War 2: తీవ్ర గాయాలైన.. సెట్‌లోకి అడుగుపెట్టబోతున్న హృతిక్..!

War 2 – Hrithik Roshan updates(Bollywood celebrity news): బాలీవుడ్ స్టార్ హీరో హృతిక్ రోషన్ నటించిన ‘వార్’ మూవీ బ్లాక్ బస్టర్ హిట్ అందుకుని బాక్సాఫీసు వద్ద కలెక్షన్ల వర్షం కురిపించింది. ముఖ్యంగా ఈ మూవీలో హృతిక్, టైగర్ ష్రాఫ్‌ల యాక్షన్ సీక్వెన్స్‌లు ఓ రేంజ్‌లో ఉన్న సంగతి తెలిసిందే. అయితే ఇప్పుడు ఈ మూవీకి సీక్వెల్‌గా ‘వార్ 2’ సిద్ధమవుతోంది.

ఇందులో హృతిక్ రోషన్‌తో పాటు టాలీవుడ్ స్టార్ హీరో ఎన్టీఆర్ కూడా భాగం కానున్నాడు. దీంతో ఈ మూవీపై మరింత అంచనాలు పెరిగిపోయాయి. ‘ఆర్ఆర్ఆర్’తో ప్రపంచవ్యాప్తంగా పేరు సంపాదించుకున్న ఎన్టీఆర్ ఈ మూవీలో నటిస్తుంటంతో అటు బాలీవుడ్‌లోనూ ఇటు టాలీవుడ్‌తో పాటు ఇతర భాషల్లోనూ ఈ మూవీపై ఫుల్ హైప్ క్రియేట్ అయింది.

అయాన్ ముఖర్జీ దర్శకత్వంలో ‘వార్ 2’ మూవీ తెరకెక్కుతోంది. వీలైనంత త్వరగా ఈ మూవీని కంప్లీట్ చేసి రిలీజ్ చేయాలని మేకర్స్ అనుకుంటున్నారు. ఇప్పటికే ఈ మూవీ షెడ్యూల్ స్టార్ట్ కాగా.. తాజా షెడ్యూల్‌ని స్పెయిన్‌లో కంప్లీట్ చేశారు.

మరో రెండు మూడు వారాల్లో ఈ మూవీ షూటింగ్‌లో ఎన్టీఆర్ పాల్గొనబోతున్నాడని సమాచారం. ఈ నేపథ్యంలో హృతిక్ రోషన్ షాకింగ్ న్యూస్ చెప్పిన విషయం తెలిసిందే.

షూటింగ్ సమయంలో తాను తీవ్రంగా గాయపడినట్లు తెలిపాడు. అంతేకాకుండా నడుముకి బెల్ట్ పెట్టుకొని.. చేతుల కింద క్లచస్‌ సపోర్టుతో దిగిన ఫొటోను సోషల్ మీడియా ద్వారా షేర్ చేస్తూ అందరినీ షాక్‌కి గురిచేశాడు.

కొద్ది రోజులు బెడ్ రెస్ట్ తీసుకోవాలని వైద్యులు సూచించినట్లు టాక్ వినిపించింది. దీంతో ఆందోళన చెందిన అభిమానులు ఆయన త్వరగా కోలుకోవాలని.. ఆ తర్వాత షూటింగ్‌లో పాల్గొనాలని కోరుకుంటున్నారు.

ఈ నేపథ్యంలో హృతిక్ తన అభిమానులకు గుడ్ న్యూస్ చెప్పినట్లు తెలుస్తోంది. తాను తీవ్రంగా గాయపడినప్పటికీ షూటింగ్‌లో పాల్గొనేందుకు మళ్లీ సిద్ధమవుతున్నట్లు తెలుస్తోంది. వచ్చే వారం నుంచి ఈ మూవీ కొత్త షెడ్యూల్‌లో హృతిక్ పాల్గొనబోతున్నాడని సమాచారం. దీంతో ఫ్యాన్స్ ఫుల్ ఖుషీ అవుతున్నారు.