Colours Swathi: కలర్స్ స్వాతి గురించి ప్రత్యేకంగా చెప్పాల్సిన అవసరం లేదు. తెలుగువారికి ఆమె సుపరిచితం. కలర్స్ ప్రోగ్రామ్ ద్వారా పరిచయమైన ఈ భామ.. చిన్న చిన్న పాత్రల్లో నటిస్తూ హీరోయిన్ గా మారింది. ఇక కెరీర్ పీక్స్ లో ఉన్నప్పుడే పెళ్లి చేసుకొని సినిమాలకు బ్రేక్ ఇచ్చింది. ఇక ఈ మధ్యనే ఆమె రీఎంట్రీ ఇచ్చిన విషయం తెల్సిందే. మంత్ ఆఫ్ మధు అనే సినిమా ద్వారా స్వాతి మంచి విజయాన్ని అందుకుంది. అంతేకాకుండా సత్య అనే సాంగ్ ద్వారా కూడా ఆమె మంచి గుర్తింపును అందుకుంది.
ఒకప్పుడు సోషల్ మీడియాలో యాక్టివ్ గా ఉండని స్వాతి.. ఈ మధ్య యమా యాక్టివ్ గా ఉంటుంది. తన ఫొటోస్ తో పాటు కుటుంబానికి సంబంధించిన ఫొటోస్ ను కూడా షేర్ చేస్తూ అభిమానులకు దగ్గర అవుతుంది. ఇక సెలబ్రిటీస్ అంటే పాజిటివ్ గా రియాక్ట్ అయ్యేవారుంటారు.. నెగటివ్ ట్రోల్స్ చేసే వారుంటారు. చాలామంది సెలబ్రిటీలు నెగటివ్ ట్రోల్స్ ను అవైడ్ చేస్తూ ఉంటారు. కానీ, కొంతమంది మాత్రం ట్రోలర్స్ కు స్ట్రాంగ్ కౌంటర్ ఇస్తారు.
తాజాగా స్వాతి కూడా ఒక ట్రోలర్ కు గట్టిగా ఇచ్చి పడేసింది. తాజాగా స్వాతి తన కుటుంబాన్ని పరిచయం చేస్తూ ఒక వీడియోను పోస్ట్ చేసింది. అందరూ సూపర్ ఫ్యామిలీ అని కామెంట్స్ చేస్తుంటే.. ఓ నెటిజన్ మాత్రం ఛీ.. నీ బతుకు అంటూ ట్రోల్ చేశాడు. ఇక దీనికి స్వాతి స్ట్రాంగ్ కౌంటర్ ఇచ్చింది. ఆ యూజర్ ఐడీ స్క్రీన్ షార్ట్ తీసి.. నాక్కూడా కొన్ని సార్లు ఇలాగే అనిపిస్తుంది.. నాక్కూడా అలాగే అనిపిస్తుంది.. జీరో పోస్ట్ ఛాంపియన్స్ అంటూ రాసుకొచ్చింది. ప్రస్తుతం ఈ పోస్ట్ నెట్టింట వైరల్ గా మారింది.
ఇక స్వాతి కౌంటర్ పై ఆమె ఫ్యాన్స్ ఆనందం వ్యక్తం చేస్తున్నారు. అలాంటివాళ్లకు ఇలానే కౌంటర్ ఇవ్వాలంటూ ఆమెకు సపోర్ట్ గా నిలిచారు. ఇకపోతే ప్రస్తుతం స్వాతి చేతిలో కొన్ని సినిమాలు ఉన్నాయి. మరి ఈ సినిమాలతో ఆమె ఎలాంటి విజయాలను అందుకుంటుందో చూడాలి.
Share
Jammu Kashmir: కుల్గామ్లో ఎన్కౌంటర్.. మోస్ట్ వాంటెడ్ టీఆర్ఎఫ్ కమాండర్ హతం..
iVOOMi launches JeetX ZE e-scooter : 170 కిమీ రేంజ్తో రూ.79 వేలకే కొత్త ఎలక్ట్రిక్ స్కూటర్.. మే 10 నుంచి బుకింగ్స్!
