NITHIN: ఎనర్జిటిక్ హీరో నితిన్ ప్రస్తుతం భారీ హిట్ కోసం ప్రయత్నిస్తున్నాడు. ఇందులో భాగంగా చాలా సినిమాలు చేస్తున్నాడు. ఇటీవలే ‘ఎక్స్‌ట్రా ఆర్డినరీ మ్యాన్’ సినిమాతో ప్రేక్షకుల ముందుకు వచ్చాడు. ఎన్నో అంచనాల నడుమ విడుదలైన ఈ సినిమా ప్రేక్షకులను పెద్దగా ఆకట్టుకోలేకపోయింది. దీంతో ఈ సారి ఎలాగైన బ్లాక్ బస్టర్ హిట్ కొట్టాలని చూస్తున్నాడు.
ఇందులో భాగంగా ఇప్పుడు వెంకీ కుడుముల దర్శకత్వంలో ఓ సినిమా చేస్తున్నాడు. మైత్రి మూవీ మేకర్స్ నిర్మాతలు నవీన్ ఎర్నేని, రవిశంకర్ ఎలమంచిలి నిర్మిస్తున్నారు. ముందుగా ఈ సినిమాలో హీరోయిన్‌గా రష్మికను అనుకున్నారు. కానీ ఆమె ఈ షూటింగ్ నుంచి తప్పుకోవడంతో శ్రీలీలను తీసుకున్నారు. ఈ చిత్రానికి జివి ప్రకాశ్ కుమార్ సంగీతం అందిస్తున్నారు. ప్రస్తుతం ఈ మూవీ షూటింగ్ శరవేగంగా జరుగుతోంది. తాజా షెడ్యూల్‌ కేరళలో హీరో, హీరోయిన్లపై పలు సన్నివేశాలని చిత్రీకరిస్తున్నారు.
కాగా ఈ మూవీ ఫస్ట్ లుక్‌ను జనవరి 26న అంటే రేపు ఉదయం 11.07 గంటలకు రివీల్ చేయనున్నట్లు మేకర్స్ ఇటీవల అనౌన్స్ చేశారు. ఈ నేపథ్యంలో తాజాగా మరో వార్త నెట్టింట చక్కర్లు కొడుతోంది. ఈ మూవీ టైటిల్ తాజాగా లీక్ అయినట్లు తెలుస్తోంది. ఈ సినిమాలో నితిన్ మోసగాడి పాత్రలో కనిపించబోతున్నాడు. కావున ఆ పాత్రకు తగ్గట్టుగా ‘రాబిన్ హుడ్’ అనే టైటిల్‌ను ఫిక్స్ చేసినట్లు టాక్ వినిపిస్తోంది.
Share
Shoaib Bashir : ఇంగ్లాండ్ టీమ్ కు గుడ్ న్యూస్.. స్పిన్నర్ షోయబ్ బషీర్ కు వీసా మంజూరు..
Rahul Gandhi : భారత్ జోడో న్యాయ యాత్ర రూట్ మ్యాప్‌లో మార్పులు.. మమతా వ్యాఖ్యలే కారణమా?
