The Raja Saab: రీసెంట్ టైమ్స్ లో ట్రోలింగ్ అనేది మరీ ఎక్కువ అయిపోయింది. చాలామంది లిమిట్ దాటి కామెంట్ చేయడం మొదలు పెడుతున్నారు. ముఖ్యంగా ఫ్యాన్ వార్స్ వలన కొంతమంది హీరోల పైన ఈ ట్రోలింగ్ అనేది జరుగుతూ ఉంటుంది. ఒకప్పుడు ఫ్యాన్ వార్స్ అంటే చాలా హెల్దిగా జరిగేవి. ఒక హీరో సినిమా రిలీజ్ అయితే వేరే హీరో అభిమానులు కూడా థియేటర్కు తీసుకెళ్లి ఈ సినిమాను ఎంజాయ్ చేసేవాళ్ళు. ఒకవేళ ఈ సినిమా పోతే వేరే హీరో ఫ్యాన్స్ వీళ్ళని కామెంట్ చేసేవాళ్ళు. అది ఇంకో సినిమా వచ్చినంత వరకు అప్పుడప్పుడు హెల్తీగా జరుగుతూ ఉండేది. కానీ ఇప్పుడు అలా కాదు కలెక్షన్స్ తో, ఫేక్ ఇంట్రెస్టింగ్ రేట్స్ తో సోషల్ మీడియా వేదికగా చాలామంది ఒకరిపై ఒకరు ట్రోల్ చేసుకోవడం మొదలుపెట్టారు. కొంతమంది ప్రత్యక్షంగా కలుసుకుని మరి గొడవలు దిగుతున్నారు.
వ్యక్తిగతంగా ట్రోలింగ్
ఒక హీరోకు సంబంధించి తన ఎంచుకునే పాత్రలు, తన యాక్టింగ్ స్కిల్స్ వీటిని బట్టి ఆ హీరోను కామెంట్ చేయడం కొంతవరకు ఓకే అనిపిస్తుంది. కానీ కొంతమంది మాత్రం మరీ పర్సనల్ గా వెళ్లిపోయి బాడీ సేమింగ్ కూడా చేసే పరిస్థితికి వచ్చారు. ప్రస్తుతం ఏ సినిమా రిలీజ్ కి సిద్ధంగా ఉందో ఆ సినిమా హీరోని కామెంట్ చేస్తూ ఉంటారు. ప్రభాస్ నటించిన రాజసాబ్ సినిమా డిసెంబర్ 5న రిలీజ్ కి సిద్ధంగా ఉంది. ఈ తరుణంలో టీజర్ 16 వ తారీఖున విడుదల చేస్తున్నట్లు అధికారికంగా ప్రకటించారు. ఈ సినిమా టీజర్ వర్క్ కి సంబంధించిన ఒక ఫోటోను తమన్ ట్విట్టర్ వేదికగా షేర్ చేశారు. తమన్ పక్కన ఒక టెక్నీషియన్ కూర్చుని ఉన్నారు. అయితే ఆ ఫోటోను షేర్ చేసి ప్రభాస్ ఏంటి ఇలా అయిపోయాడు అని కామెంట్ చేస్తున్నారు సోషల్ మీడియాలో కొంతమంది వ్యక్తులు.
What happened to Prabhas 😬😬 pic.twitter.com/EUSxAXO83g
— Syera (@NeelFannn) June 13, 2025
చాలా కొత్తగా ఉన్నాడు
వాస్తవానికి రాజా సాబ్ సెట్స్ లో ఒక ఫోటో విడుదలైంది. ఆ ఫోటోలు ప్రభాస్ మారుతి తమన్ కనిపిస్తున్నారు. రీసెంట్ గా ప్రభాస్ చేసిన అన్ని సినిమాల్లో కంటే కూడా ఈ సినిమాలో చాలా స్టైలిష్ గా కనిపిస్తున్నాడు. వాస్తవానికి ప్రభాస్ ని ఇలా చూసి చాలా సంవత్సరాలు అయిందని కూడా చెప్పాలి. ఇకపోతే ఈ సినిమా మీద మంచి అంచనాలు ఉన్నాయి. చాలా ఏళ్ళు తర్వాత ప్రభాస్ లోని ఒక ఎంటర్టైన్మెంట్ యాంగిల్ బయటకు తీయబోతున్నాను అని మారుతి చెప్పుకొచ్చారు. మారుతి చెప్పినట్లు ఈ సినిమాలో ఎంటర్టైన్మెంట్ వర్కౌట్ అయితే అద్భుతమైన కలెక్షన్లు వస్తాయి. పీపుల్ మీడియా ఫ్యాక్టరీ ఈ సినిమాను భారీ బడ్జెట్ తో తెరకెక్కించింది. ఆ ప్రొడక్షన్ హౌస్ కు ఈ సినిమా సక్సెస్ బిగ్గెస్ట్ ప్లస్ పాయింట్ గా మారనుంది.
Share
Samyuktha Menon - NBK: బాలయ్య కాళ్లపై పడిపోయిన హీరోయిన్ సంయుక్త… వీడియో వైరల్!
Pimples: ఈ టిప్స్ పాటిస్తే.. మొటిమలు మాయం
