Prithviraj Sukumaran: పృథ్వీరాజ్ సుకుమారన్.. ఈ పేరు వినగానే ముందుగా గుర్తొచ్చేది ‘సలార్’ సినిమా. ఈ సినిమాలో అతడు ప్రభాస్‌తో పోటీ పడి మరీ టాలీవుడ్ సినీ ప్రియులను అలరించాడు. ఇదివరకూ తెలుగు ప్రేక్షకులకు అతడు తెలిసినప్పటికీ.. ‘సలార్’తో ఆ సంఖ్య మరింత పెరిగిందనే చెప్పాలి. ఇదిలా ఉంటే తాజాగా పృథ్వీరాజ్ గురించి ఓ వార్త నెట్టింట చక్కర్లు కొడుతోంది. గతంలో పృథ్వీరాజ్ ఒక హీరోయిన్‌ను గాఢంగా ప్రేమించారని.. కానీ ఆమెను వివాహం చేసుకోలేదనే వార్తలు వస్తున్నాయి. అయితే మరి ఆ హీరోయిన్ ఎవరు? ఎందుకు వివాహం చేసుకోలేదనే విషయానికి వస్తే..
పృథ్విరాజ్ తన భార్య సుప్రియ కంటే ముందే ఒక హీరోయిన్‌ని గాఢంగా ప్రేమించారట. ఆ హీరోయిన్ మరెవరో కాదు ఒకప్పుడు టాలీవుడ్‌లో ఒక వెలుగు వెలిగిన మీరాజాస్మిన్. పృథ్వీరాజ్‌తో ఈమెకు మంచి సన్నిహిత్యం ఉండేదట. అలా వీరిద్దరి మధ్య లవ్ ట్రాక్ నడవడంతో వీరిద్దరూ వివాహం చేసుకుంటారని మలయాళం మీడియాలో తెగ వార్తలు వినిపించాయి. వీరిద్దరి కలయికలో చక్రం, స్వప్నకుడుం వంటి మలయాళ సినిమాలు వచ్చాయి. ఈ సినిమాలో నటించే సమయంలో వీరిద్దరి మధ్య ప్రేమబంధం మరింత బలపడిందని టాక్.
ఇక ఆ సమయంలోనే మీరాజాస్మిన్ తెలుగులో చేసిన సినిమాలు మంచి విజయం సాధించాయి. దీంతో అటు తెలుగులో, ఇటు మలయాళంలో ఆమెకు భారీ అవకాశాలు వచ్చాయి. ఇక క్రేజ్ పెరిగే సరికి పృథ్వీరాజ్‌ను సైడ్ చేస్తూ వచ్చిందట. దీంతో పృథ్వీరాజ్ కుటుంబ సభ్యులు మీరాజాస్మిన్ గురించి ఆరా తీయగా.. అసలు విషయం బయటపడింది. ఈమె రవితేజ, శివాజీ వంటి హీరోలతో కూడా రిలేషన్‌లో ఉన్నట్లు వార్తలు వినిపించడంతో.. మీరాజాస్మిన్‌ను పెళ్లి చేసుకోకపోవడమే మంచిదంటూ పృథ్వీరాజ్‌కు సలహా ఇచ్చారట. దీంతో చివరికి సుప్రియ మీనన్‌ను వివాహం చేసుకున్నారు పృథ్వీరాజ్.
Share
TSRTC: కొత్త బస్సులను ప్రారంభించిన మంత్రి పొన్నం ప్రభాకర్..
Alla Ramakrishna Reddy: షర్మిల వెంట నడుస్తా.. ఆర్కే సంచలన నిర్ణయం..
