Checks Before Buying Used Car| కొత్త కారు కొనాలంటే ఎక్కువ డబ్బు ఖర్చు చేయాలి. అందుకే చాలామంది తక్కువ ధరలో సెకండ్ హ్యాండ్ కార్లను కొనుగోలు చేసేందుకు ఆసక్తి చూపిస్తున్నారు. అయితే తక్కువ ధరకు కారు దొరికిందని వెంటనే కొనేస్తే నష్టపోయే ప్రమాదం ఉంది. బయటకు మెరిసిపోతున్న కారు లోపల తీవ్రమైన ఇంజిన్ సమస్యలు ఉండే అవకాశం ఉంది. ఏదైనా ప్రమాదానికి గురైన వాహనం కూడా కొత్త పెయింట్‌తో ఆకర్షణీయంగా కనిపిస్తుంది. అందుకే పాత కారు కొనేముందు 5 ముఖ్యమైన విషయాలను తప్పనిసరిగా పరిశీలించాలని ఆటోమూవర్స్ గ్రూప్ మేనేజింగ్ డైరెక్టర్ సంజీత్ సింగ్ తల్వార్ సూచించారు.
కారు గతంలో ఎంత జాగ్రత్తగా మెయిన్‌టైన్ చేశారో సర్వీస్ రికార్డులు చూస్తే తెలుస్తుంది. అందుకే సర్వీస్ బిల్లులు, రిపేర్ రికార్డులు చూపించమని సెల్లర్‌ని అడగాలి. ఇంజిన్, గేర్‌బాక్స్, క్లచ్, బ్రేకులు, సస్పెన్షన్ ఎప్పుడు రిపేర్ చేశారో చూడాలి. క్రమం తప్పకుండా సర్వీసింగ్ చేయించారా లేదా తెలుసుకోవాలి. రికార్డులు అందుబాటులో లేకపోతే వాటిని ధృవీకరించడం కష్టమవుతుంది. అవసరమైతే అధీకృత సర్వీస్ సెంటర్‌ను సంప్రదించాలి.
కారు బయట అందంగా కనిపించినంత మాత్రాన లోపల కూడా బాగుంటుందని అనుకోకూడదు. ఇంజిన్, గేర్‌బాక్స్, బ్రేకులు, సస్పెన్షన్‌లను మెకానిక్‌తో చెక్ చేయించాలి. ఇంజిన్ నుంచి గట్టిగా లేదా అసాధారణ శబ్దాలు వస్తున్నాయా చూడాలి. ఆయిల్ లీకేజీలు, పొగ, డ్యాష్‌బోర్డ్ వార్నింగ్ లైట్లను పరిశీలించండి. కొనుగోలుకు ముందు తప్పనిసరిగా టెస్ట్ డ్రైవ్ చేయాలి. గేర్లు సరిగ్గా మారుతున్నాయా, బ్రేకులు పనిచేస్తున్నాయా గమనించాలి. స్టీరింగ్, టైర్లు, సస్పెన్షన్ పనితీరును కూడా పరీక్షించాలి.
కొన్ని కార్లకు ప్రమాదం జరిగిన తర్వాత కొత్త పెయింట్ వేయించి విక్రయిస్తుంటారు. అందుకే బానెట్, డోర్లు, బంపర్లు, డిక్కీని జాగ్రత్తగా పరిశీలించండి. పెయింట్ రంగులో తేడాలు, తుప్పు, అసమానమైన గ్యాప్‌లు ఉన్నాయా చూడాలి. ఇవి గతంలో రిపేర్ జరిగినట్లు సూచికలు. కారు ఛాసిస్, కింది భాగాన్ని కూడా మెకానిక్‌తో చెక్ చేయించాలి.
Also Read: దీపావళి బిజినెస్ ఐడియా.. కేవలం రూ.10000తో కొవ్వత్తుల వ్యాపారం.. ఇలా చేస్తే భారీ ఆదాయం
కారు కొనుగోలులో పత్రాలు చాలా ముఖ్యం. ముందుగా రిజిస్ట్రేషన్ సర్టిఫికెట్ (RC)లో యజమాని వివరాలను పరిశీలించాలి. ఇంజిన్, ఛాసిస్ నంబర్లను వాహనంతో సరిపోల్చి చూడండి.
Also Read: రూ.3 లక్షల లోన్ కావాలా గ్యారెంటీ కూడా అవసరం లేదు.. కేంద్ర ప్రభుత్వ పథకం.. ఇలా అప్లై చేయండి
కారు ధర మాత్రమే మొత్తం ఖర్చు కాదు. కొనుగోలు తర్వాత కొత్త టైర్లు, బ్యాటరీ, సర్వీసింగ్, ఇన్సూరెన్స్ కోసం డబ్బు అవసరం కావచ్చు. అందుకే కారు ధరతో పాటు భవిష్యత్తులో వచ్చే ఖర్చులను కూడా లెక్కించాలి. కొంచెం ఎక్కువ ధర ఉన్నా మంచి కండిషన్‌లో ఉన్న కారును ఎంచుకోవడం లాభదాయకం కావచ్చు.
Share
తెలంగాణ బీజేపీలో భారీ మార్పులు.. కొత్తగా ఐదు కీలక పదవులు.. ఢిల్లీ స్థాయిలో నేతల లాబీయింగ్!
Illu Illalu Pillalu Today Episodes: వల్లికి అండగా రామరాజు.. భద్రకు దిమ్మతిరిగే కౌంటర్.. ఇది కదా అసలు ట్విస్ట్..
