Chandrika Ravi : నందమూరి బాల‌కృష్ణ‌తో స్క్రీన్ షేర్ చేసుకోవ‌డ‌మంటే మామూలు విష‌యం కాదు. లైఫ్ టైమ్ అచీవ్‌మెంట్‌లా ఉంది అని అంటున్నారు చంద్రికా ర‌వి. సంక్రాంతిని పుర‌స్క‌రించి వ‌చ్చే ఏడాది జ‌న‌వ‌రి 12న విడుద‌ల కానుంది వీర‌సింహారెడ్డి. ఈ సినిమాలో చంద్రికా ర‌వి కీ రోల్ చేశారు. నందమూరి బాల‌కృష్ణ స‌ర‌స‌న శ్రుతిహాస‌న్ నాయిక. కాక‌పోతే హ‌నీ రోజ్, చంద్రికా ర‌వి కూడా కొన్ని సీన్ల‌లో క‌నిపిస్తార‌ట. రీసెంట్‌గా రిలీజ్ అయిన మా బావ మ‌నోభావాల్ దెబ్బ‌తిన్నాయే పాట‌లో ఆడిపాడారు చంద్రికా ర‌వి. ఈ సినిమాలో న‌టించ‌డం ప‌ట్ల ఆమె ఆనందాన్ని వ్య‌క్తం చేశారు. “నందమూరి బాల‌కృష్ణ సార్‌తో ప‌నిచేయ‌డమంటే మాట‌లు కాదు. నా క‌ల నిజ‌మైన‌ట్టు అనిపిస్తోంది. ఆయ‌న‌తో స్క్రీన్ షేర్ చేసుకోవ‌డం మాత్ర‌మే కాదు, ఆయ‌న‌తో డ్యాన్స్ చేయ‌డం అస్స‌లు మ‌ర్చిపోలేని అనుభూతి. జీవితాంతం ఈ జ్ఞాప‌కాల‌ను గుండెల్లో దాచుకుంటా“ అని అన్నారు చంద్రికా ర‌వి.
మా బావ మ‌నోభావాల్ దెబ్బ‌తిన్నాయే సాంగ్‌లో బ్యాక్ స్టెప్ వేశారు నందమూరి బాల‌కృష్ణ. సోడా బండి మీద బాల‌య్య అలా స్టెప్పులు వేస్తుంటే వింటేజ్ బాల‌కృష్ణ గుర్తుకొస్తున్నార‌ని అంటున్నారు అభిమానులు. ఆల్రెడీ ఒక‌టికి మూడు పాట‌లు విడుద‌ల‌య్యాయి. ఈ సారి విడుద‌ల‌య్యే పాట ఈ మూడిటినీ మించి ఉంటుంద‌ని ఉప్పందించేశారు లిరిసిస్ట్ రామ‌జోగ‌య్య‌శాస్త్రి. మాస్ సాంగుల‌ను, హుషారైన పాట‌ల‌ను తెర‌కెక్కించ‌డంలో దిట్ట అనే పేరుంది గోపీచంద్ మ‌లినేనికి. ఆల్రెడీ ఆయ‌న మూడు పాట‌ల‌ను రిలీజ్ చేశారు. త‌మ‌న్ మ్యూజిక్ చార్ట్ బ‌స్ట‌ర్ అయింది. బాల‌కృష్ణ ఎన‌ర్జీకి త‌గ్గ‌ట్టున్నాయి పాట‌లు. గ‌తేడాది అఖండ‌తో ఇచ్చిన మ్యూజిక్‌ని ఈ ఏడాది వీర‌సింహారెడ్డితో త‌మ‌న్ కంటిన్యూ చేస్తున్నారంటూ అంద‌రూ మెచ్చుకుంటున్నారు. చంద్రికా ర‌వి అయితే త‌మన్‌ని ఆకాశానికెత్తేస్తున్నారు.
Share
Lokesh: లోకేశ్ ను నడవనిస్తారా? ఏపీలో రచ్చ రాజుకుంటుందా?
TDP: చంద్రబాబు సభలో విషాదం.. 8 మంది మృతి.. పలువురికి గాయాలు..
