించింది. బీబీసీ రిపోర్ట్ చేసిన కథనానికి, సమ్మరైజ్డ్ న్యూస్ స్టోరీస్లో తప్పుడు హెడ్లైన్ను జనరేట్ చేసింది.

ఇంతకీ ఆ తప్పుడు కథనం ఎంటంటే? – రీసెంట్గానే అమెరికా (USA)లో ప్రముఖ ఇన్సూరెన్స్‌ సంస్థ యునైటెడ్‌ హెల్త్‌కేర్‌ సీఈవో బ్రియాన్‌ థాంప్సన్‌ (United Health Care CEO) హత్య కేసు చర్చనీయాంశమైన సంగతి తెలిసిందే. న్యూయార్క్‌లో హిల్టన్‌ హోటల్ బయట ఓ దుండగుడు జరిపిన కాల్పుల్లో బ్రియాన్‌ ప్రాణాలు కోల్పోయారు. బీబీసీ ఈ కథనాన్ని ప్రచురించింది. అయితే బీబీసీ ప్రచురించిన ఈ కథనానికి సంబంధించిన పుష్ నోటిఫికేషన్ను యాపిల్ ఏఐ టూల్ ఇచ్చింది. అయితే ఇందులో బ్రియాన్ షాట్ హిమ్సెల్ఫ్ (తనకు తానే కాల్చుకున్నట్లు) తప్పుగా అని చూపించింది. ఆ తర్వాత యాపిల్ ఏఐ పుష్ చేసిన ఈ తప్పుడు హెడ్లైన్ను గుర్తించిన బీబీసీ, యాపిల్కు ఈ విషయాన్ని తెలిపింది.

అయితే రిపోర్ట్స్ ప్రకారం ఇప్పుడు ఆర్ఎస్ఎప్ టెక్నాలజనీ అండ్ జర్నలిజం డెస్క్ చీఫ్ విన్సెంట్ బెర్థియర్, ఈ తప్పుడు హెడ్లైన్ విషయమై యాపిల్కు ఓ సూచన చేశారు. బాధ్యతగా వ్యవహరిస్తూ ఈ ఏఐ ఫీచర్ను తొలిగించాలని కోరారు.

“AIలు ప్రాబబిల్టీ యంత్రాలు. అందుకే వాస్తవాలను డైస్ రోల్ ద్వారా నిర్ణయించలేము. మీడియా సమాచారాన్ని ఆటోమేటెడ్గా ప్రచురించడం, మీడియా విశ్వసనీయతను దెబ్బ తీస్తుంది. పైగా విశ్వసనీయ సమాచారాన్ని, ప్రజల హక్కును ప్రమాదంలోకి నెట్టేస్తుంది. ఈ కొత్త A.I ద్వారా జర్నలిస్ట్ సంఘం మీడియాకు ఎదురయ్యే ప్రమాదాల గురించి చాలా ఆందోళన చెందుతోంది. ప్రజల కోసం నమ్మదగిన సమాచారాన్ని అందించడానికి ఏఐ సరిగ్గా లేదు. కాబట్టి ఇటువంటి ఏఐని మార్కెట్లో అనుమతించకూడదు” అని విన్సెంట్ అన్నారు.

అంతకుముందు కూడా యాపిల్ ఏఐ టూల్ మరో కాంట్రవర్సీలోనూ ఇరుక్కుంది. ఈ ఏఐ సమ్మరైజేషన్ న్యూస్లో ఇజ్రాయెల్ ప్రైమ్మినిస్టర్ బెంజమిన్ నెతాన్యహు అరెస్ట్ అయినట్లు చూపించింది. కానీ వాస్తవానికి ఇంటర్నేషన్ క్రిమినల్ కోర్ట్ బెంజమిన్పై వారంజ్ మాత్రమే జారీ చేసింది. అయితే దీనినే యాపిల్ ఏఐ అరెస్ట్ అయినట్లు తప్పుగా చూపించి ఇరకాటంలో పడింది. ఏదేమైనా యాపిల్ మాత్రం ఈ ఫిర్యాదులపై అధికారికంగా స్పందించలేదు.

ఇక యాపిల్ త్వరలోనే తీసుకురాబోతున్న లేటెస్ట్ గ్యాడ్జెట్స్ లో సైతం సొంత యాపిల్ ఇంటెలిజెన్స్ ఫీచర్ ను వాడాలనుకుంటున్న సంగతి తెలిసిందే. ఇదే నిర్ణయాన్ని ఇప్పటికే యాపిల్ వర్గాలు సైతం వెల్లడించాయి. ఈ నేపథ్యంలో వీటిపై వస్తున్న ఫిర్యాదులతో యాపిల్ ఎలాంటి నిర్ణయం తీసుకుంటుందో తెలియాలంటే కొన్ని రోజులు వేచి చూడాల్సిందే.

ALSO READ : దుమ్మురేపుతున్న క్రిస్మస్ డీల్స్.. ఆఫర్స్ మామ్మూలుగా లేవుగా!