Beard Stars : ఒకప్పుడు సినిమాల్లో విలన్ పాత్రలు పోషించే వారు మాత్రమే భయంకరంగా కనిపించాలని గెడ్డాలు పెంచేవాళ్లు. కానీ ఇప్పుడు ట్రెండ్ మారింది. గెడ్డం పెంచడంలో మేమేం తక్కువ కాదంటున్నారు స్టార్ హీరోలు. గుబురు గెడ్డంతో, అదిరిపోయే లుక్‌తో ప్రేక్షకుల మనసు దోచుకుంటున్నారు. మరి గెడ్డం ట్రెండ్ సెట్ చేసిన హీరోలెవరో ఓ లుక్కేద్దామా!
గడ్డం విషయంలో తగ్గేదే లే..
సుకుమార్ దర్శకత్వంలో రూపొందించిన ‘పుష్ప’ సినిమాతో టాలీవుడ్‌లో గెడ్డం ట్రెండ్ బాగా పాపులర్ అయింది. ఈ సినిమాలో గుబురుగా పెంచిన గెడ్డంతో అల్లు అర్జున్ చెప్పే ‘తగ్గేదె లే’ డైలాగ్.. యూత్‌కు ఊత పదంగా మారిపోయింది.
అమాంతం పెరిగిన రాఖీ భాయ్ క్రేజ్..
ప్రశాంత్ నీల్ దర్శకత్వంలో, యష్ నటించిన కేజీఎఫ్-1,2ల్లో నటించిన ప్రధాన పాత్రలు అన్నింటికీ గెడ్డం ఉంటుంది. ఈ సినిమాకు బ్యాగ్రౌండ్ మ్యూజిక్, కథ, విజువల్స్ ఎంత క్రేజ్ తీసుకొచ్చాయో.. యష్ గెడ్డం కూడా సినిమాకు అంతే క్రేజ్‌సృష్టించింది.
రోలెక్స్ సార్..
లోకేశ్‌ కనగరాజ్‌దర్శకత్వంలో.. కమలహాసన్ హీరోగా నటించిన ‘విక్రమ్’ సినిమా క్లైమాక్స్‌లో సూర్య పోషించిన రోలెక్స్ రోల్ ఆడియన్స్‌లో ఎంత ఇంపాక్ట్ క్రియేట్ చేసిందో అందరికీ తెలిసిందే. కేవలం కొన్ని క్షణాలు మాత్రమే ఉండే సూర్య గెడ్డం లుక్, హావభావాలు ఫ్యాన్స్‌ను కట్టిపడేశాయి.
అమీర్ ఖాన్ లుక్‌లోనే కిక్కూ..బాలీవుడ్ స్టార్ అమీర్ ఖాన్ యాక్టింగ్, స్టైల్ గురించి ప్రత్యేకంగా చెప్పక్కర్లేదు. ఎప్పుడూ క్లీన్ షేవ్‌తో కనిపించే అమీర్ ‘థగ్స్ ఆఫ్ హిందుస్తాన్’, ‘దంగల్’ వంటి సినిమాల్లో వివిధ రకాల బియర్డ్స్‌తో కనిపించి బాలీవుడ్‌లో గెడ్డం ట్రెండ్‌‌ను సెట్ చేస్తూ వస్తున్నాడు.
Share
Telangana Politics : ఉద్యోగం వదిలి.. ప్రజాసేవకు కదిలి..!
Telangana Politics : కొలువు వదిలి.. అసెంబ్లీ మెట్లెక్కిన ఇందూరు నేతలు వీరే..!
