Sardar 2: కోలీవుడ్ బ్యూటీ మాళవిక మోహనన్ ప్రస్తుతం వరుస సినిమాలతో బిజీగా ఉన్న విషయం తెల్సిందే. పట్టంపోలే అనే సినిమాతో కెరీర్ ను ప్రారంభించిన మాళవిక.. మాస్టర్ సినిమాతో మంచి విజయాన్ని అందుకుంది. ఆ తరువాత వరుస అవకాశాలను అందుకుంటుంది కానీ, విజయాలను మాత్రం అందుకోలేకపోయింది. విజయాపజయాలను లెక్కచేయకుండా అమ్మడు విజయం కోసం కష్టపడుతుంది.
ఇప్పటికే అమ్మడు నటించిన తంగలాన్ రిలీజ్ కు రెడీ అవుతోంది. ఇక ఇది కాకుండా మాళవిక.. తెలుగులో ప్రభాస్ సరసన రాజాసాబ్ సినిమాలో నటిస్తుంది. పాన్ ఇండియా లెవెల్లో ఈ సినిమాలు రిలీజ్ కానున్నాయి. ఈ రెండు సినిమాలు కాకుండా మాళవిక మరో లక్కీ ఛాన్స్ పట్టేసింది. కార్తీ, రాశీ ఖన్నా జంటగా పీఎస్ మిత్రన్ దర్శకత్వంలో తెరకెక్కిన చిత్రం సర్దార్.
2022 లో రిలీజ్ అయిన ఈ సినిమా భారీ విజయాన్ని అందుకుంది. ఒన్స్ ఏ స్పై.. ఆల్ వెస్ ఏ స్పై అనే ట్యాగ్ లైన్ తో రిలీజ్ అయిన సర్దార్ లో కార్తీ ఒక స్పై గా కనిపించాడు. ఇక అప్పుడే సర్దార్ 2 ను కూడా ప్రకటించారు. గతేడాది నుంచి సర్దార్ 2 సెట్స్ మీదకు వెళ్ళింది. ఇక ఈ మధ్యనే సర్దార్ 2 సెట్ లో ప్రమాదం జరిగి కొన్నిరోజులు షూటింగ్ ఆగిపోయిన విషయం తెల్సిందే.
ఇక తాజాగా ఈ సినిమా షూటింగ్ మొదలయ్యినట్లు తెలుస్తోంది. ఈ సినిమాకు సంబంధించిన ఒక అప్డేట్ ను మేకర్స్ అభిమానులతో పంచుకున్నారు. ఈ చిత్రంలో మాళవిక మోహనన్ నటిస్తుందని మేకర్స్ అధికారికంగా తెలిపారు. ఈ విషయాన్నీ మాళవిక పోస్ట్ చేస్తూ.. “నా పుట్టినరోజు వారానికి ఉత్తమ ప్రారంభం. తమిళంలో నా తదుపరి ప్రాజెక్ట్‌ను ప్రకటించడానికి సంతోషిస్తున్నాను. అది కూడా ఈ అద్భుతమైన బృందంతో. దీన్ని ప్రారంభించడానికి వేచి ఉండలేకపోతున్నా” అంటూ రాసుకొచ్చింది. మరి ఇందులో అమ్మడు స్పై గా కనిపిస్తుందో.. లేక స్పై తో రొమాన్స్ చేసే బ్యూటీగా కనిపిస్తుందో చూడాలి.
Best start to my birthday week! 🥰
Sooo excited to announce my next project in Tamil! ♥️ That too with this fantastic team! Can’t wait to get started on this one! #Sardar2 ♥️@Karthi_Offl @Psmithran @thisisysr @Prince_Pictures pic.twitter.com/aez7xbdFW1— Malavika Mohanan (@MalavikaM_) August 2, 2024
Share
Kerala Landslide: వయనాడ్‌ బాధితులకు కాంగ్రెస్ భారీ భరోసా.. 100పైగా ఇళ్లు కట్టిస్తాం - రాహుల్ గాంధీ
Budh Gochar Horoscope: బుధుని అనుగ్రహంతో ఈ రాశుల జీవితంలో సంతోషం, ఐశ్వర్యం రాబోతుంది
