Kalki 2898 AD Trailer: టాలీవుడ్ రెబల్ స్టార్ నటిస్తున్న పాన్ వరల్డ్ సైన్స్ ఫిక్షన్ మూవీ ‘కల్కి 2898 ఏడీ’. వైజయంతి మూవీస్ బ్యానర్పై అశ్వనీదత్ భారీ బడ్జెట్తో నిర్మిస్తున్నారు. ఈ మూవీలో బాలీవుడ్ బ్యూటీ దీపికా పదుకొణె, దిశా పటానీ హీరోయిన్లుగా నటిస్తున్నారు. ఇక అమితాబ్ బచ్చన్, కమల్ హాసన్ కీలక పాత్రల్లో కనిపిస్తుండగా..రాజేంద్రప్రసాద్, బ్రహ్మానందం తదితరులు నటిస్తున్నారు. అయితే సాయంత్రం 7 గంటలకు మేకర్స్ మూవీకి సంబంధించిన ట్రైలర్ రిలీజ్ చేశారు. ఈ ట్రైలర్లో యాక్షన్ సీన్స్, విజువల్స్ అద్భుతంగా ఉన్నాయి. గూస్ బంప్స్ తెప్పించేలా ట్రైలర్ ఉండడంతో ప్రభాస్ ఫ్యాన్స్ సంబరాలు చేసుకుంటున్నారు.
చాలా సమయం పట్టింది…
‘కల్కి’ మూవీ నుంచి మేకర్స్ ఇప్పటికే పోస్టర్స్, గ్లింప్స్, బుజ్జి కారులను రిలీజ్ చేయగా భారీ అంచనాలు నెలకొన్నాయి. తాజాగా, ట్రైలర్ విడుదల చేయగా.. ఇందులోని డైలాగ్స్ ఫ్యాన్స్ను ఆకట్టుకుంటున్నాయి. అయితే కల్కి ట్రైలర్పై ప్రేక్షకులను ఉద్ధేశిస్తూ.. డైరెక్టర్ నాగ్ అశ్విన్ ఇన్స్టాలో ఓ పోస్టు చేశాడు. ‘ఈ రోజు చేరుకునేందుకు చాలా సమయం పట్టింది. అయితే తెలుగు ప్రేక్షకులుగా, భారతీయులుగా, సినిమా ప్రేమికులుగా గర్వించేలా సినిమా ఉంటుందని ఆశిస్తున్నా. మా టీం మొత్తం కల్కి ప్రపంచాన్ని మీతొ పంచుకునేందుకు ఎదురుచూస్తోంది.’ అంటూ డైరెక్టర్ నాగ్ పేర్కొన్నారు. కాగా, ఈ మూవీ కోసం డైరెక్టర్ నాగ్ అశ్విన్ మరో ప్రపంచాన్ని సృష్టించినట్లు అర్థమవుతోంది.
Also Read: సౌందర్య లహరి.. స్వప్న సుందరి.. ఇప్పుడు ఎంత హాట్ గా ఉందో చూశారా..?
‘కల్కి’ సినిమా జూన్ 27న ప్రపంచ వ్యాప్తంగా విడుదల కానుంది. ఈ సినిమాకు సంతోష్ నారాయణ్ సంగీతం అందిస్తున్నారు. అయితే డైరెక్టర్ గతంలోనూ సినిమాపై ఆసక్తికర వ్యాఖ్యలు చేశాడు. ఈ సినిమాను చూసి థియేటర్ నుంచి బయటకు వచ్చే సమయంలో ప్రేక్షకులు కొంతసేపటి వరకు వింతగా భావిస్తారని ఆశిస్తున్నట్లు వ్యాఖ్యలు చేశారు. నేను ఎక్కడ ఉన్నాను.? నేను ఈ ప్రపంచంలోకి తిరిగి వెళ్లవచ్చా? అని ఆలోచిస్తారని వ్యాఖ్యలు చేశారు. అలాగే జేమ్స్ కామెరూన్ తీసిన అవతార్ మూవీ కూడా చూసినట్లు ఇలాగే ఫీల్ అయినట్లు గతంలో నాగ్ అశ్విన్ వ్యాఖ్యలు చేసిన సంగతి తెలిసిందే.
Share
Gayatri Jayanti 2024: గాయత్రీ మంత్రాన్ని ఇలా జపిస్తే అన్ని కష్టాలు తొలగిపోతాయి
Nokia 3210 Re-entry: 25 ఏళ్ల తర్వాత రీ ఎంట్రీ.. అదరగొడుతున్న నోకియా 3210..బెస్ట్ ఫీచర్లు ఇవే
