Bharath:తెలుగు ప్రేక్షకులకు బాయ్స్, ప్రేమిస్తే వంటి చిత్రాలతో పాటు స్పైడర్ సినిమాలో నెగిటివ్ షేడ్ ఉన్న క్యారెక్టర్లో మెప్పించిన కోలీవుడ్ నటుడు భరత్ దాదాపు 12 ఏళ్ల తర్వాత తెలుగులో నటించిన చిత్రం హంట్. సుధీర్ బాబు హీరోగా నటించిన ఈ చిత్రాన్ని భవ్య క్రియేషన్స్ పతాకంపై ప్రముఖ నిర్మాత వి. ఆనంద ప్రసాద్ నిర్మించిన సినిమా ‘హంట్’. మహేష్ దర్శకత్వం వహించారు. జనవరి 26న సినిమా రిలీజ్ అవుతుంది. ఈ సందర్బంగా భరత్ మీడియాతో ప్రత్యేకంగా మాట్లాడారు. ఈ సందర్భంలో పుష్కర కాలం తర్వాత తెలుగులో స్ట్రయిట్ మూవీ చేయటానికి గల కారణాలేంటని అడిగిన ప్రశ్నకు ఆయన మాట్లాడుతూ ‘‘నా మెయిన్ స్ట్రీమ్ తమిళ్. సో… అక్కడి సినిమాల మీదే ఎక్కువ కాన్సంట్రేట్ చేశా. వరుసగా అవకాశాలు వచ్చాయి. తమిళ సినిమాలతో బిజీగా ఉన్నా. దర్శకుడు మహేష్ వచ్చి ఈ స్క్రిప్ట్ చెప్పడంతో, కథ నచ్చి దాదాపు పన్నెండేళ్ల తర్వాత తెలుగులో మూవీ చేశా. పైగా… సుధీర్ బాబు నాకు మంచి ఫ్రెండ్. సీసీఎల్ లో ఇద్దరం కలిసి క్రికెట్ మ్యాచులు కూడా ఆడాం. శ్రీకాంత్ గారు కూడా సీసీఎల్ వల్ల కాస్త క్లోజ్. సో.. అన్నీ కుదిరి ఈ సినిమా ఓకే చేశా’’ అన్నారు.
ఇంకా హంట్ మూవీలో పాత్ర గురించి భరత్ మాట్లాడుతూ ‘‘తమిళ్ మూవీ కాళిదాసులో నా లుక్ చూసి డైరెక్టర్ మహేష్ ఈ మూవీలోనూ అలానే ఉండాలనుకున్నారు. ఆ సినిమా హిట్ కాబట్టి సెంటిమెంట్ కూడా వర్కవుటవుతుందని అదే లుక్తో నటించా’’ అని తెలిపారు.
Share
Onion Peel: ఉల్లి తొక్కే కదా అని తీసిపారేయకండి.. బోలెడు ఉపయోగాలు
Almonds:పేదవాడి బాదం.. శనగలు బెన్ఫిట్స్
