Devara Update: నందమూరి ఫ్యాన్స్ ఎంతగానో ఎదురుచూస్తోన్న ఎన్టీఆర్ సినిమా ‘దేవర’ నుంచి క్రేజీ అప్డేట్‌ను మేకర్స్ అందించారు. గ్లింప్స్ రిలీజ్ డేట్‌ను తాజాగా వెల్లడించారు.
యంగ్ టైగర్ ఎన్టీఆర్, క్రియేటివ్ డైరెక్టర్ కొరటాల శివ కాంబినేషన్‌లో తెరకెక్కుతోన్న చిత్రం ‘దేవర’. ఈ చిత్రం అత్యంత భారీ హైప్‌తో రూపొందుతోంది. ఇందులో బాలీవుడ్ బ్యూటీ జాన్వీ కపూర్ హీరోయిన్‌గా నటిస్తోంది. సైఫ్ అలీ ఖాన్ విలన్ పాత్ర పోషిస్తున్నారు. రెండు పార్టులుగా రూపొందుతున్న ఈ చిత్రం నుంచి ఇప్పటికే రిలీజైన పోస్టర్ ప్రేక్షకాభిమానుల్లో ఎన్నో అంచనాలను పెంచేసింది. అంతేకాకుండా సినిమా మోస్ట్ వైలెన్స్, మాస్‌గా ఉంటుందని చెప్పడంతో అంచనాలు మరింత పెరిగాయి.
ఇక గత కొన్నిరోజులుగా ఈ మూవీ టీజర్ త్వరలో రాబోతుందని వార్తలు చక్కర్లు కొట్టాయి. మ్యూజిక్ డైరెక్టర్ అనిరుధ్, నిర్మాత కల్యాణ్ రామ్ కూడా దేవర టీజర్ రెడీ అయింది అంటూ ఇటీవలే మరింత హైప్ పెంచారు. దీంతో ఈ టీజర్ కోసం ఎంతోగానో ఎదురుచూస్తోన్న ఫ్యాన్స్ కళ నెరవేరింది.
న్యూ ఇయర్ సందర్భంగా నేడు దేవర సినిమా నుంచి ఆసక్తికర అప్డేట్‌ను మేకర్స్ అందించారు. ఒక కొత్త పోస్టర్ రిలీజ్ చేస్తూ గ్లింప్స్ రిలీజ్ డేట్‌ని ప్రకటించారు. జనవరి 8న ఈ గ్లింప్స్ రిలీజ్ చేయనున్నట్లు వెల్లడించారు. ఈ పోస్టర్‌లో ఎన్టీఆర్ సీరియస్‌గా ఉండటం చూడవచ్చు. బ్లాక్ డ్రెస్‌లో టక్ వేసుకొని పడవలో నించొని సముద్రంలోంచి వస్తున్నట్టుగా కనిపిస్తున్నారు. ఈ అప్డేట్‌తో అభిమానులు ఆనందం వ్యక్తం చేస్తున్నారు.
Share
Tirumala: భక్తులకు అలర్ట్.. రేపట్నుంచి సర్వదర్శనం టోకెన్లు జారీ చేయనున్న టిటిడి
Kadiyam Farmers: న్యూఇయర్ కు సరికొత్తగా స్వాగతం పలికిన కడియం నర్సరీ రైతులు
