Kalki 2898AD.. సక్సెస్ అనే దాహం కోసం ఎంతో పరితపించిన ప్రభాస్ (Prabhas ) ఎట్టకేలకు నాగ్ అశ్విన్ (Nag Ashwin) దర్శకత్వంలో కల్కి 2898AD సినిమా చేసి ఆ దాహాన్ని కాస్త తీర్చుకున్నారని చెప్పవచ్చు. ఒకప్పుడు ఎన్టీఆర్, ఏఎన్నార్లలతో సినిమాలు నిర్మించి, నిర్మాతగా భారీ సక్సెస్ ను అందుకున్న వైజయంతి మూవీస్ బ్యానర్ అధినేత అశ్వినీ దత్ ఒకానొక సమయంలో వరుస ఫ్లాప్ లు చవి చూశారు. ఇక వైజయంతి బ్యానర్ ఎత్తిపోతుందని అందరూ అనుకున్న సమయంలో.. ఏకంగా రూ.700 కోట్ల బడ్జెట్ పెట్టి ఈ సినిమాను తెరకెక్కించారు. మైథాలజికల్ కాన్సెప్ట్ తో వచ్చిన ఈ సినిమా ఆడియన్స్ ను విపరీతంగా మెప్పించడమే కాకుండా.. రెట్టింపు స్థాయిలో లాభాలు కూడా అందుకుంది. దీంతో వైజయంతి బ్యానర్ కూడా ఈ సినిమాతో గట్టి కంబ్యాక్ ఇచ్చిందని చెప్పవచ్చు.
ప్రభాస్ మూవీకి కూడా తప్పని తిప్పలు..
ముఖ్యంగా రూ .1800 కోట్లకు పైగా కలెక్షన్లు వసూలు చేసి రికార్డు సృష్టించిన ఈ సినిమాకి కూడా ఇప్పుడు తిప్పలు తప్పడం లేదనే ఒక వార్త తెరపైకి వచ్చింది. మరి అసలు విషయం ఏమిటో ఇప్పుడు చూద్దాం. థియేటర్లలో విడుదలై సంచలనం సృష్టిస్తున్న కల్కి సినిమా సాటిలైట్ హక్కులు ఇంకా అమ్ముడు పోలేదనే వార్త అందరిని ఆశ్చర్యానికి గురిచేస్తోంది. ముఖ్యంగా ఈ సినిమాకు సంబంధించిన సాటిలైట్ హక్కుల కోసం పలు చానల్స్ తో సంప్రదింపులు జరుపుతున్నప్పటికీ ఇప్పటివరకు ఈ డీల్ ఇంకా ఫైనల్ కాలేదని వార్తలు వినిపిస్తున్నాయి.
సాటిలైట్ డీల్ కుదరనట్టేనా..
అయితే దీనికి కూడా ప్రధాన కారణం ఉందని సమాచారం. సాటిలైట్ హక్కుల కోసం టీవీ చానల్స్ చెబుతున్న ఫిగర్ కి వైజయంతి బ్యానర్ అంగీకరించడం లేదని సమాచారం. ముఖ్యంగా చిత్ర బృందం డిమాండ్ చేస్తున్న రేటుకి , టీవీ చానల్స్ ఇచ్చేందుకు సిద్ధంగా ఉన్న ధరకు చాలా వ్యత్యాసం ఉండడంతో ఈ డీల్ ఇంకా పూర్తి కాలేదని వార్తలు వినిపిస్తున్నాయి. ముఖ్యంగా స్టార్ మా, జీ గ్రూప్ వంటి ప్రముఖ ఛానల్స్ తో చర్చలు జరుగుతున్నా.. ఇప్పటివరకు ఎలాంటి ఒప్పందం కుదరలేదని వార్తలు వినిపిస్తున్నాయి.
ప్రధాన కారణాలు కావచ్చు..
అసలు విషయంలోకెళితే.. ఒకవైపు ఓటీటీ ప్లాట్ఫామ్స్ పెరుగుతున్న నేపథ్యంలో టీవీ చానల్స్ కి కూడా ఆదాయం తగ్గుతుంది. ఎందుకంటే పెద్ద బడ్జెట్ చిత్రాలు కూడా థియేటర్లలో విడుదలైన ఎనిమిది వారాలలోపే ఓటీటీ లోకి వచ్చేస్తున్నాయి. ప్రేక్షకులు కూడా టీవీ కంటే ఓటీటీ లో సినిమాలు చూడడానికే ఆసక్తి చూపిస్తున్నారు. ఈ నేపథ్యంలోనే టీవీ చానల్స్ ద్వారా వచ్చే ఆదాయంలో కూడా తగ్గుదల ఉండడం అత్యంత సహజమని చెప్పవచ్చు. దీనికి తోడు చాలా చోట్ల అప్రూవల్ కాకపోయినా.. లోకల్ కేబుల్ ఆపరేటర్లు తమ ప్రైవేట్ చానల్స్ లో పెద్ద సినిమాలను ప్రసారం చేస్తున్నారు. దీని వల్ల చందాదారులను కూడా నిలబెట్టుకునేందుకు ప్రయత్నిస్తున్నట్లు సమాచారం.ఈ పరిణామం కూడా సాటిలైట్ డీల్ ఆలస్యానికి కారణం కావచ్చనే విధంగా వార్తలు వినిపిస్తున్నాయి. మొత్తానికైతే థియేటర్లో భారీ విజయం సొంతం చేసుకున్న ఈ సినిమాకి.. సాటిలైట్ హక్కులు అమ్ముడు పోకపోవడం నిజంగా ఆశ్చర్యకరమని చెప్పవచ్చు.
Share
Director Nithilan Saminathan: 'మహారాజా ' డైరెక్టర్ కు గిఫ్ట్ గా లగ్జరీ కారు... ఇచ్చింది విజయ్ సేతుపతి మాత్రం కాదండోయ్
AP Govt: మరో గుడ్ న్యూస్ చెప్పిన ఏపీ ప్రభుత్వం.. ఇక ఆ సాయం రెట్టింపు..
