Gopichand Movie Title : టాలీవుడ్ యాక్ష‌న్ హీరో ఇమేజ్ సంపాదించుకున్న గోపీచంద్ ప్ర‌స్తుతం శ్రీవాస్ ద‌ర్శ‌క‌త్వంలో సినిమా చేస్తున్న సంగ‌తి తెలిసిందే. ఈ చిత్రాన్ని పీపుల్ మీడియా ఫ్యాక్టరీ బ్యాన‌ర్‌పై టి.జి.విశ్వ ప్ర‌సాద్‌, వివేక్ కూచిబొట్ల నిర్మిస్తున్నారు. తాజాగా సినీ స‌ర్కిల్స్‌లో వినిపిస్తోన్న వార్త‌ల మేర‌కు ఈ చిత్రానికి ‘రామ బాణం’ అనే టైటిల్‌ను అనుకున్నార‌ట. అధికారిక ప్ర‌క‌ట‌న మాత్ర‌మే రావాల్సి ఉంది. రీసెంట్‌గా గోపీచంద్ త‌న స్నేహితుడు ప్ర‌భాస్‌తో క‌లిసి బాల‌కృష్ణ హోస్ట్ చేస్తోన్న అన్‌స్టాపబుల్ సీజ‌న్ 2 టాక్ షోలో పాల్గొన్న సంగ‌తి తెలిసిందే. అక్క‌డే ఈ సినిమా టైటిట్‌ను రివీల్ చేశారు.
ఈ సినిమాలో గోపీచంద్ స‌ర‌స‌న డింపుల్ హ‌యతి హీరోయిన్‌గా న‌టిస్తుండ‌గా సీనియ‌ర్ నటి ఖుష్బూ కీల‌క పాత్ర‌ను పోషిస్తుంది. ఇంత‌కు ముందు అందాల న‌టుడు శోభ‌న్ బాబు హీరోగా రామ బాణం పేరుతో ఓ సినిమా వచ్చింది. అందులో కృష్ణంరాజు, మోహ‌న్ బాబు త‌దిత‌రులు న‌టించారు. ఇప్పుడు అదే టైటిల్‌తో గోపీచంద్ న‌టిస్తున్నారు. ప‌క్కా క‌మ‌ర్షియ‌ల్ సినిమా త‌ర్వాత గోపీచంద్ హీరోగా న‌టిస్తోన్న సినిమా ఇది. వ‌చ్చే ఏడాదిలో రిలీజ్‌కు సిద్ధ‌మ‌వుతుంది.
Share
Lemon Juice : నిమ్మరసం తాగితే గ్యాస్ సమస్య పెరుగుతుందా?
Lucky Day : మీ లక్కీ డేను గుర్తించాలంటే ఎలాగో తెలుసుకోండి
