Gnanavel Raja : కోలీవుడ్లో తెరకెక్కుతున్న భారీ పాన్ ఇండియా సినిమాల్లో కంగువ (Kanguva) ఒకటి. ఈ సినిమా భారీ బడ్జెట్ తో తెరకెక్కుతుంది. ఒకప్పుడు సినిమాటోగ్రాఫర్ గా కెరియర్ మొదలుపెట్టిన శివ ఈ సినిమాకి దర్శకత్వం వహిస్తున్నారు. తెలుగులో దర్శకుడుగా కొన్ని సినిమాలు చేసినా కూడా తమిళ్లో వరుస సూపర్ హిట్ సినిమాలు చేసి స్టార్ డైరెక్టర్గా అక్కడ పేరు సాధించాడు శివ. చివరగా రజనీకాంత్ (Rajinikanth) తీసిన అన్నత్తే సినిమాతో ప్రేక్షకులు ముందుకు వచ్చిన శివ ఇప్పుడు పాన్ ఇండియా సినిమాతో మరోసారి ప్రేక్షకులు ముందుకు రానున్నాడు. అయితే ఈ సినిమా పైన అందరికీ మంచి అంచనాలు ఉన్నాయి. ఈ సినిమా నుంచి రిలీజ్ చేసిన కంటెంట్ కూడా అదే స్థాయిలో ఉంది అని చెప్పొచ్చు.
చాలా సందర్భాల్లో నిర్మాత జ్ఞానవేల్ రాజా మాట్లాడుతూ భారీ ఎలివేషన్లు ఇచ్చారు. ఒక సందర్భంలో నిర్మాత జ్ఞానవేల్ రాజా మాట్లాడుతూ కంగువ పార్ట్ వన్ సినిమాతో చాలా సినిమాలు పోటీ పడొచ్చు కానీ కంగువ పార్టు 2 విషయంలో మాత్రం ఏ సినిమా పోటీకి రాదు అంటూ తెలిపారు. దీనిని బట్టి కంగువ సినిమా పైన ఆ నిర్మాతకు ఏ రేంజ్ లో ఎక్స్పెక్టేషన్స్ ఉన్నాయో ప్రత్యేకంగా చెప్పాల్సిన అవసరం లేదు. ఇక ఇప్పటివరకు ఈ సినిమా నుంచి రిలీజ్ అయిన కంటెంట్ కూడా మంచి రెస్పాన్స్ ను సాధించింది. ఈ సినిమాకి దేవిశ్రీప్రసాద్ సంగీతం అందిస్తున్నారు. జ్ఞానవేల్ రాజా ఇక రీసెంట్ గా ఇచ్చిన ఒక ఇంటర్వ్యూలో మాట్లాడుతూ ఈ సినిమా పూర్తిగా నేను చూశాను. మామూలుగా నేను ఒక సినిమా చూసినప్పుడు నెగిటివ్ పాయింట్స్ మాత్రమే దానిలోనవి మాట్లాడుతాను. కానీ ఈ సినిమా చూసిన తర్వాత సూర్యతో మాట్లాడుతుంటే ఎక్కువ ప్లస్ పాయింట్స్ గురించి చెప్తున్నాను అంటే నెగిటివ్ పాయింట్స్ అంతగా ఈ సినిమాలో నాకు పెద్దగా ఏమి కనిపించలేదు అంటూ చెప్పుకొచ్చాడు.
ఇకపోతే ఈ సినిమాను కేవలం కొద్ది రోజులు మాత్రమే పోస్ట్ పోన్ చేశారు. మామూలుగా తెలుగు సినిమాలైతే ఒక డేట్ మిస్సయింది అంటే దాదాపు 6,7 నెలల వరకు పోస్ట్ పోన్ చేస్తూనే ఉంటారు. కానీ ఈ సినిమా విషయంలో అలా జరగలేదు అక్టోబర్ నుంచి సినిమా నవంబర్ కి వెళ్ళింది కేవలం ఒక నెల రోజుల వ్యవధిలోనే ఈ సినిమా ప్రేక్షకులు ముందుకు రానుంది. దీనిని బట్టి కొందరు స్పందిస్తూ సినిమా లేట్ అవ్వచ్చు కానీ సినిమా అరాచకం మాత్రం అంతే ఉంటుంది అంటూ కాన్ఫిడెన్స్ తెలియజేస్తున్నారు. ఇకపోతే ఈ సినిమాను కోలీవుడ్ బాహుబలి అని కూడా కొందరు నమ్ముతున్నారు. టాలీవుడ్ లో బాహుబలి సినిమా క్రియేట్ చేసిన ఇంపాక్ట్ ఏ స్థాయిలో ఉందో ప్రత్యేకంగా చెప్పాల్సిన అవసరం లేదు. ఇక కోలీవుడ్ నుంచి అదే స్థాయి ఇంపాక్ట్ ను కంగువ సినిమా క్రియేట్ చేస్తుంది అని కొంతమంది అభిప్రాయం వ్యక్తం చేస్తున్నారు.
Share
Europe Techie Salary: 'లండన్లో సాలరీ రూ.80 లక్షలు.. బెంగుళూరుకు వచ్చేయాలనుకుంటున్నాను'.. సోషల్ మీడియాలో భారత టెకీ వైరల్ పోస్ట్
Brahmamudi Serial Today October 21st: ‘బ్రహ్మముడి’ సీరియల్: కళ్యాణ్ కు సినిమా ఛాన్స్ – అనామికకు అపర్ణ వార్నింగ్ 
