Prabhas Upcoming Movie Update: ‘సలార్’ మూవీతో పాన్ ఇండియా స్టార్ ప్రభాస్ బ్లాక్ బస్టర్ హిట్ అందుకున్నాడు. ఈ మూవీకి ముందు వరకు ఎలాంటి హిట్లు లేక సతమతమైన ప్రభాస్కు, అతడి ఫ్యాన్స్కు సలార్ మూవీ ఆకలి తీర్చింది. బాక్సాఫీసు వద్ద ఏకంగా రూ.700 కోట్లకు పైగా కలెక్షన్లు రాబట్టి దుమ్ము దులిపేసింది.
ఈ మూవీతో ప్రభాస్ మళ్లీ పట్టాలెక్కాడని.. రాబోయే సినిమాలతో బాక్సాఫీసు బద్దలవడం ఖాయమని అతడి ఫ్యాన్స్ చర్చించుకున్నారు. ఈ క్రమంలోనే ప్రభాస్ నటించబోయే ఓ సినిమా గురించి అప్డేట్ నెట్టింట వైరల్ అవుతోంది. ‘సీతారామం’ వంటి క్లాసికల్ సినిమాతో బ్లాక్ బస్టర్ హిట్ను అందుకున్నాడు దర్శకుడు హను రాఘవపూడి.
ఈ మూవీ సృష్టించిన సెన్సేషన్ అంతా ఇంతా కాదు. యాక్షన్ సినీ ప్రియుల్ని సైతం ఈ మూవీ ఎమోషన్తో ఏడిపించేసింది. అయితే ఇప్పుడు ఈ మూవీ డైరెక్టర్ హను రాఘవపూడి – ప్రభాస్ ఒక్కటయ్యారు. వీరిద్దరూ కలిసి ఓ మూవీ ప్లాన్ చేశారు. ప్రస్తుతం అందుకు సంబంధించిన స్క్రిప్ట్ వర్క్ కూడా కంప్లీట్ అయినట్లు సినీ వర్గాల నుంచి సమచారం వస్తుంది.
Also Read: ప్రభాస్ ఫ్యాన్స్కు గుడ్ న్యూస్.. ఆ మూవీలోని మూడు సాంగ్స్ కంప్లీట్
టాలీవుడ్ ప్రముఖ నిర్మాత సంస్థ మైత్రి మూవీ మేకర్స్ వారు ఈ చిత్రాన్ని భారీ రేంజ్లో నిర్మిస్తున్నారు. ముఖ్యంగా లవ్ కాన్సెప్ట్తో సాగే పీరియాడిక్ యాక్షన్ స్టోరీతో ఈ మూవీ ప్రేక్షకుల ముందుకు రాబోతున్నట్లు తెలుస్తోంది. తాజాగా ఈ మూవీకి సంబంధించి ఓ న్యూస్ నెట్టింట చక్కర్లు కొడుతోంది. ప్రభాస్ ప్రేమ కథకి ముహూర్తం కుదిరినట్లు తెలుస్తోంది. జులై నుంచి ఈ మూవీ పట్టాలెక్కబోతున్నట్లు సోషల్ మీడియాలో ప్రచారం జోరుగా సాగుతుంది. దీనిపై మేకర్స్ నుంచి అఫీషియల్ అప్డేట్ త్వరలో వచ్చే అవకాశం ఉంది.
ఇకపోతే ప్రభాస్ చేతిలో మరో మూడు సినిమాలు ఉన్నాయి. అందులో ‘కల్కి 2898’ మూవీ ఒకటి. ఈ మూవీపై అందరిలోనూ భారీ అంచనాలు ఉన్నాయి. ఇప్పటికే ఈ మూవీ నుంచి విడుదలైన పోస్టర్స్, గ్లింప్స్ సినిమాపై అంచనాలు అమాంతంగా పెంచేశాయి. ఇందులో ప్రభాస్ హాలీవుడ్ రేంజ్ హీరోలా కనిపించి ఫ్యాన్స్కు ట్రీట్ అందించాడు. దీంతో అతడ్ని థియేటర్లలో చూసేందుకు చాలా మంది ఎదురుచూస్తున్నారు. ఈ మూవీ జూన్ 27న ప్రేక్షకుల ముందుకు రానుంది.
Also Read: Shahid Kapoor: ప్రేమ పేరుతో నన్ను ఇద్దరు మోసం చేశారు: స్టార్ హీరో.. ఆ ఇద్దరు ఎవరంటే..?
దీంతోపాటు మారుతీ దర్శకత్వంలో ‘రాజాసాబ్’ మూవీ చేస్తున్నాడు. ఈ మూవీ షూటింగ్ శరవేగంగా జరుగుతుంది. అలాగే సందీప్ రెడ్డి వంగాతో ‘స్పిరిట్’ మూవీ చేయనున్నాడు. ఈ మూవీకి సంబంధించిన స్క్రిప్ట్ వర్క్ అంతా కూడా జరుగుతున్నట్లు దర్శకుడు ఇటీవలే తెలిపాడు. అలాగే ‘సలార్ 2’ కూడా త్వరలో పట్టాలెక్కబోతుంది.