Jai Hanuman Releasing in 3D Version: క్రియేటివ్ దర్శకుడు ప్రశాంత్ వర్మ దర్శకత్వంలో యంగ్ హీరో తేజ సజ్జ కథానాయకుడిగా వచ్చిన ‘హనుమాన్’ మూవీ ఎంతటి ఘన విజయాన్ని సొంతం చేసుకుందో ప్రత్యేకంగా చెప్పాల్సిన పనిలేదు. ఒక చిన్న మూవీగా సంక్రాంతికి రిలీజ్ అయిన ఈ సినిమా ఎవరూ ఊహించని బ్లాక్ బస్టర్ హిట్ ని అందుకుంది. ఈ ఏడాది జనవరి 12న రిలీజ్ అయి సంక్రాంతి విన్నర్‌గా నిలిచింది.
అంతేకాకుండా బాక్సాఫీసు వద్ద కూడా తన హవా ఏంటో చూపించింది. ఏకంగా రూ.300 కోట్లకు పైగా కలెక్షన్లను నమోదు చేసి అందరినీ ఆశ్చర్యపరచింది. అయితే ఈ మూవీ ఇంతటి ఘన విజయాన్ని సాధిస్తుందని ఎవరూ అనుకోలేదు. ఈ మూవీ కూడా మరో ఆదిపురుష్ అవుతుందని అందరూ భావించారు. కానీ అలా జరగలేదు.
ఫస్ట్ షో నుండే పాజిటివ్ రెస్పాన్స్‌తో దుమ్ముదులిపేసి.. విమర్శకుల నుండి ప్రశంసలను అందుకుంది. దీంతో దర్శకుడు ప్రశాంత్ ఈ చిత్రానికి సీక్వెల్ ప్రకటించాడు. ఈ సీక్వెల్ చిత్రానికి గానూ ‘జై హనుమాన్’ అనే టైటిల్‌ను కూడా ఖరారు చేశారు. ఇక ఈ సీక్వెల్ మూవీ ప్రకటించినప్పటి నుంచి మంచి హైప్ ఏర్పడింది.
Also Read: గూస్ బంప్స్ తెప్పిస్తున్న ‘జై హనుమాన్’ కొత్త పోస్టర్..
అంతేకాకుండా ఈ మూవీ మొత్తం ఆంజనేయుడి నేపథ్యంలో ఉంటుందని దర్శకుడు చెప్పాడు. అయితే ఇందులో రాముడిగా మహేష్ బాబు, ఆంజనేయుడిగా మెగాస్టార్ చిరంజీవి నటిస్తే బాగుంటుందని తాను అనుకున్నట్లు గతంలో ఓ ఇంటర్వ్యూలో చెప్పుకొచ్చాడు. దీంతో మరింత హైప్ నెలకొంది.
అంతేకాకుండా అప్పుడప్పుడు ఈ మూవీ గురించి అప్డేట్లు ఇస్తూ ప్రేక్షకాభిమానుల్ని ఖుషీ చేస్తుంటాడు. ఇటీవలే ఓ చిన్న వీడియోను సోషల్ మీడియాలో వదులుతూ అభిమానుల్లో ఎనర్జీ లెవెల్ పెంచేశాడు. ఆ తర్వాత శ్రీరామనవమి రోజున ఓ అద్భుతమైన పోస్టర్‌ను రిలీజ్ చేసి అందరిలో ఆసక్తి రేకెత్తించాడు.
Also Read: Fahadh Faasil: సినిమాలు చూడండి అని వారికి మనమెందుకు చెప్పాలి..
అంతేకాకుండా ‘హనుమాన్ జయంతి’ రోజున మరొక పోస్టర్ రిలీజ్ చేసి సర్ప్రైజ్ అందించాడు. ఈ మేరకు రిలీజ్ అయిన కొత్త పోస్టర్ చాలా అద్భుతంగా ఉంది. డ్రాగన్స్‌తో హనుమంతుడికి గట్టి ఫైట్లను పెట్టినట్టు కనిపిస్తుంది. అంతేకాకుండా మేకర్స్ ఈ కొత్త పోస్టర్‌తో పాటు మరొక అప్డేట్‌ను కూడా అందించారు. జై హనుమాన్ మూవీని ఐమ్యాక్స్ 3డి వెర్షన్‌లో రిలీజ్ చేయనున్నట్లు మేకర్స్ పోస్టర్ ద్వారా తెలిపారు. పోస్టర్ బట్టి చూస్తే ప్రశాంత్ ఈ సారి గట్టిగానే ప్లాన్ చేస్తున్నట్లు తెలుస్తోంది.