Megastar movie updates : ఈ ఏడాది సంక్రాంతికి ‘వాల్తేరు వీరయ్య’ చిత్రంతో బ్లాక్ బస్టర్ కొట్టారు మెగాస్టార్ చిరంజీవి. ఇప్పుడు మెహర్ రమేష్ దర్శకత్వంలో ‘భోళా శంకర్’గా అలరించబోతున్నారు. ఈ చిత్రం ఆగస్ట్ 11న రిలీజ్ కానుంది. సినిమా షూటింగ్ శరవేగంగా జరుగుతుంది. కాగా.. చిరంజీవి నెక్ట్స్ మూవీ ఏంటనే దానిపై అధికారిక ప్రకటన లేదు. రెండు, మూడు ప్రాజెక్ట్స్ పేర్లు బలంగా వినిపించినప్పటికీ ఏదీ వర్కవుట్ కాలేదు. ఇటీవల చిరంజీవితో ఆయన కుమార్తె సుష్మిత కొణిదెల ఓ సినిమా చేయబోతున్నారనే వార్తలు బలంగా వినిపించాయి. ఇప్పుడు ఈ మెగాస్టార్‌తో యువీ క్రియేషన్స్ బ్యానర్ చేయటానికి ప్లాన్ చేసుకుంటోంది.
వివరాల్లోకి వెళితే.. గత ఏడాది బింబిసార చిత్రంతో బ్లాక్ బస్టర్ సాధించిన దర్శకుడు వశిష్టతో మెగాస్టార్ చిరంజీవి సినిమా చేయటానికి యువీ క్రియేషన్స్ సన్నాహాలు ప్రారంభించిందట. ఇటీవల చిరంజీవికి ఫాంటసీ కథను చెప్పారట. ఆయనకు బాగా నచ్చేసింది. మెగాస్టార్ ఫాంటసీ సినిమా చేసి చాలా ఏళ్లు అవుతుంది. పూర్తి స్క్రిప్ట్ తయారు చేయమని చెప్పారట. ఇప్పుడు వశిష్ట ఆ పనిలో బిజీగా ఉన్నారు. మరో వైపు ఈ యంగ్ డైరెక్టర్ తన నెక్ట్స్ మూవీని నందమూరి కళ్యాణ్ రామ్‌తో బింబిసార 2 చేస్తారా లేక సమయం తీసుకుని చిరంజీవితో మూవీ చేస్తాడా అని తెలియాలంటే కొన్నాళ్లు ఆగాల్సిందే.
చిరంజీవి ఇప్పుడు వెరైటీ కథలను సెలక్ట్ చేసుకుని సినిమా చేయాలనే ఆలోచనతో ముందుకెళుతున్నారు. అందుకనే వెంట వెంటనే ప్రాజెక్ట్స్‌ని ఓకే చేయటం లేదు. తమిళ చిత్రం వేదాళంకు రీమేక్‌గా భోళా శంకర్ సినిమా తెరకెక్కుతోంది. ఎ.కె.ఎంటర్‌టైన్‌మెంట్స్ బ్యానర్‌పై అనీల్ సుంకర్ సారథ్యంలో రామబ్రహ్మం సుంకర నిర్మాతగా మెహర్ రమేష్ ఈ మూవీని తెరకెక్కిస్తున్నారు. ఇందులో తమన్నా హీరోయిన్‌గా నటిస్తుంది.. చిరంజీవి చెల్లెలు పాత్రలో కీర్తి సురేష్ నటిస్తోంది.
Share
Hearing Issue:- మానసిక సమస్యకు దారితీస్తున్న వినికిడి లోపం..
Ponguleti: రాహుల్ టీమ్‌తో పొంగులేటి భేటీ!.. వామ్మో, అన్ని షరతులా?
