NTR: యంగ్ టైగర్ ఎన్టీఆర్ ఫ్యాన్ ఫాలోయింగ్ గురించి ప్రత్యేకంగా చెప్పాల్సిన పనిలేదు. నందమూరి వారసుడిగా ఇండస్ట్రీలోకి అడుగుపెట్టిన తారక్కు అంతర్జాతీయ స్థాయిలో కోట్లాది మంది ఫ్యాన్స్ ఉన్నారు. ఆర్ఆర్ఆర్ సినిమాతో తారక్ క్రేజ్ మరింత పెరిగింది. ఇంటర్నేషనల్ లెవల్లో తారక్కు గుర్తింపు లభించింది. ఇటీవల ఆస్కార్ వేడుకల కోసం అమెరికాకు వెళ్లిన ఎన్టీఆర్కు ఇంటర్నేషనల్ ఫ్యాన్స్ వేరే లెవల్లో స్వాగతం పలికారు.
దాదాపు పది రోజుల పాటు అమెరికాలో సందడి చేశారు తారక్. స్వయంగా అభిమానులను కలిసి వారిలో ఉత్సాహాన్ని నింపారు. ప్రస్తుతం తారక్ కొరటాల శివ దర్శకత్వంలో ఎన్టీఆర్-30 సినిమా చేస్తున్నారు. ఈ మూవీలో బాలీవుడ్ స్టార్ హీరోయిన్ జాన్వీ కపూర్, ఎన్టీఆర్ సరసన నటిస్తోంది.
ఇదిలా ఉండగా.. ఎన్టీఆర్కు అమెరికన్ ఫ్యాన్స్ ఊహించని రీతిలో ధన్యవాదాలు తెలిపారు. ఒక బ్యానర్ను విమానం సాయంతో ఆకాశంలో ఎగరేస్తూ.. ‘‘థ్యాంక్యూ ఎన్టీఆర్. మీ 30వ సినిమా కోసం ఎంతగానో ఎదురు చూస్తున్నాం’’ అని రాసి ఎన్టీఆర్పై ఉన్న అభిమానాన్ని చాటుకున్నారు. ఇందుకు సంబంధించి వీడియోను ట్విట్టర్లో షేర్ చేశారు. ప్రస్తుతం ఈ వీడియో వైరలవుతోంది.
Share
Delhi: పాత ఫోన్లతో ఈడీ ఆఫీసుకు కవిత.. ఈ సారి ఏం జరుగునో..?
Pharmacy industry:ఆ దేశాలపై ఆధారపడకూడదు..! ఫార్మసీ ఇండస్ట్రీ నిర్ణయం..
