Varun Tej : మెగా ప్రిన్స్ వరుణ్ తేజ్, అందాల రాక్షసి లావణ్య త్రిపాఠి ఎంగేజ్ మెంట్ గ్రాండ్ గా జరిగింది. హైదరాబాద్ లోని నాగబాబు ఇంట్లో ఈ కార్యక్రమం నిర్వహించారు. మెగా, అల్లు కుటుంబాలు హాజరయ్యాయి. ఈ నిశ్చితార్థ వేడుకకు మెగాస్టార్ చిరంజీవి, రామ్ చరణ్ దంపతులు, అల్లు అర్జున్, వైష్ణవ్ తేజ్ , లావణ్య కుటుంబ సభ్యులు, కొందరు సన్నిహితులు హాజరయ్యారు.
సంప్రదాయ వస్త్రధారణలో లావణ్య త్రిపాఠి మెరిసిపోయింది. వరుణ్ కూడా స్టైలిష్ గా ముస్తాబయ్యాడు. ఇక ఎంగేజ్ మెంట్ వేడుకకు సంబంధించి ఫోటోలను సోషల్ మీడియాకు రిలీజ్ చేశారు. దీంతో ఈ ఫోటోలు వైరల్ అయ్యాయి. నెటిజెన్స్ కొత్త జంటకు విషెస్ చెబుతున్నారు. సోషల్ మీడియాలో హ్యాష్ వరుణ్ లవ్ అని ట్రెండ్ అవుతోంది.
మొన్నటివరకు రీల్ కపుల్ గా వెండితెరపై అలరించిన ఈ జంట ఇక నుంచి రియల్ కపుల్ గా మారనున్నారు. ఎంగేజ్ మెంట్ జరగడంతో వివాహం ఎప్పుడనేది ఆసక్తికరంగా మారింది. ఈ ఏడాది చివరిలో పెళ్లి బాజాలు మోగుతాయని తెలుస్తోంది. 2017లో విడుదలైన మిస్టర్‌ మూవీలో నటించిన ఈ ఇద్దరు మొదట ఫ్రెండ్స్ గా మారారు. ఆ తర్వాత అంతరిక్షం మూవీలో నటించిన తర్వాత వీరి స్నేహం ప్రేమగా మారింది. ఇప్పుడు నిశ్చితార్థం చేసుకున్నారు. త్వరలో మూడుముళ్ల బంధంతో ఒక్కటికాబోతున్నారు.
Share
BJP : ఏపీపై బీజేపీ ఫోకస్.. నేడు నడ్డా, రేపు అమిత్ షా పర్యటన..
Space Effects on Human Brain : అంతరిక్ష ప్రయాణం.. మానవ మెదడుపై ప్రభావం..
