Animal first day collections : సందీప్ రెడ్డి వంగా.. టాలీవుడ్ లో తీసిన అర్జున్ రెడ్డి అని ఒక్క చిత్రంతో మంచి గుర్తింపు తెచ్చుకున్న డైరెక్టర్. ఇప్పుడు యానిమల్ మూవీతో సెన్సేషనల్ డైరెక్టర్ గా మారిపోయాడు. ఇక ఈ చిత్రం బాక్స్ ఆఫీస్ ఓపెనింగ్ రికార్డ్ స్థాయిలో మొదలయ్యాయి. మూవీ హైప్ కూడా విపరీతంగా పెరగడంతో పాటు మొదటి రోజు మంచి పాజిటివ్ బజ్ నెలకొంది. పైగా ఓవర్సీస్ కలెక్షన్ అయితే కనక వర్షం అనడంలో ఎటువంటి డౌట్ లేదు.
యానిమల్ మూవీ.. ట్రైలర్ విడుదలైన తర్వాత నుంచి ఊపందుకున్న ఈ చిత్రం మొదటి రోజు కలెక్షన్ రికార్డ్ స్థాయిలో మారు మోగుతున్నాయి. 200 కోట్ల బడ్జెట్ తో నిర్మించిన ఈ చిత్రానికి సంబంధించిన ఓవర్సీస్ రైట్స్ సుమారు 40 కోట్ల వరకు అమ్ముడుపోయాయి. ఇక ప్రపంచవ్యాప్తంగా నాలుగు వేలకు పైగా స్క్రీన్ లపై ఈ చిత్రాన్ని రిలీజ్ చేయడం జరిగింది. దానికి తగ్గట్టే కలెక్షన్స్ భారీగా వసూల్ అయ్యాయి. దీంతో ప్రస్తుతం ఈ మూవీ రికార్డు స్థాయి కలెక్షన్స్ తన ఖాతాలో వేసుకునే ఛాన్స్ ఏర్పడింది.
యుఎస్, కెనడా, యూకే ,ఆస్ట్రేలియా ,న్యూజిలాండ్, యూఏఈ దేశాలలో రికార్డు స్థాయి అడ్వాన్స్ బుకింగ్స్ నమోదు చేసుకున్న ఈ చిత్రం.. మొదటిరోజు అమెరికాలో ప్రీమియర్ షో లతో కలిపి రెండు మిలియన్ అంటే సుమారు 17 కోట్లు వసూలు చేసింది. ప్రస్తుతం ఈ చిత్రం షారుక్ ఖాన్ ,సల్మాన్ ఖాన్ సినిమాలో రేంజ్ లో కలెక్షన్స్ సాధిస్తుంది. తొలి రోజు కలెక్షన్స్ 40 కోట్లకు పైగా రావడంతో.. ప్రస్తుతం ఈ మూవీ ఫస్ట్ డే కలెక్షన్స్ టాప్ 10 సినిమాల జాబితాలో చేరిపోయింది. ఈ జాబితాలో మొదటి రెండు స్థానాలలో 220 కోట్ల కలెక్షన్స్ తో ఆర్ఆర్ఆర్.. 214 కోట్ల కలెక్షన్స్ తో బాహుబలి ఉన్నాయి. ఇప్పుడు ఫస్ట్ డే 120 కోట్ల కలెక్షన్ తో ఫస్ట్ డే అత్యధిక వసూళ్లు సాధించిన చిత్రాలలో ఒకటిగా యానిమల్ నిలిచింది.
Share
Maoist Celebrations: తెలంగాణ-ఛత్తీస్‌గఢ్ సరిహద్దుల్లో హై అలర్ట్.. అడుగడుగునా తనిఖీలు
Satyam Scam: సత్యం కుంభకోణం కేసు.. సెబీ కీలక ఉత్తర్వులు
