Indian 2 OTT Release: కొన్ని సినిమాలు ఎలాంటి అంచనాలు లేకుండా థియేటర్లలోకి వచ్చి బ్లాక్ బస్టర్ రెస్పాన్స్ అందుకుంటాయి. మరికొన్ని మాత్రం అనౌన్స్ చేసినప్పటి నుంచి ఒకటే హంగామా క్రియేట్ చేస్తుంటాయి. సినిమాపై ఆశలు రేపుతూ ఒక్కో అప్డేట్తో అంచనాలు పెంచేస్తుంటాయి. ఆఖరికి థియేటర్లలో రిలీజ్ అయ్యాక నీరుగార్చేస్తాయి. అలాంటిదే ‘ఇండియన్ 2’ మూవీ. ఈ సినిమా తెరకెక్కడానికి దాదాపు 3 ఏళ్లు పట్టింది. గత 28 ఏళ్ల క్రితం వచ్చిన ‘భారతీయుడు’ సినిమాకు ఇప్పుడు సీక్వెల్గా ‘భారతీయుడు 2’ తెరకెక్కింది.
అయితే ఈ సినిమా అనౌన్స్ చేసినప్పటి నుంచి ఒకటే ఆసక్తి. అందులోనూ హీరో, డైరెక్టర్ స్టార్లు కావడంతో అంచనాలు ఓ రేంజ్లో పెరిగిపోయాయి. విలక్షణ నటుడు కమల్ హాసన్, డైరెక్టర్ శంకర్ కాంబినేషన్లో ఈ సినిమా రూపొందింది. భారీ అంచనాల నడుమ జూలై 12న ప్రపంచ వ్యాప్తంగా రిలీజ్ అయిన ఈ సినిమా ఫస్ట్ షో తోనే తేలిపోయింది. ప్రేక్షకుల నుంచి ఆశించిన స్పందన లభించలేదు. బాక్సాఫీసును షేక్ చేస్తుందనుకున్న ఈ సినిమా బోల్తాపడింది.
Also Read: ‘ఇండియన్ 2’ ఫస్ట్ డే కలెక్షన్స్.. ఛా.. మరీ ఇంత దారుణంగానా..!
అనుకున్న కలెక్షన్లు సైతం అందుకోలేకపోయింది. ప్రముఖ నిర్మాణ సంస్థ లైకా ప్రొడక్షన్స్ ఈ చిత్రాన్ని అత్యంత భారీ బడ్జెట్తో నిర్మించింది. ఈ సెకండ్ పార్ట్ రిలీజ్కు ముందే మరో సీక్వెల్ను సిద్ధం చేసింది. వచ్చే ఏడాది ఆ కొత్త సీక్వెల్ను రిలీజ్ చేస్తామని కూడా చెప్పుకొచ్చింది. ఈ మేరకు ట్రైలర్ కూడా వదిలింది. ఇలా అన్నింటిని పక్కాగా ప్లాన్ చేసుకుంది మూవీ యూనిట్. కానీ సినిమా మాత్రం ఆశించిన స్థాయిలో ఆకట్టుకోలేకపోయింది. దీంతో ఈ సినిమాను థియేటర్లలో మిస్ అయిన వారు ఓటీటీ రిలీజ్ కోసం ఎదురుచూస్తున్నారు.
ఈ నేపథ్యంలో ఓటీటీ ఆడియన్స్కు అదిరిపోయే అప్డేట్ బయటకొచ్చింది. నెల రోజులు తిరగకుండానే ఈ సినిమా ఓటీటీలోకి వచ్చేందుకు సిద్ధమైంది. తాజాగా ఈ సినిమా ఓటీటీ స్ట్రీమింగ్ గురించి అఫీషియల్గా అప్డేట్ వచ్చింది. ప్రముఖ ఓటీటీ ప్లాట్ ఫార్మ్ నెట్ఫ్లిక్స్ ఈ సినిమా డిజిటల్ రైట్స్ను భారీ ధరకు సొంతం చేసుకుంది. దీంతో ఈ నెల అంటే ఆగస్టు 9 నుంచి తెలుగు, తమిళ, హిందీ భాషల్లో ‘ఇండియన్ 2’ స్ట్రీమింగ్ కానుంది. అందువల్ల థియేటర్లలో ఈ సినిమాను మిస్ అయిన వారు ఇప్పుడు ఓటీటీల్లో చూసేయొచ్చు.
#Indian2 Streaming From Aug 9th On #Netflix pic.twitter.com/MnjZQsr5TW
— Suresh PRO (@SureshPRO_) August 3, 2024
Share
14 Worlds : 14 లోకాలు ఏవి.. ఏయే లోకంలో ఎవరెవరు ఉంటారు ?
Justice D.Y. Chandrachud: న్యాయపక్రియతో ప్రజలు విసుగెత్తిపోయారు.. సీజేఐ కీలక వ్యాఖ్యలు
