BrahmaAnandam: హాస్య బ్రహ్మ బ్రహ్మానందం గురించి ప్రత్యేకంగా చెప్పాల్సిన అవసరం లేదు. ఎన్నో సినిమాల్లో నటించి మెప్పించిన ఆయన ప్రస్తుతం చాలా సెలెక్టీవ్ గా సినిమాలు చేస్తున్నాడు. ఇక ఎంత పెద్ద స్టార్ కమెడియన్ అయినా కూడా కొడుకును సక్సెస్ ఫుల్ హీరోగా చేయలేకపోయాడు. బ్రహ్మీ పెద్ద కొడుకు రాజా గౌతమ్ పల్లకిలో పెళ్లి కూతురు అనే సినిమా ద్వారా హీరోగా పరిచయమయ్యాడు. ఈ సినిమా పాజిటివ్ టాక్ నే అందుకున్నా .. ఆ తరువాత గౌతమ్ కు ఆశించిన అవకాశాలు రాలేదు.
ఇక చాలా కాలం తరువాత మను అనే సినిమాతో గౌతమ్ రీ ఎంట్రీ ఇచ్చాడు. ఈ సినిమా మంచి విజయాన్ని అందుకుంది. గతేడాది దూత వెబ్ సిరీస్ లో గౌతమ్ విలన్ గా నటించి మెప్పించాడు. ఒక మంచి కథతో మళ్లీ హీరోగా హిట్ కొట్టాలని గౌతమ్ ప్రయత్నిస్తున్నాడు. ఈ నేపథ్యంలోనే ఆయన హీరోగా నటిస్తున్న చిత్రం బ్రహ్మ ఆనందం.
RVS నిఖిల్ దర్శకత్వం వహిస్తున్న ఈ చిత్రాన్ని స్వధర్మ్ ఎంటర్‌టైన్‌మెంట్ బ్యానర్ పై రాహుల్ యాదవ్ నక్కా నిర్మిస్తున్నాడు. ఇక ఈ చిత్రంలో బ్రహ్మానందం కీలక పాత్రలో నటిస్తుండగా.. వెన్నెల కిషోర్ మరో పాత్ర లో నటిస్తున్నాడు. తాజాగా ఈ సినిమా అనౌన్స్ మెంట్ వీడియోను మేకర్స్ రిలీజ్ చేశారు. ఈ చిత్రంలో బ్రహ్మీ- గౌతమ్ తండ్రీ కొడుకులుగా కాకుండా తాతా మనవళ్లుగా నటించనున్నారని చెప్పుకొచ్చారు. త్వరలోనే ఈ సినిమా సెట్స్ మీదకు వెళ్లనుందని తెలుపుతూనే రిలీజ్ డేట్ ను కూడా అనౌన్స్ చేశారు. క్రిస్టమస్ కానుకగా డిసెంబర్ 6 న ఈ చిత్రాన్ని రిలీజ్ చేయనున్నట్లు మేకర్స్ తెలిపారు. మరి ఈ సినిమాతో ఈ తండ్రీకొడుకులు ఎలాంటి విజయాన్ని అందుకుంటారో చూడాలి.
Share
Hyundai announces discounts: హ్యుందాయ్ కార్లపై కళ్లుచెదిరే డిస్కౌంట్ ఆఫర్స్.. ఇది చాలా హాట్ గురూ!
CPI Narayana: ఏపీలో ఏ పార్టీ అధికారంలోకి వస్తుందంటే..? : నారాయణ జోస్యం
