Prathinidhi 2: కుర్ర హీరో నారా రోహిత్ హీరోగా మూర్తి దేవగుప్తపు దర్శకత్వంలో తెరకెక్కిన చిత్రం ప్రతినిధి 2. 2014 లో రిలీజ్ అయిన ప్రతినిధి సినిమాకు సీక్వెల్ గా ప్రతినిధి2 ను తెరకెక్కించారు. ఈ సినిమాలో సిరి లెల్ల, దినేష్ తేజ్, సప్తగిరి, జిషు సేన్గుప్తా, సచిన్ ఖేదేహర్, తనికెళ్ళ భరణి, ఇంద్రజ, ఉదయ భాను, అజయ్ గోష్ తదితరులు కీలక పాత్రల్లో నటిస్తున్నారు. పొలిటికల్ సెటైర్ గా ఈ చిత్రాన్ని వానరా ఎంటర్టైన్మెంట్స్ మరియు రానా ఆర్ట్స్ బ్యానర్స్ పై కుమార్ రజా బత్తుల, ఆంజనేయులు శ్రీ తోట మరియు సురేంద్రనాథ్ బొల్లినేని నిర్మించారు.
ఇప్పటికే ఈ చిత్రం నుంచి రిలీజైన పోస్టర్స్, ట్రైలర్, సాంగ్స్ ప్రేక్షకులను విశేషంగా ఆకట్టుకోవడమే కాకుండా పెద్ద చర్చనీయంశంగా మారాయి. ఏప్రిల్ 25 న ఈ సినిమా రిలీజ్ కానుందని మేకర్స్ ప్రకటించారు. రిలీజ్ డేట్ దగ్గరపడుతుండటంతో నారా రోహిత్ వరుస ఇంటర్వ్యూలు ఇస్తూ సినిమాపై మరింత హైప్ క్రియేట్ చేస్తున్నాడు. అయితే ఈ నేపథ్యంలోనే ఈ చిత్రం వాయిదా పడింది. “ప్రతినిధి 2.. కొద్దిసేపు విరామం తీసుకుంది, మీకు సమీపంలోని థియేటర్లలో కొత్త విడుదల తేదీతో త్వరలో రిపోర్ట్ చేయబడుతుంది” అని మేకర్స్ తెలిపారు. అయితే ఎందుకు ఈ సినిమాను వాయిదా వేశారు అనేది మాత్రం క్లారిటీ ఇవ్వలేదు.
ఎన్నికల వేళ ఈ సినిమాను రిలీజ్ చేయకుండా చాలామంది కుట్రలు పన్నుతున్నట్లు సమాచారం. ఏప్రిల్ 25 నే ఈ సినిమాను విడుదల చేయడానికి కారణం.. 2014 లో కూడా ఏప్రిల్ 25 నే ప్రతినిధి సినిమాను రిలీజ్ చేశారు. ఇప్పుడు కూడా అదే డేట్ ను అనుకున్నారు కానీ, ఇది వర్క్ అవుట్ కాలేదు. మరి ఈ సినిమా ఎప్పుడు వస్తుందో చూడాలి.
#Prathinidhi2 takes a brief pause, will be reporting soon at theatres near you with an exciting new release date. pic.twitter.com/FyoSLPPhYT
— Vamsi Kaka (@vamsikaka) April 23, 2024
Share
Pawan Nomination Filed: నామినేషన్ దాఖలు చేసిన పవన్ కల్యాణ్.. జనసేనాని ఆస్తుల వివరాలివే..!
Kavitha Judicial custody extended: కవితకు మళ్లీ చుక్కెదురు.. మే 7 వరకు..
