Heroin Asin Divorce : గత కొన్నేళ్లలో ఇండస్ట్రీలోని నటీనటులు పెళ్లిళ్ల సంఖ్య ఎలా పెరుగుతుందో.. వారిలో విడిపోతున్న వారి సంఖ్య కూడా అలాగే పెరుగుతోంది. పెళ్లి చేసుకున్న నటీనటులు ముందుగా విడిపోతున్నారనే విషయం వారిని సోషల్ మీడియాలో ఫాలో అయ్యేవారికి తెలుస్తోంది. ఒకవేళ కొందరు నటీనటులు కావాలని సోషల్ మీడియాలో యాక్టివ్‌గా లేకపోయినా కూడా వారు విడాకులు తీసుకుంటున్నారంటూ రూమర్స్ వచ్చేస్తున్నాయి. ఇప్పుడు ఆ లిస్ట్‌లో మరో నటి చేరింది.
కేరళలో పుట్టి ఇతర సినీ పరిశ్రమల్లో మంచి పేరు తెచ్చుకున్న మలయాళ ముద్దుగుమ్మల్లో అసిన్ కూడా ఒకరు. ముందుగా తన మాతృభాష మలయాళంలో హీరోయిన్‌గా పరిచయం అయిన తర్వాత తెలుగులో ‘అమ్మా నాన్న ఓ తమిళమ్మాయి’ అనే మూవీతో డెబ్యూ చేసింది అసిన్. ఆ తర్వాత తెలుగు, తమిళంలో పలు బ్లాక్‌బస్టర్ చిత్రాల్లో తను భాగమయ్యింది. సౌత్‌లో తనకున్న క్రేజ్ చూసి బాలీవుడ్ నుండి కూడా తనకు పిలుపు వచ్చింది. సినిమాల్లో బిజీగా గడుపుతోంది అనుకుంటున్న సమయంలో అసిన్ ప్రేమించి పెళ్లి చేసుకుంది.
మైక్రోమ్యాక్స్ కో ఫౌండర్ అయిన రాహుల్ శర్మను అసిన్ 2016లో వివాహం చేసుకుంది. పెళ్లి తర్వాత సినిమాల గురించి తను పూర్తిగా మర్చిపోయి హ్యాపీగా ఫ్యామిలీ లైఫ్‌ను లీడ్ చేస్తోంది. ఇక తాజాగా అసిన్ విడాకులంటూ రూమర్స్ సోషల్ మీడియాలో వైరల్ అయ్యాయి. అసిన్.. తన ట్రిప్స్ గురించి, ఫ్యామిలీ లైఫ్ గురించి అప్పుడప్పుడు సోషల్ మీడియాలో పోస్ట్ పెడుతూ ఉంటుంది. అదే విధంగా తన విడాకులు అంటూ అదే విధంగా తను స్పందించింది.
‘ప్రస్తుతం సమ్మర్ హాలిడేస్ మధ్యలో ఉన్నాం. ఎదురెదురుగా కూర్చొని బ్రేక్‌ఫాస్ట్ చేస్తున్న సమయంలో అర్థం లేని వార్త నా కంటపడింది. ఇది చూస్తుంటే.. మా ఇంట్లో కూర్చొని పెళ్లి గురించి ప్లాన్ చేసుకుంటున్నప్పుడు మా బ్రేకప్ అంటూ వచ్చిన రూమర్స్ గుర్తొస్తున్నాయి. కొంచెం బెటర్‌గా ఆలోచించండి. దీనికోసం నా అందమైన హాలిడే నుండి అయిదు నిమిషాలు వేస్ట్ చేసినందుకు ఫీల్ అవుతున్నాను.’ అని అసిన్ పెట్టిన పోస్ట్ ఒక్కసారిగా తన విడాకులపై వస్తున్న రూమర్స్‌కు చెక్ పెట్టేలా చేసింది.
Share
PM Modi : అమెరికాతో ప్రిడేటర్ డ్రోన్ల ఒప్పందం.. మరో రాఫెల్ స్కాం అంటూ మోదీపై విమర్శలు..
Search Operation For Dog : కుక్క కోసం భారీ సెర్చ్ ఆపరేషన్.. పోలీసులకు సవాల్..
