Jabardasth Nukaraju: జబర్దస్త్ ద్వారా మంచి పేరు తెచ్చుకున్న కమెడియన్ నూకరాజు. ఎలాంటి పాత్ర అయినా కూడా తనదైన నటనతో మెప్పించి ఆనతి కాలంలోనే టీమ్ లీడర్ అయిపోయాడు. ఇక జబర్దస్త్ లో పరిచయమైన జంటల్లో సుధీర్ రష్మీ మధ్య ప్రేమను పరిచయం చేసి.. ఆన్ స్క్రీన్ రొమాన్స్ కు తెరలేపారు. ఇక వీరి తరువాత అలానే చాలామంది ట్రై చేశారు. కొందరికి వర్క్ అవుట్ అయ్యింది.. ఇంకొందరికి వర్క్ అవుట్ కాలేదు. ఇక అలా బయట కూడా వర్క్ అవుట్ అయిన జంటల్లో నూకరాజు- ఆసియా జంట ఒకటి.
ఒక లేడీ క్యారెక్టర్ ద్వారా ఆసియా.. నూకరాజు టీమ్ లో జాయిన్ అయ్యింది. ఆ తరువాత వీరి పరిచయం ప్రేమగా మారి.. పెళ్లి వరకు దారితీసిందని టాక్. అయితే గత కొన్నిరోజులుగా ఈ జంట బ్రేకప్ చెప్పుకున్నారని వార్తలు వినిపిస్తున్నాయి. తాజాగా ఈ వార్తలకు చెక్ పెట్టాడు నూకరాజు. ప్రేమలో గొడవలు కామన్ అని, కానీ అర్ధం చేసుకొనే వారు ఉంటే అవన్నీ తొలగిపోతాయని చెప్పుకొచ్చాడు. అంటే తమ మధ్య బ్రేకప్ అవ్వలేదని, కలిసి పోయినట్లు తెలిపాడు. ఒక వీడియోలో నూకరాజు మాట్లాడుతూ.. ” ప్రేమలో అలకలు, గొడవలు, బుజ్జగింపులు ఉంటాయి. అలానే ఆసియాకు నాకు మధ్య గొడవలు ఉన్నాయి. నేను బిజీగా ఉండడం వలన ఆమెకు టైమ్ ఇవ్వలేకపోయేవాడిని. తాను నాపై అలిగేది.. నేను పట్టించుకోకుండా ప్రోగ్రామ్స్ అంటూ వెళ్లిపోయేవాడిని.. వందశాతం తప్పు నాదే.
తప్పు ఎవరిదైనా ఎప్పుడు ఆమె నాతో మాట్లాడేది. కొన్నిరోజుల క్రితం నేను దుబాయ్ ఈవెంట్ కు వెళ్లాను. ఆసియా ఫోన్ చేసింది.. కానీ నా ఫోన్ కలవలేదు. కనీసం ఆమె బర్త్ డే కు విష్ కూడా చేయలేదు. ఇండియా వచ్చాక ఆసియాతో మాట్లాడాను. అర్ధం చేసుకుంది. అప్పుడు బర్త్ డే మిస్ అయినా.. ఇప్పుడు ఆమె బర్త్ డే ఎంతో గ్రాండ్ గా చేద్దామనుకుంటున్నాను. చిన్న ఈగోలతో ప్రేమను దూరం చేసుకోకండి.. మా బంధం ముక్కలు కాలేదు” అని చెప్పుకొచ్చాడు. మరి ఈ జంట పెళ్లి ఎప్పుడు చేసుకుంటారో చూడాలి.
Share
Ponnam Prabhakar: తెలంగాణ రైతులకు గుడ్ న్యూస్.. మంత్రి కీలక ప్రకటన
Sun Tan Removing Face Pack: సన్ టాన్‌తో ఇబ్బంది పడుతున్నారా.. ఈ ఫేస్ ప్యాక్స్ మీ కోసమే
