Ear Wax Removal: మనలో చాలామంది చీటికీమాటికీ చెవిలో కాటన్ ఇయర్ బడ్స్ లేదా పిన్నీసులను చెవిలోకి చొప్పించి గుమిలి తీస్తుంటారు. కానీ, ఇది మంచి పద్ధతికాదని హెచ్చరిస్తున్నారు వైద్య నిపుణులు. ఎందుకంటు.. జ్ఞానేంద్రియాల్లో చెవికి చాలా ప్రత్యేకమైన స్థానం ఉంది. గుమిలి చెవి బయట నుంచి వచ్చే సూక్ష్మజీవులు లోపలికి పోకుండా స్రవిస్తుంది. కాబట్టి.. అదేపనిగా చెవిలో గుమిలి తీయాల్సిన పనిలేదు. కొందరు కనీసం వారానికి ఒకసారైనా ఇలా కాటన్ ఇయర్ బడ్స్‌తో చెవులను క్లీన్ చేసుకుంటుంటారు. ఇలా చెవులను క్లీన్ చేసుకోవడంపై నిపుణులు ఏమంటున్నారో తెలుసుకుందాం రండి..
చెవిలోని గుమిలి క్లీన్ చేస్తేనే.. చెవులు శుభ్రంగా ఉంటాయని కొందరు భావిస్తుంటారు. కానీ ఇది నిజం కాదు. చాలామందికి దానంతటదే బయటకు వస్తుందని వైద్య నిపుణులు చెబుతున్నారు. చెవి మార్గంలోని ప్రత్యేక చర్మం గులిమిని బయటకు తోస్తూ, ఎప్పటికప్పుడు శుభ్రం చేస్తుందట. కాబట్టి ప్రత్యుకంగా గుమిలి తీయాల్సిన పనిలేదని సూచిస్తున్నారు. ఈ గుమిలి అనేది చెవి మార్గం ముందుభాగంలోని వెంట్రుకలు, సెబేషియస్ గ్రంథుల నుంచి వెలువడే స్రావాలతో తయారవుతుంది కాబట్టి.. ఇది లోపలి భాగాన్ని తడిగా ఉంచుతూ, మార్గం ఎండిపోకుండా చూస్తుంది. దుమ్ము, ధూళి, బ్యాక్టీరియా, క్రిముల వంటివి లోపలికి వెళ్లకుండా అడ్డుకుంటుంది. అంటే.. చెవికి సహజ రక్షణ కవచంగా నిలుస్తుందని నిపుణులు చెబేతున్నారు.
కొంతమందికి చెవిలో గులిమి ఎక్కువ ఉందని వైద్యులు చెబుతున్నారు. కొందరిలో ఇది చాలా జిగురుగా, మరికొందరికి గట్టిగా ఉండొచ్చట. ఏదేమైనా దీన్ని ప్రత్యేకించి తీయాల్సిన అవసరం లేదట. అగ్గిపుల్లలు, పిన్నీసులు, కాటన్ బడ్స్ వంటివి చెవిలో పెట్టి తిప్పితే గులిమి ఇంకా లోపలికి పోయే ప్రమాదముందని హెచ్చరిస్తున్నారు వైద్యులు. దీంతో చెవిలోని చర్మం, కర్ణభేరి దెబ్బతినే ప్రమాదం కూడా ఉంటుంది.
చాలా తక్కువ మందిలో చెవిలో గులిమి లోపల పోగవ్వచ్చని, వీరిలో 1-2 శాతం మందికి గట్టిపడి, చెవి మార్గం నిండిపోవచ్చని నిపుణులు పేర్కొంటున్నారు. ఇలాంటి వారికే గులిమి తీయాల్సి వస్తుందని, అదీ కూడా ఈఎన్టీ నిపుణులతోనే తీయించుకోవాలని సూచిస్తున్నారు. మీకు మీరుగా చేసుకునే సొంత వైద్యం వల్ల కొన్నిసార్లు కర్ణభేరి దెబ్బతినొచ్చు. ఒకవేళ అప్పటికే కర్ణభేరికి రంధ్రం ఉన్నట్టయితే, హానికారకాలు చెవిలో ప్రవేశించి ఇన్ఫెక్షన్, నొప్పి, చీము కారటం వంటివి తలెత్తే ప్రమాదమూ ఉంటుందని నిపుణులు చెబుతున్నారు.
Share
2026 Mega Movie's: వచ్చే ఏడాది మెగా మేనియా షురూ.. ఎవరి సామర్థ్యం ఎంత?
Pak Bomb Blast: పాక్లో భారీ బ్లాస్ట్.. 12 మంది స్పాట్లో మృతి, 20 మందికి గాయాలు
